((وضــحــنـــا غــيــــر))

راكـــب اللــــي كنّــه النــور.. لاشــقّ الظــلام = منــوة الــلي يــم ربـعة وحيّـانة.. يـسير

جيــب لكــزس نخــــبوين .. يظــيم ولايـظــام = من فــخــامة مــركبة.. مـايليق إلاّ لـوزيـر

سـايقــة مـن لابـةٍ لـه من المجـد السنــام = من سلايــل حـرب سقم المعـادي والمغير

من شـمال بريـدة ونـيّتة حفـل الكـرام = محـفـل اعـيـال الطـهيــمي مزبّــنة الكســــيـــر

في مقــرّ الـلي حـملـها.. ماحسّب للحطام = راعي الطاعات.. والعلم.. والقلب البصيــر

(شيخــنا عليان ابن راشد) الحـرّ القطام = بإسم حرب أشتال حمـلٍ على غيره عسير

أرتكى للكـــايدة.. وأعتــلى صـدر المقـام = بــالفعــول الـلي تحاكوبـها.. عبـر الأثـــيـــــر

في مناســبةٍ عـزيـزة على كـل الأنـام = جــائــزة مـن وحّــد الـدار بالسيـف الشـطـــــير

يوم جـى لمـزاين البل .. قيمة واحترام = من رعاية (مشعل الفيصلي) والـوضـع غــيـــر

صـار مالــلوضح غير الطـهيمي.. لاحـرام = تشـهد أم رقيبة.. ويـــشـهد الجمـــع الغـفـير

إن ذودك يـابـو فــواز.. مـافــيها كـــلام = فــرقــــها عن غيـرها مـايــبـي شــور ومــشـيــر

والله إنـك قــدهـا.. والعــظــايم للــعـظــام = والصعـــــايب مــالها غــيـرك.. امـضـرّى خـــبـير

والقصــايد.. يــــابــو فــواز.. يكـفيـها وســـام = إن طيـبك زادهـــا طـيــب وأنفــاس وعــبــير

ابوشيخه الطهيمي

صح لسان ابو شيخه
قصيدة جميلة من شاعر متمكن
تقبل وافر التقدير على هذا الحضور الراقي

صح السانك أخوي ابو شيخه
قصيدة جزلة ويستاهل الشيخ عليان الطهيمي كل خير
ومشكووووور على اضافة القصيدة بنتظار جديدك
تقبل مروري

صح بدنك اخي منصور الوسوس شهادك اعتزفيها لك تقديري واحترامي

قصيده جميله جدا

هل هي لك يامشعل

القصيده لي وكانت سوف تلقاء في محفل ام الرقيبه لولا كثره المشاركين .................ولاكن سلمت لراعيها بالحفل الختامي وممايشرفني ان تقراء من موقعي ولك جزيل الشكر

الشكر لك يابن مطيع وان دل على شي فانما يدل على روعه الاعضاء بالمنتدى وروعه المراقبين وجميع العاملين في المنتدى المتميز والرائع تقبل تحياتي

قصيدة جزلة ، ونعم بالمادح والممدوح ..

وهذه القصيدة قيلت بحفل كبير شرف قبيلة حرب عامّة ..

ونسعد بمتابعة جديدك هنا ، وقراءة بقيّة قصائدك ..

صح لسانك ولا هنت ..

حيّ الله عيـال ابومنصور = شيخن له القـدر والقيــمة

راعي مهابة وفعل وشور = لازاد بالوضـع تعتـيمة

يامرحبا ومسهلا بالشاعر الرائع :: مشعل الطهيمي

قصيدة جزلة من شاعر متمكن

بإنتضار جديدك دائما

اخوك \ جلمـود

اخي الشاعر / جلمود
بيض الله وجهك وانشهد انك كفبت وفيت ولك الشكرعلى ماابدعت من ابيات.
ولايسعني الامجازاه الطيب بالطيب.
ارجوان تتقبل الرد المتواضع ........
باسمي ونيابه عن والدي ابومنصور.
ولي عوده أخرى

بعض المعــاني تــفيض بنور= ويـزيـن لـلشـعرتـرنـيمـه
ياللي بدعت النظم مشكور= مـالاح بــرق بـصدرغيـمه
ببيـوتك الــــي لأبـومـنـصـور= وفيت بالوصف وترسيمه

اخوك / مشعل بن ناصر الطهيمي