((( قصيدة الشاعر / شجاع عمر الاكلبي ,في عليان الطهيمي )))

منتدى مجالس الفرده الشامخه , طبتم وطاب اللقاء بكم

اليوم 20/1 /1431 قام الشاعر القدير / شجاع عمر الاكلبي بأدراج موضوع جميل يحتوي على نص اجمل

في خزامى نجد الادبي ,, وسوف انقل لكم الكلمة اللتي بدأ بها وايضا النص الشعري ,, بالحرف الواحد ,,

تحياتي للجميع ,,

:::::::::::::::::::الموضوع::::::::::::::::: ::::::::::::::::::::

عليان الطهيمي الحربي ,,,



السلام عليكم ورحمة الله وبركاته





أيها الأخوة أعضاء وزوّار منتديات خزامى نجد
قرأت في منتديات مزاين الإبل أكثر من موضوع كلها ثناء على عليّان الطهيمي
وما يفعله من طيب وخير
مع من يجيه من جميع القبايل وسمعت بأم رقيبة كلمة ونعم و كفو كل ماجا مجاله في مجلس
علما انني لا اعرفه ولم التق ِ به ابدآ
وراعي الطيب والفعل الغانم يستاهل المدح والثناء وتخليد الذكر الطيّب له
وبمأنني رجل شاعر واطرب
للعلم الغانم وهله والشاعر اذا سمع او رأى مايحرك هاجسه ترجم ذالك فإنني
اهدي هذه القصيده للرجل
الذي يستاهلها دافعها عشقي للطيب ومن يفعله .. وأطلب ممن يعرفه ويجي مجلسه أن
يوصلها له مشكورآ
لأنني قد لا ألتقه



وأستلموا لاهنتوا

يالله ياخالق من الطينة نفوس=يامكوّن بحرفين خلقه وكونه
الطيب وهبة بين مرئي ومحسوس=وهبتك يالخلاّق مايصنعونه
علم الحيا مع مذهب الذود وعسوس=والكفو ذكره بالملا يشهرونه
الطيب بشت ٍ للمطاليق ملبوس=ويحرم على الرديان مايلبسونه
ملبوس من همّه مع الناس ناموس=قرم ٍ على العليا تناظر عيونه
بشت الظفر والطيب قدّه ومقيوس=يستاهله من بالوفا ينعتونه
شرواك ياعليّان ياباري القوس=في حضرتك رمّايته يتركونه
لاعدوا خيار المطاليق والروس=هذا الطهيمي قبلهم يذكرونه
شيخ ٍ بفعله يعطي العالم دروس=شي ٍ يشوفونه وشي يسمعونه
للطيب عد وللدياجير فانوس=نجم ٍ لسرّاي الدجا يقتدونه
سعد الرفيق وسعد من جاه محسوس=وأمن الذي طلاّبته يطردونه
لا دق في بعض المواقيف ناقوس=وتلافتوا من لأمرهم ينحرونه
وقامت تصافق راحة خموس بخموس=والنوم جافا عيونهم مايبونه
قالوا لها من يحكم الشور ويدوس=غير الطهيمي في الملا لا تجونه
ياقف لها لو كلبو العالم جلوس=ويزحم بجنب ٍ ماتراخت متونه
ويضحك وجيه ٍ قبل ميقافه عبوس=ومن بعد فعله همهم يفقدونه
الطيب في قلبه من الله مغروس=وورث ٍ لجدّه والمجاني يصونه
في مجلسه للنار حاضي وقابوس=للعود الأزرق والكرم يشعمونه
وقنّاي وضح ٍ مالها وصف وجنوس=تشدا قنوف ٍ بيض بردا مزونه
لا سايفت طاروقها كنه طعوس=طعوس عرق ٍ يقهر اللي يجونه
عرق ٍ يخلّي سايق الجيب وجموس=يرجع منه مافكروا يطلعونه
وإن ناحرت كنها الحكاكيم في عروس=هيبة وزين وشانهم يرفعونه
طوال اللواحي عرضها شبر بالقوس=ونعافها فتر الذي يشبرونه
مشنقات ٍ تحتها سبالها كبوس=تكسي مهادلها وفيها ليونه
ورقابها جرد ٍ زمت صف نسنوس=عراض ٍ فقايرها وسنداً متونه
ذود ٍ خيار ومابه الشين مدسوس=تعجز هوامير النظر يجمعونه
ترعى جديد الروض ماهوب مدروس=ترعى جديدة قبل مايرتعونه
ماهوب مرعي قبل ذوده ومديوس=يحرم على الشوّان مايوصلونه
إن كان فهل الطيب ريّس ومريوس=هذا الطهيمي قايد ٍ يتبعونه
له لابة ٍ في المرجلة كلهم روس=عز الصديق وخصمهم يكعمونه
حرب الدول في حدّهم شبّه الموس=وفي كل ريع ٍ ضدهم يفحمونه
بوقت المواجه حرب نيبان وضروس=ورجالهم في العسر تندا صحونه
قلته طرب فيمن خذا كل ناموس=شيخ ٍ على العليا تناظر عيونه
مالي هدف عنده ولا لفعله آقوس=غير أخبروا عليّان ياللي تجونه
من أكلب اللي للوفا رمز وحبوس=سعد الصديق وذاك يلقى المهونة

الشاعر / شجاع عمر الاكلبي ,,,

شاعرنا القدير : فهد الفريدي
دائما كلمات الوفاء تستحق الوقوف تقديراً لها والثناء من البعيد
يعتبر شهادة حق ومدح فرد من القبيلة مدح للقبيلة كامله
وموقف الشيخ / عليان الطهيمي يستحق الثناء من حرب كافه
فقد قام بتمثيل قبيلة حرب خير تمثيل وكان لهم ديوان
شكرا لك اخي فهد على هذا الموضوع المشرف وصح لسان الشاعر الاكلبي ....
تبقى في مجلس الشعر الخاص تقديراً لناقلها ومن قيلت فيه

اخوى


فهد الفريدي



صح لسان شجاع بن عمر الاكلبي على هالقصيده


الشاهد على طيب واحد من خيار ربعنا وهالقصيده مدح لكل الفرده


بل لكل حرب ولو ماهو طيب مامدح الطيبين له كل الشكر



ولك أنت أيضاً اخوى فهد



تحياتي

صح لسان الاكلبي
مشكور اخي فهد الفريدي
على الاضافه الرائعه
لك ودي

مشكور اخوي فهد على نقل القصيده
وصح لسان شاعرها وابو فواز يستاهل

الاخوان الاعزاء :


منصور الوسوس


غازي بن عجاب


النمر الارقط


عبدالرحمن بن سعود


لااااااااهنتم على حضوركم الوااااااافي


حفظكم الله ودمتم بخير