من فوق جمر الغلا زهبت لك دله

بروق المشاعر تلوح ونوها احياني
يوم ارتزم راعده والشوق هو هله

من فوق خيل الغرام وذود الاشجاني
سيف الهوى من جفيره لاجلك اسله

ونظمت بأسمك من طروقي وقيفاني
وانساقت اعظم قصيدة حب لك كله

قمت اكتب حروف حبك قبل تقراني
وباجمل زهور المعاني نسق سله

اترجم مشاعر غلاك بنبرة لساني
وعلى ابيض الطرس حرفي انتثر فله

وغنيت باسم المودة عذب الالحاني
ارجي عسى لحن حبك يبري العله

حبك تمكن بقلبي لين خلاني
لو يذكر الحب من دونك انا امله

في شوفتك فرحتي يا قرة اعياني
انسى همومي ولا افكر بها لله

ملكتني يا بعد حيي وحياني
حبك عزا قلبي المجروح واحتله

ما ارضى بدالك حبيب لو تمناني
وان أظلم الوقت قلبي دربك يدله

مجود على حبكم بيدي واسناني
وخطام حبك يقود القلب ويتله

وردت حوضك ولا صدرت روياني
ياكود عرق الموده قطرك يبله

القلب ضامي بقيظ الهجر عطشاني
فجر عيون الوصل للضامي يعله

اقدع غرامك بشوق شب نيراني
من فوق جمر الغلا زهبت لك دله

تبي تعرف الهيام لوين وداني
ان شفت غيرك بعيني عدها زله

وظروف حبك مذيل لي بعنواني
والرمز عشق به الساعي عرف من له

الحب بندق وقلبك صار نيشاني
يالله عسى بندقي لا ثارت تخله


راااااااقتلي

مشكور على الاضافة

يعطك العافيه على الاضافه الجميله

اقدع غرامك بشوق شب نيراني
من فوق جمر الغلا زهبت لك دله

تبي تعرف الهيام لوين وداني
ان شفت غيرك بعيني عدها زله

رائــــــــــــــــــــعة يالنمر الأرقط
اختيار مترنم
على مسمع القارئ
يترنم
مشكوووووووور يا مبدع

مشكوووووور والله يعطيك الف عافيه على المرور العطر اخي بن مطيع
دمت

مشكور ابوفيصل
دمت بود

الرائع ىمرورك اختي ميس
مشكوره على الاشاده
دمتي بود