04-01-11, 07:19 PM
|
المشاركة رقم: 1 |
| المعلومات | | الكاتب: | | | اللقب: | ::عضو جديد::
| | البيانات | | التسجيل: | Jan 2011 | | العضوية: | 3937 | | المواضيع: | 1 | | جميع المشاركات: | 1 [+] | | بمعدل : | 0.00 يوميا | | اخر زياره : | [+] | | معدل التقييم: | | | نقاط التقييم: | 50 |
| الإتصالات | | الحالة: | | | وسائل الإتصال: | |
| المنتدى :
مجلس الشعر الخاص  قصيدة خادم حرب الشاعر \ داخل بن عاتق الغيداني في الشيخ عليان الطهيمي
السلام عليكم ورحمة الله وبركاته
اعضاء منتدى مجالس الفرده
لكم مني كل الاحترام والتقدير والشكر على المجهود المبذول لهذا الصرح
اثرت ان تكون اول مصافحه لكم مني في هذا المنتدى قصيدة لوالدي خادم حرب الشاعر / داخل بن عاتق الغيداني في الشيخ عليان الطهيمي الحربي بمناسبة حصولة على جائزة المؤسس الملك عبدالعزيز أل سعود رحمه الله في ام رقيبة لعام 1431-1432هـ
الا يا ذرى راسي ليا صار عدل وميل=وياعزوتي لا جات حزت صمايلها
انا اليوم أطاول هامتي بالجدي وسهيل=فخورٍ بجايزة المؤسس ونايلها
وابارك لحرب وللطهيمي بهذا الليل=واصخر جزيلات القوافي وذللها
وبفتح سجل المجد واضيف له تسجيل=سجلٍ موثق للقبيلة فعايلها
وادون لبو فواز في صفحة تبجيل=واطرز حروفه بالجواهر و سجلها
كبنه كسب له مجد يبقى لجيل وجيل=وحرب الحرايب تفتخر في حمايلها
امغيضات جابنه وزاداً عليه الكيل=وحطن على كبد المنافس غلايلها
وسادن على الموقف مغيضات بالتجميل=سلايل ملك وضحاً فريده سلايلها
بهن ميزه تفرق عن امثالهن بالحيل=على الطرش كله فايزاتٍ سمايلها
كبار الجماهي والمهاديل فيها ميل=تشادي محاديب الجنابي مهادلها
عليهن محاجر كنها مكحله تكحيل=وهي مابها تكحيل ربي مكحلها
واذاني عليهن كنها مفصله تفصيل=على روسها اويم ارقبتها تمايلها
طوال اللحي واعراض والوجه شي مهيل=ياسبحان خلاقٍ بخلقه مجملها
طوال الرقاب اوعلط ومشهله تشهيل=سوات السيوف المرهفات ابتصاقلها
طوال الغوارب واسنمتها معاد تشيل=على ردوفها ربي ابحكمه امنزلها
اعراض النحور اوذيل ما كن فيهن ذيل=من القصر ما ياصل عراوي شمايلها
اوعسى ديرةٍ فيها مغيضات دايم سيل=و دايم طياب العشب مالي مسايلها
عسى الله يحفظها بآية من التنزيل=ويعمي عيون أهل الحسد لا تخايلها
ويحفظ عليان الطهيمي قوي الحيل=ويجزاه بالجنه من أحسن منازلها
وختم بذكر الله وذكره لختم القيل=ذرى للقصيده وانشراح لقايلها
ودمت بود
|
| |
العرض العادي
