الرخوم رخوم حتى لوتباهوا بالبشوت

الفرص ماتنتفوت كـان جتلـك لاتفـوت=اغتنم فرصة حياتك قبـل ميعـاد الممـات
ماعلى الدنيا مخلد كل مـن فيهـا يمـوت=طاعة الله مع رسوله هي ثمركل الحيـات
خلها ملبوس نفسك خلهـا مركـب وقـوت=تنفعك ساعة وقوفـك قـدم رب الكاينـات
كان فات الفوت قالوا مايفيد تجـر صـوت=قبل اجل ينبح صوتك بالندم اخذ الوصـات
لايضيع العمر كله فى المقاهـي والبلـوت=عمرك اغلى ماملكته وش تفيـد الملهيـات
العمر شجره ورقها لاذبل صـار محتـوت=لو سقيته ماتناما لـو نمـاءكـل النبـات
ماعلى الدنيا مقام ولاعلـى الدنيـا ثبـوت=ننزل ونرحل وينزل غيرنا خلـقٍ شتـات
نبني بيوت ونموت وغيرنا يـرث البيـوت=وان رحل جاء من ورثها هكذا خذها وهات
نوت ماتنفع عقاب ولايفيـد عقـاب نـوت=والغني لو فاض مالـه ماتنجيـه الغنـات
كان ما أنفق من حلاله في شحيحات الوقوت=واستغل المال فى اللي ينفعه عقب الوفـات
ارج ربك وابتهله لادعيتـه فـى القنـوت=يرزقك طيب الختام ويرزقك حسن الثبـات
فالاصل دنياك هاذي مثل عش العنكبـوت=مايدوم الها قـرار ولايـدوم الهـا ثبـات
البنادم دام ما احفى لاجل مـولاه السبـوت=والله انه والله انه ماعلـى عمـره طـرات
المراجـل ماتهيـا بالمراكـب والبخـوت=ولاتهيـا بالمناصـب والبنـي المترفـات
الرخوم رخوم حتى لو تباهـوا بالبشـوت=والرجال رجال حتى لو مشوا فقراء حفـات
المراجل شبه دره فى البحر في بطن حوت=مايجيها كـود رجـلٍ ماحسـب للكايـدات
لو حمى حر الهجير يدوس حره دون بوت=ماحسب حر الهجيـر ولاعطـاه الالتفـات
وان طراء للبرد طاري ماحتسى للبرد كوت=زمهرير البرد دونـه ماتلحـف بالعبـات
خير من بعض الكلام اوقات ميلك للسكوت=والكلام اوقات خيرٍ لك من اظهار السكـات
كلمةٍ تنفعك قلها ماعليـك مـن الشمـوت=والكلام اللـي يعيبـك لاتكلـم بـه بتـات
لاتكون بكل وضع وحال رجالٍ صمـوت=وان هرجت يكون هرجك مايلحقك الشمات
شوت هرجٍ مايفيدك بالقدم لاجـاك شـوت=لاتسمع له لو أنه جاك مـن كـل الجهـات
عشت ياوقت المطايا قبل ميـراد الفـروت=والله إنا نفتخربـك لـو سنينـك قاسيـات
فيك تجمعنا المحبه والحسـد مالـه نعـوت=كل كلمه من رفيقك احلى من نهر الفـرات
بس صار اليوم هرجه ياصلك هرج معفوت=يمكن لحضرة جنابك يهرج بسبـع اللغـات
شجرة الحنظل ثمرها مايجي خوخٍ وتـوت=وكل شجرة توت ماتثمر طلع حنظل وقات
عش عزيز النفس حتى لوتهاجر للخبـوت=لاتذل النفـس مهمـا تعتريـك النايبـات
لو بجيبك ماتحصل غير كوم اوراق نـوت=عزة النفـس وكرمهـا ماتقـدر بالميـات

الشاعر |مشعل بن شباب الشيباني

تسلم على النقل

يالنمر

شــجـــرة الـحـنـظــل ثـمــرهــا مـايــجــي خـــــوخٍ وتــــــوت =وكــل شـجـرة تـــوت ماتـثـمـر طـلــع حـنـظـل وقـــات
عــــش عــزيــز الـنـفــس حــتــى لـوتـهـاجـر لـلـخـبــوت =لاتــــــــــــذل الــــنــــفـــــس مــــهــــمـــــا تـــعـــتـــريــــك الـــنـــايـــبــــات

رائعة هذه الذائقة
تسلم أناملك النمر

إختيار رائع إخوى النمر
صح لسان الشاعر وسلم الناقل
تحيتي

اقتباس:
المشاركة الأصلية كتبت بواسطة عبدالعزيز العبلان
تسلم على النقل


يالنمر


سلمت اخي عبد العزيز
مشكور على التنسيق دمت بود

اقتباس:
المشاركة الأصلية كتبت بواسطة ميس الريم

شــجـــرة الـحـنـظــل ثـمــرهــا مـايــجــي خـــــوخٍ وتــــــوت =وكــل شـجـرة تـــوت ماتـثـمـر طـلــع حـنـظـل وقـــات

عــــش عــزيــز الـنـفــس حــتــى لـوتـهـاجـر لـلـخـبــوت =لاتــــــــــــذل الــــنــــفـــــس مــــهــــمـــــا تـــعـــتـــريــــك الـــنـــايـــبــــات

رائعة هذه الذائقة

تسلم أناملك النمر




الرائع مرورك اختي ميس
تسلمين دمتي بود

اقتباس:
المشاركة الأصلية كتبت بواسطة غازى بن عجاب أبوزوايد
إختيار رائع إخوى النمر
صح لسان الشاعر وسلم الناقل

تحيتي


صح بدنك
تسلم ابوفيصل
على المرور الجميل

دمت بود