يروى إن واحد من اهل الجنوب نزح للشمال لبعض الاسباب ، وكان له والد صقّار ومولع بالطيور وهو دايم مع الدبش ويصيد .
وفي يوم من الأيام اجتمع راعي الجنوب مع راعي الشمال (وهم بعيدين عن بعضهم بالمنزل ولا يعرفون بعض) ويوم اجتمعوا :
قال الشمالي : وش يصيد طيرك .
قال الجنوبي : صيده على قدره ارنب وسمق .
والشمالي كان معه حرٌّ كبير يصيد الكثير من الحبارى .
قال الشمالي : أنا وياك اليوم خويا يكفينا طيري ، وطيرك اربطه مع (القش) ، وحنّا حوله .
وابتدوا بصيد الحبارى ولكنهم غفلوا عن الطير المربوط .
ولما رأى طير الشمالي طير الجنوبي المربوط انقظ عليه وذبحه .
فقام الجنوبي يتأسف على طيره .
فقال له الشمالي : إن الطير ما يسوى هذا الندم.
فقال الجنوبي : بلاي والدي ، يسوى عنده الطير الكثير .
فقال الشمالي : ابعطيك طيري ووالدك مثل والدي ، وابقول لوالدي الطير غدى .
فقال الجنوبي : طيري ما يسوى عشر طيرك .
فقال الشمالي : اقسم عليك إن تاخذه ، وإن ما اخذته تراي بذبحه.
فأخذ الجنوبي الطير وراح لاهله .
ولما وصل الشمالي إلى والده قال له : ترى الطير غدى .
وكان الطير يسوى عند ابوه ابله كلها ، فندم ولا جاه نوم وشب ناره وسهر عليها ....
أما الجنوبي فلما وصل ورأى ابوه الطير الكبير قال منين لك هذا ، فأخبره القصة فقال له ابوه : اخطيت ياولدي ، هذا الطير غالٍ على راعيه ، ويسوى عنده الشيء الكثير .
قال الولد لابوه : غصبني .
قال ابوه : ارجع به الليلة .
قال الولد : ما أدله .
قال الوالد : تلقاه ما نام ، رح وتلقا ناره تدلك .
وفعلاً مشى الولد بالليل صوب العرب ، ودلّته النار ، وعندما وصل النار ، لقاه يتسلى بالربابه ، ويغني بطيره ، اللي ضاع .
قال الجنوبي : ابشر بالطير .
فقع والد الشمالي وناطحه وقال له : ابشر بالبشارة ، فأعطاه حصان .
قال الجنوبي : إن كنت ملزم عطني بعير يكفي .
قال والد الشمالي : هذا ثمنه كثير وهو لك مني وإذا ما أخذته ذبحته .
فأخذه وأتا لوالده ، قال له والده ليش تاخذ حصانهم .
قال الولد : خيرن آخذه وإلا يذبحه .
قال والد الجنوبي : الولد والوالد كلهم بالطيب سوى .
انتهت القصة ...
أما الأبيات التي قالها والد الشمالي يتغنى بها على الربابه عند فقده لطيره
|
|
تطلـعـوا بانظـاركـم يـــا مـداويــرللأشقـر اللـي بايسـر الجـو حامـي |
غـدن بـه بـرق النحـور المعاشـيـروابعد سمامه عن مقابـل سمامـى |
واطيـري اللـي كـن عينـه سناكيـرحاطـوب مـا تبـرد كفوفـه دوامـي |
وش عاد أماري بة جميع الصقاقيرعقب اشقر عدل الجناحين شامي |
كنـه غـلام فاشحـن لـه علـي بـيـرمتمشلـح يسقـي قطـيـع ظـوامـي |
|
|
وســـــــــــــــــــــــ لامتكم
منقول للأمانه 
كنه غلامن فاشحن له على بير 
رد: كنه غلامن فاشحن له على بير 
العرض العادي
