كنه غلامن فاشحن له على بير

يروى إن واحد من اهل الجنوب نزح للشمال لبعض الاسباب ، وكان له والد صقّار ومولع بالطيور وهو دايم مع الدبش ويصيد .
وفي يوم من الأيام اجتمع راعي الجنوب مع راعي الشمال (وهم بعيدين عن بعضهم بالمنزل ولا يعرفون بعض) ويوم اجتمعوا :
قال الشمالي : وش يصيد طيرك .
قال الجنوبي : صيده على قدره ارنب وسمق .
والشمالي كان معه حرٌّ كبير يصيد الكثير من الحبارى .
قال الشمالي : أنا وياك اليوم خويا يكفينا طيري ، وطيرك اربطه مع (القش) ، وحنّا حوله .
وابتدوا بصيد الحبارى ولكنهم غفلوا عن الطير المربوط .
ولما رأى طير الشمالي طير الجنوبي المربوط انقظ عليه وذبحه .
فقام الجنوبي يتأسف على طيره .
فقال له الشمالي : إن الطير ما يسوى هذا الندم.
فقال الجنوبي : بلاي والدي ، يسوى عنده الطير الكثير .
فقال الشمالي : ابعطيك طيري ووالدك مثل والدي ، وابقول لوالدي الطير غدى .
فقال الجنوبي : طيري ما يسوى عشر طيرك .
فقال الشمالي : اقسم عليك إن تاخذه ، وإن ما اخذته تراي بذبحه.
فأخذ الجنوبي الطير وراح لاهله .
ولما وصل الشمالي إلى والده قال له : ترى الطير غدى .
وكان الطير يسوى عند ابوه ابله كلها ، فندم ولا جاه نوم وشب ناره وسهر عليها ....
أما الجنوبي فلما وصل ورأى ابوه الطير الكبير قال منين لك هذا ، فأخبره القصة فقال له ابوه : اخطيت ياولدي ، هذا الطير غالٍ على راعيه ، ويسوى عنده الشيء الكثير .
قال الولد لابوه : غصبني .
قال ابوه : ارجع به الليلة .
قال الولد : ما أدله .
قال الوالد : تلقاه ما نام ، رح وتلقا ناره تدلك .
وفعلاً مشى الولد بالليل صوب العرب ، ودلّته النار ، وعندما وصل النار ، لقاه يتسلى بالربابه ، ويغني بطيره ، اللي ضاع .
قال الجنوبي : ابشر بالطير .
فقع والد الشمالي وناطحه وقال له : ابشر بالبشارة ، فأعطاه حصان .
قال الجنوبي : إن كنت ملزم عطني بعير يكفي .
قال والد الشمالي : هذا ثمنه كثير وهو لك مني وإذا ما أخذته ذبحته .
فأخذه وأتا لوالده ، قال له والده ليش تاخذ حصانهم .
قال الولد : خيرن آخذه وإلا يذبحه .
قال والد الجنوبي : الولد والوالد كلهم بالطيب سوى .
انتهت القصة ...

أما الأبيات التي قالها والد الشمالي يتغنى بها على الربابه عند فقده لطيره

تطلعـوا بانظاركـم يـا مداويـر=للأشقر اللي بايسر الجـو حامـي
غدن به برق النحـور المعاشيـر=وابعد سمامه عن مقابل سمامـى
واطيري اللي كن عينـه سناكيـر=حاطوب ما تبرد كفوفـه دوامـي
وش عاد أماري بة جميع الصقاقير=عقب اشقر عدل الجناحين شامـي
كنه غلام فاشحن له علـي بيـر=متمشلح يسقـي قطيـع ظوامـي

وســـــــــــــــــــــــ لامتكم




منقول للأمانه

قصة رائعة
تسلم أناملك اخينا غازي بن عجاب
أمتعتنا بها وبهدفها

كنه غلام فاشحن له علـي بيـر

متمشلح يسقـي قطيـع ظوامـي

الله يعطيك العافية

قصة جميله

قصة رائعه وموثوقة في الابيات الشعريه
أشكرك مشرفنا غازي على الاضافه الرائعه

اقتباس:
المشاركة الأصلية كتبت بواسطة ميس الريم
قصة رائعة
تسلم أناملك اخينا غازي بن عجاب
أمتعتنا بها وبهدفها

الروعه مرورك


اشكر لك مرورك العطر ميس الريم


تحيتي

اقتباس:
المشاركة الأصلية كتبت بواسطة فريدي وفي

كنه غلام فاشحن له علـي بيـر

متمشلح يسقـي قطيـع ظوامـي

الله يعطيك العافية

قصة جميله

الله يعافيك فريدي وفى


تحيتي

اقتباس:
المشاركة الأصلية كتبت بواسطة ابـن مـطــيع
قصة رائعه وموثوقة في الابيات الشعريه
أشكرك مشرفنا غازي على الاضافه الرائعه

بل الشكر لك أخوى بن مطيع


على المرور الرائع

قصيدة رائعة ودلالات كرم لاتضاهى وهكذا كان العرب
ولايزال الطيب موجود بوجود الطيبين مثلك يبو فيصل
شكرا لك على هذه الاضافة الرائعة
تقبل وافر التقدير

يعطيك العافيه اخي ابوفيصل على الاضافه الرائعه
تقبل مروري
لك ودي

اقتباس:
المشاركة الأصلية كتبت بواسطة منصور الوسوس
قصيدة رائعة ودلالات كرم لاتضاهى وهكذا كان العرب
ولايزال الطيب موجود بوجود الطيبين مثلك يبو فيصل
شكرا لك على هذه الاضافة الرائعة
تقبل وافر التقدير

الله لايهينك ابا يارا


ومشكور على المرور الرائع والاضافه الجميله



تحيتي