دحام العنزى والعسيلي

لقد مر الشاعردحام بن بدر الهذال العنزي على مدينه الحناكيه وتذكر ان هذه المدينه كانت يوما من الايام موطنا لاجداده الهذال من امراء عنزه الذين ارغموا على النزوح من هذه الديارايام كانت الجزيره العربيه سائد فيها السلب والنهب والاخذ والماخوذ وهاضت قريحه الشاعر بقصيده نوردها لكم..... يقول

جيت المطار ويمه الشوق جابني =شوق برى حالي ودمر شبابها
جيت اتباها واتناسا مواجعي=واثرى جروح الحب يكبر عذابها
امشي ورى قلبي واداري عواطفي=واعرف دروب الحب واسلك صعابها
عزي لنفس مااستلذت بعيشها=غوت غرام الغاويات وعذابها
قالوا لي انسى من نستك وتزوجت=وسدت بوجهك تالي الوقت بابها
قلت اعلم اللي صار بيني وبينها =وادري تلاشت مي واقفت ركابها
هذي ثمان سنين والقلب عندها =ينزف جروح ودم قلبي خضابها
ياما مشت رجلي على شوك دربها=تتبعني الذكرى وانا اطرد سرابها
كنت احسب ان الحب يسلا وينسى=واثره توقد بالضماير وصابها
لي كلمه لاضاق صدري وقلتها=كلن يحسب ماوراها وما بها
عفت البشر يوم البشر تاكل البشر=والحقد يمنع وصلها واقترابها
من قل ماله قل قدره وهيبته =وتكثر عيوبه ويتكابر مصابها
ورجله لياجت المجالس تعثرت=كلن يحاول ردها واجتنابها
لقيت ناس اجواد والطيب ساسها=والعوز مال بشأنها والتوابها
ولقيت ناس عفون كلن يذمها=وزود الغنى والمال شيخ جنابها
مشيت من همي وطالت مسيرتي =في صحصح تاه القدم في هضابها
وجيت الحناكـــــــــيه وهاضت قريحتي=بابيات حزت خاطري واعتنا بها
ذا مربط خيولي وهذي مزارعي =عقب اخضرار الغصن يبست اخشابها
وهذي بقايا من بقايا منازلي =واطلال يجتاح الضماير ضبابها
دار لنا واليوم صرنا نمرها=اجناب تخشانا الديار ونهابها
عقب المعزه باول الوقت والغلا=اليوم مانلقى مكان برحابها
عز الله ان هموم قلبي تعاضمت=والنار في جوفي يزيد التهابها
من قلت الحيله كوتني عزيزتي=مالوم عيني لو يطول انتحابها

فرد عليه الشاعرمحمد بن عبد الله العسيلي الحربي.. يقول

لاباس يادحام يامعدن الوفا=يابن الرجال اللي عزيز جنابها
عاشق ولك قصه طويله مع الدهر=والناس كلن له ظروف شقابها
ولانت الوحيد به الغرابيل كلها=ولاكل عايبه يعيبك عيابها
تشكي زمان مايصالحك صالحه=كن الديار موجهه لك حرابها
جيت الحناكيه وجادت قريحتك=وفتحت دعوى مؤصد الوقت بابها
توجد على دار مزايمك حيفها=ماتقل عقبك عامري وطا بها
والدار ديرتنا ولاهي بداركم=والحر مثلك دار غيره يهابها
دار نزلناها على شرط وقتها=واضفينا على الدار العزيزه حجابها
وامنا مخافتها وحمينا عفافها=واقمنا عمارتها وزرعنا ترابها
لين اصبحت يخشى عليها من الحسد=خص من اللي قد زرعها ورعى بها
اللي تركها يوم هي غض عودها=بظروف خسايرها تكلف حسابها
هاك الحين يومن القنا يقرع القنا=والخيل يم الخيل عوج رقابها
اختار له درب يوديه للسعه=عن ضيق مؤنتها وعن شر مابها
تسوقه الغربي وتضحك له الصبا=وتدعيه نجد اللي وساع رحابها
يابو بدر نفسك تمادى بها الهوى=تخيل بروق ولا يمرك سحابها
وابحرت في بحر الهوى لين عام بك=بعيد عن بر السلامه وادابها
لارتحت من كيد الروابع وجورها=ولا ادركت مي اللي سطا بك صوابها
وانت تعرف ماطاب لك مايدوم لك=ودنياك عامرها نذير لخرابها

يعطيك العافيه اخي ابوفيصل على الايراد الرائع
تقبل مروري
دمت بود

اخوى

النمر الارقط



وانت يعطيك العافيه ومشكور على المرور الرائع




تحيتي

العسيلي هذا العلم الذي أفتقدناه الله يرحمه رحمة واسعه

الشاعر دحام العنزي يتوجد على أرض سكناها بخشم

السيف والرمح ماجت لنا هبه

ابافيصل الف شكر على الأضافه الرائعه كروعت

غازي الفريدي تقبل مروري وآسفي على التاخير

بالرد لضروف الزمن

والـدار ديرتنـا ولاهـي بداركـم = والحـر مثلـك دار غيـره يهابهـا
دار نزلناهـا علـى شـرط وقتهـا = واضفينا على الدار العزيزه حجابهـا
وامنـا مخافتهـا وحمينـا عفافهـا = واقمنا عمارتهـا وزرعنـا ترابهـا

تسلم يمناك يا ابو فيصل على الأختيااااااار الرائع والجميل
تقبل قرائتي للموضوع وأعجابي بطرح المميز

اقتباس:
المشاركة الأصلية كتبت بواسطة علي الجضعان
العسيلي هذا العلم الذي أفتقدناه الله يرحمه رحمة واسعه

الشاعر دحام العنزي يتوجد على أرض سكناها بخشم

السيف والرمح ماجت لنا هبه

ابافيصل الف شكر على الأضافه الرائعه كروعت

غازي الفريدي تقبل مروري وآسفي على التاخير

بالرد لضروف الزمن

اخوى

ابوعمرعلى الجضعان


سعدت بمرورك الله يسعد أيامك لاهنت يالغالي



تحيتي

اقتباس:
المشاركة الأصلية كتبت بواسطة ابـن مـطــيع

والـدار ديرتنـا ولاهـي بداركـم = والحـر مثلـك دار غيـره يهابهـا

دار نزلناهـا علـى شـرط وقتهـا = واضفينا على الدار العزيزه حجابهـا
وامنـا مخافتهـا وحمينـا عفافهـا = واقمنا عمارتهـا وزرعنـا ترابهـا

تسلم يمناك يا ابو فيصل على الأختيااااااار الرائع والجميل

تقبل قرائتي للموضوع وأعجابي بطرح المميز

اخوى


ابن مطيع


تسلم على المرور الرائع اللذى لايجيده سوى بن مطيع



تحياتي