ديوان الشاعر : محمد بن شعيبان

بسم الله الرحمن الرحيم

في البدايه اشكر من ساهم بنجاح هذا المنتدى المبارك وانه ليشرفني ويسرني ان اكون من اعضاء هذا المنتدي
ويسرني ان اقدم لكم هذه المشاركه وهي مجاراه لقصيدة الشاعر سلطان بن بتلا الحربي

قال من دافع هجوسه وغاية مقصده=دايم(ن) حرصه على المعنى الثمين
بيض الله وجه سلطان بيتن ورده=له مكانه في صدور الرجال الفاهمين
قاف بن بتلا عده عده لو تسمح عده=كرره يامشرف المنتدى في كل حين
وبلغه شكري على كل شطر ومفرده=بارك الله فيه وافي راع المعنى السمين
بيت بن بتلا على العز مسموك اعمده=راس مقدم روس يشهدلهم دنيا ودين
مجدهم مع طول الأيام يزداد اعدده=بالشجاعه والكرم للمراجل حايزين
والشكر للوسوس بداية كلامي وبعده=دايم ومنصور حرصه على المعنى الثمين
وكل طيب مثل منصور لعل اجهده=بالنجاح مكللا بذن رب العالمين

والشكر للوسوس بداية كلامي وبعده=دايم ومنصور حرصه على المعنى الثمين
وكل طيب مثل منصور لعل اجهده=بالنجاح مكللا بذن رب العالمين

بيض الله وجهك يا ابن شعيبان 000 حياك الله يا ولد ابوي راشد

السلام عليكم ورحمة الله وبركاته
الشاعر محمد بن شعيبان من الشعراء الفرده الكبار الذين ابدعوا
في نظم القصائد في شتى المجالات ..
وله حضور بارز في مناسبات الفرده ذلك الحضور الزاهي والمشرف ..
أبو فهد له من القصائد المتيزة التي يتابعها جمهوره من متذوقي
الشعر النبطي الذين يتابعون جديده من خلال حضوره او من
خلال متابعة وسائل الاعلام أو من خلال مجالس الفرده التي
تعتني بالشعراء المبدعين امثاله ..
اليكم بعضاً مما استطعنا الحصول عليه وسوف نستمر بإذن الله
بمحاولة الحصول على المزيد من قصائد أبو فهد ...

هذه القصيدة قالها الشاعر بمناسبة إقامة الحفل المتميز ،
حيث القيت القصيدة بمقر الحفل الرئيسي بخب النقع واترركم مع القصيدة:

البدايه من بعد شهر الفضايل=نرجي ان الله تقبل من عبيده
من صيام ومن فروض ومن نفايل =وعيدكم مبروك جعل الله يعيده
مرحبا بالحاضرين من القبايل =باسم حرب أهل النقى سلم وعقيده
في مقامٍ يستحق اغلى المثايل =للقبيله حق والفرصه سعيده
الله الله ياهجوسي بالجزايل =أبرك الحزّات عنوان القصيده
أسم ربعي وافين الخصايل =عز راسي بالمواقيف الشديده
أهل البل وأهل الخيل الأصايل =وأهل الطولات والأرياء السديده
نفتخر بشيوخنا روس الحمايل =شرفونا في مهماتٍ عديده
بعد فضل الله مواقفهم جلايل =بالمواجيب الشريفه والعنيده
عن عوانيهم يشيلون الثقايل =ولا تقومهم مواضيعٍ زهيده
ومن نصاهم يشتكي حر الملايل=خلصوه من الهموم اللي تكيده
وفزعةٍ للي عليه الوقت مايل =كم سجين بجاههم فكوا حديده
وكل حربي لعلم الطيب نايل =أشكره وأقول جعل الله يزيده
ولا تطرقنا القديم من الفعايل =قبل لا يوجد تلفزون وجريده
يوم دور الفعل بسنينٍ سمايل =بالجزيره والفتن مثل الوقيده
فعلنا وقت اللقا يشف الغلايل =يشهد التاريخ بأفعالٍ مجيده
دون سمحات الخدود الدم سايل =كم جدعنا لضواري من وليده
من نقانا سلمنا ينفى الهزايل=معجزاتٍ عندنا فعلاً فريده
وكل جيل يضيف لمجاد الاوايل =نحمد الله صفحة أمجادٍ جديده
والوفاء مبدا العرب والشك زايل =ماتميّز به بديده عن بديده
انتهى عصر المشاكل والضلايل =والرقيبه والسبور مع العقيده
ولا لحد منه سوى منش المخايل =نشكر الله ثم حكومتنا الرشيده
دولة التوحيد وخيار الدلايل =تعتبر هي دولة الشرع الوحيده
حرصهم دايم على فعل الجمايل =للديار المسلمه لو هي بعيده
خيرهم للي يعد النور طايل =كم شعوبٍ من عطاهم مستفيده
للمزاين سخروا كل الوسايل =والمواطن كملوا له مايريده
ولا ذكرت من الكثير إلا القلايل =للملوك اللي مساعيهم حميده
ما عليّه من كلام اهل التحايل =النقاوي كلمة الواقع رصيده
والنهايه من بعد شهر الفضايل =نرجي أن الله تقبل من عبيده

مع وافر التقدير للعضو : مجرد انسان

(الـجــواب بــلاســوال)

رائعه من روائع الشعر النبطي
للشاعر المبدع دائما // محمد بن شعيبان الفريدي
وهي تتكلم عن نفسها .

	اطلب المعبود باسمـاه العظيمـه=عالم سـر الليالـي مـع علنهـا يحمانا في ظلاله عـن جحيمـه=ومن قسى سود الليالي ومن فتنها ويهدينـا للـدروب المستقيمـه=قبل روح العبد تطلع من سكنها والهدف من بعد ذكره بالوسيمـه=همني موضوعها ماهـو لحنهـا شفت بعض الناس به عاده ذميمه=كل صاحب عرف مايرتاح منهـا لاحضر مجلس تقول انه زعيمه=بالسوالف يطلق لروحه رسنهـا ويتكلم عن جديـده مـع قديمـه=ويستهيض بجابة ٍ لو ماوزنهـا قبل لاينشد يعبر مـن صميمـه=كن مرضاة العرب عنده ضمنها والجواب بلا سوال بـدون قيمـه=السوالف نشـدة ٍ عنهـا ثمنهـا في تقاليـد الرجاجيـل الفهيمـه=ماتجيب بكلمة ٍ ماسئلـت عنهـا ناقص ٍ مقدارها لو هـي سليمـه=اللبيب يضيق صدره من جهنهـا اعتقد لاجـت بلا نشـده عقيمـه=دام ماجا وقتها بالعقـل صنهـا لو فرضنا وصفها مثل الوليمـه=ما تقدم للرجـال بـلا صحنهـا وقيل راع المعرفه عقله خصيمه=والعرب تمشي على طيب معدنها ما اقصد رجال ٍ لهم شيمه وقيمه=كل طيب مـا يطولنـه شطنهـا لو بداها محنّك افكاره حكيمـه=فاهم وجزل السوالف محتضنهـا ترتوي من عرفه افكار ٍ محيمـه=لا ورّد قصه مع الشاهـد قرنهـا كل كلمه من مثـل هـذا غنيمـه=مايجيب علوم ٍ عريان ٍ بدنهـا للعلوم ٍ الطيبـه عنـده عزيمـه=ومحتفظ بعلوم شيبـان ٍ مكنهـا الرجال اللي مواقفهـا حشيمـه=للقبيلـه تعتبـر عـز لوطنهـا البلا اللي شايف ٍ روحه صتيمه=ولا تولا السالفـه قـام يعجنهـا ظالم ٍ بعض البشر نفسه ظليمـه=ويتمادى بالخطا لاصـار ينهـا ولو على روحه فتح قول ٍ خريمه=مايتدارك للخطايـا لـو مكنهـا به عقول ٍ واعيه ماهي سقيمـه=ناس ما تعرْف السلوم وتمتحنها وقبل لايحرف بهـا راع النميمـه=يمكـن يزود بهـا والا يخبنـهـا المخالف يعتبرهـا لـه قسيمـه=لايقول فـلان بفـلان يخمنهـا

هذه القصيدة من الشاعر الكبير / شريف بن راكب

موجهه للشاعر المبدع / محمد بن شعيبان .

سويت لي توجيه في مبتدأ القاف=ولا امدح خطا ويصير مدحي ظلايم
يبن حمد مافيه داعي للاسراف=تعبت بين المنتدى والعزايم
تنشاف يوم وباق الايام ما تشاف=ومن طول الغيبات جاب الغنايم
لاجيت خبرني عسى مابك خلاف=ما فيه حيٍ ما اسئله عنك دايم
ولي حق يوم اني على مثلك اخاف=ولالي على الطيب ليا خفت لايم
ولا الوم من يسعى ورى كسب الاهداف=الا ليا كثرت عليه الهزايم
الذيب كم يركض وكم يهرف اهراف=ويصبر على برد الشتاء والسمايم
واليا حصل له طردةٍ عقب ماحاف=عود على صوتٍ يدن الهظايم
هذا وانا لي معك كلمه وميقاف=واصحى يكون بجوك الشك حايم
كلمة وفا احلى من لبن كل معطاف=بوادٍ خضر ممطور والجو غايم
هات الخبر ياصاح من كل الاطراف=على العلوم البيض قلبي مهايم
تراه محذورٍ عليك التلفلاف=بالكذب مالك يامحمد قدايم
انته شريف ومن طرف ناسٍ اشراف=قبلك عليك مسكرات الخرايم
لاحظت رجعت جيشكم وقت الانكاف=حفى الخفوف مصلبات القوايم
ورزة الخروج وكلها صارت اخفاف=وهذا خطا بنفوسكم والبهايم
وانذرك عن من عشرته وقت الارياف=لو كنت صعلوكٍ تدور الظمايم
لاجيت له لوكنت في حاجة اسعاف=اروغ من الثعلب لعين الرسايم
واليا سمع صوتك قرط فوقه الحاف=قولوا مريض ولاتقولون نايم
لاصار ماتكسب فالاسفار تنعاف=عرف الديار ولابسين العمايم
واعلم ترى العالم من الكاف للكاف=تسبح على لوحٍ ورى المال عايم
تم الكلام ولابقيلي تحساف=عساك ماتلقى عليه قسايم
وخذلك مثل نقد الذهب عند صراف=غير انت مغليهن على كل سايم
ابيوت من عندي جديدات ونظاف=في وسطهن تضميد جرح وحزايم
وتراك كد حكّمت واحكم بالانصاف=خلك كما اللي يدرجن النعايم
وكان المعاني يامحمد بها اضعاف=قلي هذاك وذاك فيهم هلايم
واحذر تعاتبني على المنطق الحاف=تسمع كلام مروجين النمايم
اخاف تحصل قصةٍ شرحها طاف=ياليتني عنها هكاليوم شايم
لقطة غليص اشتالها فوق الاكتاف=جابوه لي اللي عسى للثلايم
والهرج كله قابلٍ للتحراف=تكثر به الاهداف عند التهايم
وابا احلف لك كان تقنع بالاحلاف=يمين مظلومٍ بعدت جرايم
وحياة من نزّل تبارك والاعراف=انك خليل وبيننا الوصل قايم
وتراه ميّدني على الراي نواف=لولاه ما ذبّحت كل التمايم
واخير مما قلت من حج وطّاف=وصلى الفروض وواجه الرب صايم

وهذا رد الشاعر المبدع / محمد بن شعيبان الفريدي

حي الرفيق اللي تماثيله اعفاف=حذرات منقيات بيضٍ جسايم
شرهات نزرات وعلى عدة اصناف=ومخزمات اخشومهن بالزمايم
من شاعرٍ في بدع الامثال عسّاف=شريف محمد للامجاد رايم
من قدر راعيهن تقل در معطاف=ابا اعتبرهن كلبوهن سلايم
جزلات مافيهن هزيلات وصخاف=لو كل قافٍ للحقيقه ملايم
يابو محمد يابعد كل هلاف=اسمع لعلك ماتشوف الندايم
من ظامر اللي للثمينات هداف=مايهدّف الاطيبات النظايم
جابه صريحه مابها زيف واجحاف=ترضى بها عقول الرجال الفهايم
ما غبت عن واجب ولارحت سواف=ما فيه داعي للظنون الوهايم
رد الوفا عند العرب مثل الاسلاف=ماينكره كود الضعوف الخمايم
على النقا والعز في كل الاعراف=قدره وكاره للقلوب الحكايم
وطبايع العالم تفاخت والاشواف=وهبه من الله ماترهم رهايم
ان كان تقصد بالوفاء جمع الاولاف=انا اهدفي مرضات ربعٍ حشايم
وكسبت عرف ديار ورجال عراف=فيهم على الطولات قوة عزايم
ولولا الوفا الرفقه تعرض للاتلاف=ورفقة هل المقصد تعود هدايم
واكبر غنيمتنا الوفا ماله اوصاف=حشمة رجالٍ تنحسب باللزايم
وارافق اللي للجزيلات ميلاف=ماني رفيق الخامدين الظرايم
حق النظر واطلع على راس مشراف=مافيه امورٍ ياشريف عظايم
دعواك ماتحتاج ناظور كشاف=لانته بمظيومٍ ولانته بظايم
وانت تحذف قدام وتناظر اخلاف=تنذر وتفتح باب لهل الشتايم
اعلومك اللي بين جد وتعجراف=بيني وبينك ماعليهن كتايم
عندي خبر ما انته على جال مهياف=لكن ياعقب مطوّعت كل زايم
مهما حصل لون مابنودنا اقضاف=احسب لها لاذعذعاً النسايم
قدام لايعطيلهن كل ملقاف=اللي لهن لوما نصنه تطايم
يحرّف الكلمه على شر محراف=وعلى حسانيها يحط الردايم
هماز لمازٍ كذوبن وبلاّف=العوج سلعه للنفوس السقايم
حلوقهم على ارخص الهرج نشّاف=مشاركه بالسلم سمر اللثايم
يم النفاق يجرهم سلك شفاف=وبعراض خلق الله عيالٍ صتايم
وبعض العرب يرجف على الحروه ارجاف=باسبابه الطيب يسوق الغرايم
حذراك ثم حذراك من بعض الاصداف=وقت الرخا ينذر بوقت الزحايم
دنياك ماتصفي ربيعٍ ومصياف=من غدرها كم راح حيٍ حطايم
وخذ للسّباع سيوفٍ احداد ورهاف=وذهن لهن لاتروح روحك لهايم
واشتر تبيع اجزال لو طالك اكلاف=ولا الطيب مثلك من ركابه همايم
وتطلبني احكّمك قضية بالاطراف=ماتوخذ الغايب حقوقه قسايم
خل الخبر يشرف على قور وشعاف=ولاتروّح الخطر بعضها كظايم
لاعلم ينقص ولاعلمٍ يضاف=لو الخبر مايستحق الزعايم
ذكرتني كلمة رجا الله لصياف=وعن ما طرى بيض النوايا عقايم
ولا ودّي اذكرك بيام زلاف=ماراح من بعض الدلايل علايم
شايب ومن ربعي ومن خيرة اسلاف=وخذت درس من السنين الصرايم
ومن كرم الضيفان يشره اليا ضاف=حيل السوالف نوب تنجب توايم
غلفتها من شان خاطرك بغلاف=ومن شان خطّر طيبين الزمايم
وعندي ثقه ما انته شكوكي ومزهاف=قبل تحلف بايات محي الرمايم
ومشكور ياشريف ومشكور نواف=يا اهل العلوم الطيبات الجسايم
واقبل سلامي عد ماهل هتاف=وما لاح برقٍ في مزون الوسايم

جـزل الكلام بكل الاوقات تجديد
مادام باقاً للعروبة بقايا

مافيه داعي ينقص الشرح ويزيد
الشعرامانة والنوايا مطايا

لاحضت من نفوالقصيدالقواصيد
اللي يطيحون الضحئ بالهبايا

يجي لهم عنداكثرالناس تمجيد
بين المجامل والغبا والحمايا

كثرالقصيد اسباب ضعف المقاصيد
اللي تحكم بتجاه النوايا

لوالهدف سامي تشح المواريد
علئ هواجيس هدفهاالهدايا

ولومايحصل ناقص العرف تاييد
مايرتفع بالسوق سعرالهرايا

اسمع واشوف لهدم الاخلاق تمهيد
ثلاثة ارباع المواهب عرايا

امنين ماوجهة الافكار تنكيد
الشعرغيرفيه عدة قضايا

عصرالطمع سما انقراض المناقيد
بسم الحضارة والسلوم الضحايا

فرحبةاللي  ذمتة مالهاقيد
اصبح يمثل فيه ذيب الحوايا

ولاالتقي يطلب صدوق المواعيد
عطفةولطفه يوم كشف الخفايا

الله يحل ازمة ضروف الصناديد
زودالطمع بالناس سواءسوايا

اشدوقعة من رصاص البواريد
منه المشاعروالضماير ونايا

سرع انتشارةللعرب فيه تهديد
غطامدن ومحافضات وقرايا

مافيه شك العولمة جابت العيد
للمجتمع حسب اتهام البرايا

من يوم صارت كلمة الحق تعقيد
واناصحين يحملون الزرايا

يامدورين لمصدرالهم تحديد
هم الحقيقة من جميع النحايا

للي علئ الواقع يبي زودتاكيد
قفل مجال المعرفة بالمعايا

ماني وكيل ادم علئ زيدوعبيد
ولاني مزكا عن جميع الخطايا

ولاقول اناكامل ولاحتاج ترشيد
المسلمين لبعضهم كالمرايا

ولاقول خليت من جميع الاجاويد
بالعكس لولاطاهرين المزايا

مابني وهد من الطواريق واعيد
وابحث عن بالجواهر ملايا

ابحث عن اللي كنهن شردالصيد
اللي عليهن من بعضهن حلايا

وحيان اصيد وبعض الاحيان ماصيد
المعطي المانع جزيل العطايا

يفعل بخلقةمايشاءالله ويريد
احيان اخيرمن العلاج الكوايا

كم دافعن معناه جملة وتفريد
لويصطلي بين الضلوع الحنايا

تردني شرهات الاخيارياحميد
من دون شرحة والقوافي سرايا

حركة موضوعن مجالةسراميد
من طيب ظني ماحفظت الوصايا

ولااتجارب علمتني تراديد
لكن عيت لاتطيع السجايا

من طبعنا حفظ القيم والتقاليد
ودون العقيدة مانهاب المنايا

والشعرنعتبرة للامجاد تخليد
سلم النقا كل العرب لة حظايا

محمدحمدابن شعيبان الحربي

اجاهد هموم نفسي كل ليله ويوم=ما ودي الناس تدري عن معاناتها
احاول اخفي عن النشاد سر الهموم=لو هي على الروح بينةٍ علاماتها
اليا نشدني عطيته من سمين العلوم=اخفي شقى الروح وابين مسراتها
من شان ما افتح نفق لمدورين الثلوم=ناسٍ تحب الكلام احاول اسكاتها
اللي مع الناس عايشتٍ بنهش اللحوم=دايم سواليف قيل وقال عاداتها
اوادمٍ ما تسد النوب وقت اللزوم=لوكان وقت الرخا تعرض خدماتها
عقب الشدايد عرفت مخرمين الخشوم=شدايد الوقت عاضتني بحسناتها
ومن عقب منها تعلمت اللغه والرقوم=خلاص ماني معاتبها بسياتها
الناس سياتها ما تنكشف للعموم=مار الشدايد تبين غيب نياتها
والفرق بالفعل بين اهل الوفاء والرخوم=هاذي حقيقه وفعل اهل الوفاء اثباتها
ودبرة ولي البشر ما صار فيهم وسوم=الله شانه بها الدنيا ودوراتها
لو صار ما عاشت الانذال بين القروم=يمدي رخوم العرب ما تسمع اصواتها
يقوله اللي عن الزلات ما هو معصوم=والناس ماني محاسبها بزلاتها
لكنّ من حر همٍ بالضماير يعوم=اشوف بعض العرب نسيت مرواتها
ونويت اعزي رياجيل الوفاء بالسلوم=ضاعت سلوم العرب من يجمع اشتاتها
فعل الجميل بزمان اليوم شبه معدوم=والمعرفه والثقه قلّت مراعاتها
مع ناس بافكارها ضاعت كبار الحلوم=نسيت سلوم الشرف تمشي بمشهاتها
لواحدهم ان قلت عن سلم الوفاء لاتهوم=يقول اشوف البشر واسوي اسواتها
لو ربعه اللي يشوف مضيعين اليموم=يمشي وراها ولا برّّق بخطواتها
هالوقت قام ايتقلب من عجاج لسموم=اتعب هل العرف في شتى مجالاتها
اهل الوفاء فيه قلوا والانذال كوم=كثروا به اهل النقيلي ودها هاتها
لكن عزاي بوجود مطوعين الخصوم=اللي مع الوقت حافظتن شهاماتها

وهنا يتواصل الشعر مع الشاعر القدير / محمد بن شعيبان , والأبيات تحكي عن نفسها :

على الكريم اتكلنا واستعنابه=علام الاسرار و الارزاق كافلها
الشكرله والثنى اللي نزل اكتابه=على افضل الخلق باياتٍ مفصلها
الفوزبامره وتوفيقه حضينابه =بجهودشيخآ لفعل الطيب يبذلها
مدح المغاتير واجد من تغنابه=انا اذكرالله عليها وامدح اهلها
انا افتخر بالرفيق اللي من حسابه=ساق الملايين لين الوضح كملها
نعم عليان والامثال تسمابه=يم الفضى والكواب في منازلها
يستاهل المدح حيث المدح يزهابه=الحربي اللي قبيلة حرب مثلها
يكفيه لومايجيه من الثنى جابه=اسمه يشرف قبايل حرب باكملها
والفاحج اللي على مغيضه وغلابه=وسم ٍعلى الوضح قابلته وقابلها
وسم الفريدي شريف السلم واللابه=اللابه اللي تنومسنا فعايلها
وايضا مضيفٍ مافيه اللي يحلابه=هاذي حقيقه لسان الصدق قايلها
واللي يبي مركز النخبه ولاجابه=ايامه المقبله يحسب منولها
يشوف فعل الطهيمي ويتقدابه=وليا اجتهد يمكن النخبه يحصلها
احسب لشرهة رفيع الذوق واعجابه=وشرهات ربعي عليه ماتجاهلها
الشعرجزل المواقف تفتح ابوابه=وبعض المواضيع بيبانه تقفلها

اخي العزيز ابو يارا مشكوووووور والله يعطيك الف عافيه