ايه احبك ايه احبـك ولا فالحـب لـوم

مالصوتى يالمشاريه حيـل ولا عـزوم
وان تعديتي عتب خاطـري لا ترحلـي
هوّدي عن ثورة الشك واقبـال الهمـوم
ليـن يجنـب تايـه الفكـر ولا يشملـي
سامح الله جرح الاحباب يوم وكـل يـوم
جرح تبريـه الليالـي وجـرح يعتلـي
وانت ياللي كل ماامسيت جابتك الحلـوم
مرني طيفك وفزيت يـوم اقبـل علـي
ماغدت عنك المساري ولا بالنـوم نـوم
السهـر عيـت دروبـه وعيّـا ينجلـي
اسالك بـالله وامانـه وغيـره مايـدوم
وش علامك يومك ارخصتنى ماقلت لي !
مانويتك نيـة الغـدر وانكـار السلـوم
الغدر ماهـو بسلمـي ولا سلـم اهلـي
هد طيشك لايجي منك تجريحـن ولـوم
الله اللـى عـز قـدري وثبّـت منزلـي
غرتك نفسك وغررت بالقلـب الرحـوم
لين حلت اقصى طموحي على باب اجهلي
وانت لو تمشى دروب الغلا مع كل قـوم
ماحدن مقفـي بقلبـك ولاحـدن مقبلـي
والله انى قـد وسمتـك بكفّينـي وسـوم
ماتركت منك المياسم ولا ضلعـن خلـي
كم سنه مرت وانا اشرى بخفاقك واسـوم
والطعون اللي بصدرك تغيض وتمتلـي
قلت لي لا تجرحين الشعور ابـلا لـزوم
قلت لك : مايونس الجرح غير المبتلـي
ايه احبك ايه احبـك ولا فالحـب لـوم
والله ان لامااك شفّـي وصـدك مقتلـي
وان تباطيت الليالـي وعديـت النجـوم
انت خابر وش رضايه وتدري بزعلـي
رح وانا ياصاحبي منك لو عشت محروم
والله انـي حبـك اللـي بقـى والاوّلـي




الشاعره ابعاد التركي

رح وانا ياصاحبي منك لو عشت محروم
والله انـي حبـك اللـي بقـى والاوّلـي
صح لسان الشاعر
وتسلم يمينك النمر الأرقط
على هذا النقل الجميل

صح لسان الشاعر
وتسلم يمينك النمر الأرقط
على هذا النقل الجميل

أخوى


النمر الارقط



صح لسان الشاعره أبعاد التركي وسلم قلمك على النقل والنشر



تحيتي

مشكوره اختي ميس على المرور

اخي ابو وليد سلمت
شكرا على مرورك الجميل

شرفتني اخي ابوفيصل بمرورك العطر
لك ودي