سيل حدر مع وادي غير واديه السديري رحمه الله

شيء بقلبي يا ملا حاير فيه=شيء تحير ابه العقول الفهامي
مخفيه بفوادي ولا ودى ابديه=وادور الخيرات شرق وشامي
احترت به ما شفت شيء يحاليه=واليوم ابا انشد عنه مانيب كامي
سيل حدر مع وادي غير واديه=مدري حلال ماه والا حرامي
كانه حلال وجايز شرب صافيه=وش حلله يا مفسرين الحلامي
هاتوا تفصايله وهاتو معانيه=نبي الدليل اللي عليه الكلامي
نبي دليل يفهم الدرب ماشيه=يمشي به التايه بليل ظلامي
يمشي به التايه ويقدي مواطيه=ويشرب قراح الما ليا صار ظامي
لا شك هجسي يوم خلا مماشيه=انه حرام ومنه زود الاثامي
احرم من الزقوم مره وحاليه=وشربه على الضامي يزيد الهيامي
الله من قلب همومه تقزيه=تدك به مثل الجراد التهامي
من ما جرى قامت تتله مشاحيه=تل الرشا من فوق هدف المقامي
روابع قامت تصيبه وتخطيه=شاف الهوايل واختلاف الاسامي
ما يسمع الداعي ليا قام يدعيه=يعوم في بحر من الهم طامي
ما ينتبه للي بصوته يناديه=يزيد همه يوم كل ينامي
يشوف وقت ما عرفنا تواليه=وقت يشيب من بسن الفطامي
هذا زمان كاثرات بلاويه=الغيم يقلب فيه عج وكتامي
يا بعد شرب الما على كبد راجيه=ما سيل الغبرا زعوج الجهامي
انبيك يا من كلمة الحق ترضيه=اعطيك ما ينفعك وافهم مرامي
قصر يذلك لا تقابل مبانيه=خله عسى شامخ طويله هدامي
خله عسى ما صاب اغادير يفنيه=يودع منازله الطويله رجامي
لوزان مدخاله وطالت حواميه =شيد على الخيبه قليل الرحامي
وحي يوريك المذله وتغليه=انا اشهد انك ميت القلب عامي
من لا يودك لا توده وترجيه=ارفع مقامك يا عزيز المقامي
ارفع مقامك عن عدوك وتوذيه=ويلحقك من تركت رفيقك ملامي
حق الرفيق وواجبه لا تخليه=يلزمك مثل الوالدين الحشامي
اختر عزيز الجار والحق يعطيه=شبل على هرج يقوله حامي
مادك به عرق المذله وطاريه=ويسبق على فعل الفضيلة شمامي
ومن قارب الاجرب بالامراض يعديه=عدواه تسطي باللحم والعظامي
درب السلامه بينات مماشيه=ودربا العطب يرث عليك اللكامي
ابعد وقلبك نازح البعد يشفيه=وتلقى عن الدار البغيضه مقامي
دار بدار وداعي الذل عاصيه=ولا تقبل الذله نفوس الكرامي
الذل موت حايمات ضواميه=ادخل على منزل فروض الصيامي
عن مقعد بالذل عينك تراعيه=الموت عند الذل امان وسلامي
يرضى المذله من تردت هقاويه=والذل يجفل منه قلب العصامي
والعبد له رب عن الناس يغنيه=ولولاه ما صاب الهدف كل رامي

اخوى


ذعذاع الشمال


رحم الله معالى الامير محمد بن احمد السديري



وسلم قلمك الباحث عن الجميل وشكراً لك نشرك لهالقصيده



الرائعه وأستميحك عذراً بتعديل بعض الأخطاء الإملائيه




تحيتي

القلب على القلب شااهد
جزاك الله خير الجزاء وغفر الله لك ولوالدك ووالديهم وختم بالصالحات اعمالكم

تسلم ياذعذاع الشمال

على نقل القصايد الجزال

من ذوقك جزاك الله خير الجزاء

درب الـــســـلامـــه بـــيـــنــــات مــمــاشـــيـــه==ودربــ ا العـطـب يــرث عـلـيـك اللـكـامـي

صح لسان الشاعر السديري وتسلم أخي ذعذاع عاى هذا النقل

مشكوووووور والله يعطيك الف عافيه على المجهود الرائع
لك مني وافر التقدير

صح لسان الشاعر
الامير السديري
لاهنت ياذعذاع الشمال
على روعة الاختيار

مشكور الغالي الغائب عن الأنظار الحاضر القلوب