07-12-10, 10:21 PM
|
المشاركة رقم: 1 |
| المعلومات | | الكاتب: | | | اللقب: | صاحبـة قلـم
مشرفة سابقة
| | الرتبة: | | | الصورة الرمزية | | | | البيانات | | التسجيل: | Mar 2010 | | العضوية: | 2778 | | الجنس: | ذكر | | المواضيع: | 1216 | | الردود: | 7671 | | جميع المشاركات: | 8,887 [+] | | بمعدل : | 1.64 يوميا | | تلقى » 4 اعجاب | | اخر زياره : | [+] | | معدل التقييم: | | | نقاط التقييم: | 447 |
| الإتصالات | | الحالة: | | | وسائل الإتصال: | |
| المنتدى :
مجلس قصة وأبيات  قصة وفاءبين الشيخ وعبده
السلام عليكم ورحمة الله وبركاته
" قصه وقصيده "
اللي يجلس مع جده ولا جدته ولا مع ناس وشيوخ كبار مثل هالمجالس
أكيد سمع مثل هالقصص
يقول كان جماعه بالشمال بدو مبطي هذا الكلام
كانت سنه محل لا مطر ولا ربيع والناس جوع ذابحهم الجوع وكان فيه
شيخ عرب عنده ذيك اللي لا اله الا الله الله مكملها بالجمال والبياض
من بين كل البنات المهم ان الذود صابها ما صاب من الجوع وصار
الشيخ عنده من الذود فوق 300لكن من شدة الجوع الناقه لا ولدت يذبح حوارها ليش ..!
عشان ولدها ما يرضع منها ويصيبها ضعف وتموت وغيره كان يستفيد من حليبها بسد الجوع
الشيخ ذا عنده عبـد وكلنا عبيد لله راعي بالابل وش يسوي ,, صارت
اذا الناقه ولدت اخذ ولدها وحطه بوادي ( يبعد اشوي عن مكانهم )
المهم هو على هالحاله لين ربي فرجها عليهم ورزقهم بالمطر وقام
الربيع يطلع وبطل الشيخ بذبح الابل ..
راح العبد ( راعي الابل ) وجاب الحيران كلها اللي كان يربيها ولا يدري عنها الشيخ
وانهن ماهن بسيطات فوق 200 خابط
يوم درى الشيخ بالسالفه ناداه
تعال يـ ...
انت ليش سويت كذ1
قال ياعمي كله عشانك ووفاء لك
قال له الشيخ اطلب
قال الراعي :
ليت الليالي كلبوهن قمرا ==والعمر ما يفنى وانا متعافي
والذود خلفاته ثمان وعشرا ==والبال منشرح والنظر صافي
والبيت فيه العيطموس العفرا ==لا ناشنا البرد قرونها الحافي
والخرج به دليكن وتمرا= =والمزون دايم ترهف ارهافي
الذود = الابل
العيطموس = البنت المزيونه ورقبتها طويله
العفرا = البيضاء
الخرج =الشداد وهو ما يحملونه على ظهر الابل وداخله الزاد والاكل والشرب
المزون = السحب المليئه بالامطار ( السوداء)
ترهف ارهافي = اي مطر قوي ومتواصل
وسلامتـكم
|
|  |
رد: قصة وفاءبين الشيخ وعبده 
العرض العادي
