رجيتك ياهنى عينن تمنت شوفتك ساعه

<font                                             face"Arial"><font color="DarkSlateGray"><font size="5"><b>

رجيتـك ياهنـى روحـن تمـنـت شوفـتـك سـاعـهولا ذاقـت بـدرب العشـق لامكسـب ولا مـربـوح

انـا قلبـي علـى دربـك شكـى مـن لايعـن لاعــهطبوعـك ياهـوى بـالـي طواريـهـا تـغـث الــروح

اخبـر اللـي يبـي غاليـه لاقــال اسقـنـي طـاعـهوانـا غادرتكـم ضامـي بقلبـن ضايـقـن مـجـروح

رحلـت بمركـب احلامـي تلـوح الـريـح بشـراعـهوموجات البحـر تلطـم علـى اللـي يدخلـه ذابـوح

هزيـم رعودهـا يرجـف وبـرقـه يـركـز اشعـاعـهواذا ناظـرت تبـي سهيـل ماهـو بالنظـر ملـمـوح

غطاه اللـي غطـى قومـن خدعهـا زيـن مرباعـهوتاليهـم بقايـا قــوم ركـبـوا فــي سفيـنـة نــوح

اشوح الشـوف بعيونـن تحـاول شـوف مطلاعـهاراجي شوفـة الشاطـي او اريـام الفـلاة سـروح

خفوقـي ضـاع بامواجـه سبايـب صاحبـن بـاعـهولايقدر يشوف الدرب لو برقـه غـدى لـه ضـوح

عقـب ماكنـت والغالـي بروضـن فــاح نعنـاعـهاشوف الموت يدعيني ولو شحت النواظر شـوح

طرى لـي وسـط موجاتـه خـدود الزيـن لاراعـهشعـاع البـرق ذكرنـي بمبسـم وجههـا الممـلـوح

عيون اللي ورى الصيده رمـاح المـوت باصباعـهيشيـل المـوت باصباعـه اليـا لاح الحبـارى لــوح

مراميـع الـعـرب كـلـه قـصـارن دون مرمـاعـهواذا شاف الحبـاري راح تلقـى خربهـن مسـدوح

عشيري من جميع البيـض شـال الزيـن بانواعـهطلبتـك ترحميـن اللـي غـرامـه مايـريـد شــروح

الا يامـنـوة الخـافـق وراس الـمــال واطـمـاعـهوسلوة عاشقن دمعه علـى خـد العنـاء مسفـوح

انـا جيـت الطبيـب وحـط فـوق الصـدر سماعـهوجاب الفحـص والناتـج خفوقـن بالغـلا مشفـوح

وقـال ان الظمايـر فـات سبـع شـهـور مرتـاعـهوصدره كاتمن نارن من الضيقـه غـدى لـه فـوح

تقـول انـه نهـش حالـه ذيـاب الـجـال وسبـاعـهاو انـه عاشـقـن غنـجـاء ولاكـنـه يـخـاف الـبـوح

وقـال ان الـدواء رشفـة ثنـايـا خفـرتـن ضـاعـهعنودن مثل عيـن الريـم حطتكـم علـى الجابـوح

وقلت اعلـن خبـر موتـي علـى العالـم بمذياعـهوقل موته سبب خشفن(( تروه بذبحنا مسموح))

منقوووووووول لكم من شعر البقعاوي

</b></font></font></font>