أنا هواي ورغبتي كلها فيك
مالي بغيرك غاية لو حصلي
في ذمتي ماأحد بعيني يساويك
أنــت الذي تملك حياتي وكلي
خذني معك خاتم بأصابع أياديك
أو نجم صيف في سماك متعلي
أفز من نومــــي ليا مر طاريك
وأتعوذ من ابليس وأقوم أصلي
لأحتجتني فأعرف تراني حواليك
طيفك معي دايم ترى مثل ظلي
أشتاق لك وبغالي الروح أفديك
ولاشفت زولك قمت أرحب وأهلي
وأبيع كل الناس لجل إني أشريك
وسيف الجفا في وجه غيرك أسلي
فتحـــت لك باب الغلا والشبابيك
تعــــال وأسكن خافقي وأستحلي
ولأمسى علي الليل بالخير أمسيك
ولا أشتقتلك بس أتهايق وأطلي
بسقيك من نبع الغلا كيف ماأسقيك
مــــــا دام قلبي لك مقر ومــــحلي
وأســـهر معاك الليل كله وأناجيك
أشـــــــرح لك همومي ولاتستملي
وأبقى على عهد المحبه مصافيك
وأعيش أنا ويـــــــاك خل وخلي
آمر تدلل لوتبي عين مــــــغليك
ماأبغى عيوني دام عينك ضواً لي
مــــن قال لك إني أنا ميت فيك
لا والله إلا في غرامـــك مولي
تبغاها بالمصري انا موت بعينيك
إزاي سرقـــــت القلب تعال قلي
خلاصة الموضوع وشلون أجافيك
وانت الحبيب اللي لعمري يسلي
وختــــامها بعداد ماقيل لبيك
على رســـــــول الله اسلم وأصلي
عليه أفضل الصلاة والتسليم
ميس الريم 
يا صاحبي لاتحسب اني مجافيك ولا تحسب ان الصد مني تغلي 
رد: يا صاحبي لاتحسب اني مجافيك ولا تحسب ان الصد مني تغلي 
العرض المتطور
