ضحكو علينا وقالو الزيت غالي !!!!

السلام عليكم

مساء الخير شباب

هذا موضوع منقول عن زيت محركات السيارات ولعدم وجود قسم متخصص نقلته هنا للفائدة

خاصة بعد الارتفاع الغير المبرر لأسعار زيوت المحركات...

والفكرة جدا ممتازة خاصة للي عنده اكثر من سيارة... او عنده مجموعة من الأخوان او الأولاد ويستخدم كل واحد سيارة خاصة فيه..

بحيث يشترون علب الزيت والفلاتر بالجملة وبكذا تطلع عليهم رخيصه

انا مثلا معي vx.r 2001 ويكلفني تغيير الزيت مع السيفون تقريبا 110 ريال كل شهرين لاني اغير الزيت مع السيفون كل 5000كم....

الموضوع منقول من منتدى مكشات جزاء الله الكاتب كل خير...
واليكم الموضوع.........


--------------------------------------------------------------------------------

قبل ست شهور كنت اغير الزيت 35 ريال سوبر جتي


والحين اغيره 60 ريال و 90 مع السيفون

واذا سيارتك جيب تاخذ 8 علب حدث ولا حرج

ولا ابو هنود يتشكى ويقول زيت الحين غالي شوف

سعر على علبه 13 ريال والسيفون ما فيه كلام 25 ريال

ـــــــــــــــــــــــــ

وكتشفت الحقيقة المره ان حنا مضحكوك علينا

مريت وكيل زيت سوبر جتي القفاري وسئلته عن سعر الكرتون قال 190 ريال

ما كاسرته على طول شريته يعني 24 قسمه 190 تطلع العلبة = 7.90

ومر وكيل شفريلت وشري كرتون سيفون 150 ريال قسمة 12 = 12.5

والله ومر البنشر قلت غير زيت مع سيفون وستانس قلت لا تستعجل


ركض بريوح يجيب سيفون قلت انا جيب سيفون

قال ما فيه مشكل وركب السيفون والنفس شينه قال ايش يبغى زيت قلت كم زيت قال والله الحين غالي 13 ريال علبه قلت لا الحين يجي رخيص

احسب علبه 10 ريال لا ويطمر ويجب العلبة ويقول شوف مكتوب سعر 13 ريال

قلت انا جيب زيت يوم ضاق صدره صدق

قال كيف انت جيب سيفون ونت جيب زيت انا شيل 10 ريال

قلت حقك خذ 10 ريال

يعني اول 5 علب * 13 = 65 وسيفون 25 = 90 ريال
الان 5 علب *8 = 40 وسيفون 12 +10 ريال شغل ايده = 62

وحبيت اطرح الموظوع علشان ما ينضحك علينا

حنا شعب وناسه تضحك على الواحد وهو مستانس

من الاسهم الا شاعر المليون الى .... والقائمة تطول

تحياتي

نقل رائع ومعلوماااااااااات قيمة

تقبل مروري وتحياتي

عبدالله بن عوده


اتيت بالمفيد ولعلنا منه نستفيد

مع انه يصعب علي التطبيق


اشكرك اخي العزيز على اختيارك الرائع


كل الود والتقدير..............................@

عبدالله بن عوده

شكرا على هذه المعلومه المهمه اللي غابت عن الكثير

وانا مجرب هذه الطريقه ولاحظت ان هناك فرق كبير بالسعر

ولك كل الود

عبدالله بن عودة

بادء ذي بدء ماقصرت وشكر الله لك تنبيك

وللأسف مايحصل ماهو مسلسل تستمر فصوله ومالهدف منه إلا الجشع والطمع

شاكر ومقدر روعة حضورك

مشكوووووووووووور على النقل الرائع

ابو زياد

تحيه طيبه


بارك الله فيك







دمتم بخير