قصيده الشاعر عضيب بن هليل العلوي بقبيلة شهران عندما استضافوا حرب

السلام عليكم ورحمة الله وبركاته
عيدكم مبارك وكل عام وانتم بخير ومن العايدين الفائزين
شد انتباهي وسرني ماريته على قناة المرقاب الفضائيه من حفل بهيج ومبهر يسر الناظرين لقبائل بني سلول شهران العريضه واستقبال طيب لضيوفهم من اعيان وشعراء من قبيلة حرب بمعية الشيخ /داخل بن عاتق الغيداني (خادم حرب) وهذا الاستقبال والحفاوه الطيبه والكرم الحاتمي الغير مستغرب على اهله وما تخلل هذا الحفل من شتى انواع الفنون الخاصه بقبيلة شهران العريضه و من قصايد منبريه لمجموعة من شعراء شهران وكذلك شعراء حرب المتواجدين وهذا التلاحم بين قبائلنا العزيزه ومثل هذا التعارف هو مكسب للجميع ومعرفة الديار اماره ومعرفة الرجال تجاره
ونفخر ونتشرف بمثل هذه االزيارات وهذا التعارف وتقوية روابط اللحمه في مابيننا هي سنه طيبه ولا يسنها الا الكرام من الرجال اطال الله باعمار من سعو بهذا الترابط والتكاتف بين الجميع وهو مطلب كل وافي وهدف سامي ومن خلال هذه المناسبه وجب عليه اشكر بني سلول شهران العريضه على ماقامو به من علومٍ غانمه لهم بياض الوجه وبيض الله وجه الشاعر محمد بن عباد الشهراني وهو راعي الاوله واشكر الشيخ داخل الغيداني (خادم حرب) ومن كان في معيته من اعيان وشعراء من قبيلة حرب اللي عرفونا على قبيلة بني سلول شهران العريضه وعلى ديارهم العامره باهلها الكرام وهذه المجاره رد ثناء لشاعرهم الكبير /عمير السلولي ومهما نقول من القصيد مايوفيهم حقهم ونستبيح العذر من الجميع عن القصور -

بـديـت بـواحــدٍ مـــن يلـتـجـي بـحـمـاه مايـنـضـام = خـبـيـرٍ فـــي جـمـيـع الكـائـنـات وجـــل خـالـقـهـا
الا يالله يـالـلــي بـالـصــدور الـمـغـلـقـه عـــــلام = خـبـيـرٍ بـالـسـرايـر خــالــق الـعـالــم ورازقــهــا
طلـبـتـك يـالـعـزيـز الـمـقـتـدر يـاكـافــل الايــتــام = توفقـنـي طـريـق الـرشـد قـبـل الكـلـمـه انطـقـهـا
نيـابـة عــن قبيـلـة حـــرب وإلا مـاعـلـي إلـــزام = علـيـه يشـرهـون و يـاجــب الـشـرهـه نحقـقـهـا
عسـاء فيـك البقـاء يالشاعـر اللـي بالنيابـه قـام = يـرحـب بالضـيـوف وكـلـمـة التـرحـيـب يلحـقـهـا
عسـاء فيـك البقـاء عـداد طيـرٍ فـي سمانـا حــام = وعدد رش المـزون إليـا استهلـت بامـر سايقهـا
سلمت ودمت يارجل الشهامه والشرف من عام = سـلـولـي والسـلـولـي شـــام للـعـلـيـا وعـانـقـهـا
تطرقـت القصيـده واعجبتنـي مـن ثــلاث اقـسـام = وشكـرت الشاعـر اللـي بالمعانـي شــد رونقـهـا
سوالفـكـم جميـلـه مابـكـم يـذكـر عـفـن وخـمــام = حكـولـي ماحـصـل بالحـفـلـه الـلــي لاح بـارقـهـا
انـا بشكـر بنـي شـهـران عـبـر الـنـت والاعــلام = وقبيلتـهـا العريـقـه تفتـخـر فــي جمـلـة افـرقـهـا
قبـيـلـة مـــن قبائـلـنـا الـعـزيـزه للـعـنـيـد كــعــام = يـصــدون الخـصـيـم انكـانـهـا شـبــت حـرايـقـهـا
شكـراً لمحـمـد العـبـاد عقـيـد الاجتـمـاع إشـمـام = تـسـبـب بالـتـعـارف بـالـرجـولـه لــيــن حـقـقـهـا
سـلـولـيٍ تــشــوق لـلـعـلـوم الـطـيـبـات وشــــام = دلـيـلــه مـبــتــداه ويـثــبــت الـعــالــم حـقـايـقـهـا
طـواريـقـه كلـيـفـه مايحصـلـهـا صــبــيٍٍ نــــام = صعـيـبـاتٍ عـلــى خـطــو الـهـلامـه مايتوهـقـهـا
سلمتـم يابـنـي شـهـران ودمـتـم بالـسـرور ودام = سعـدكـم يابـنـي شـهـران فــي عـالـي شواهقـهـا
ذكـرتـم داخــل الـلــي للـعـلـوم الطـيـبـات زمـــام = هنـي الـعـزوه الـلـي مـثـل داخــل مــن عمالقـهـا
كريـم ابــن كـريـم ومــن رجــالٍ يالحبـيـب كــرام = هـــل الــــردات بـالـشــدات مــعــروفٍ تـفـوقـهـا
تــراء كــل النـشـامـا للقبـيـلـه والـوطــن خـــدام = طبيعـه مـن طبايـع حـرب نـشـرح لــك طرايقـهـا
انـا ربعـي قبيلـة حــرب لاصــاب العنـيـد اوهــام = هــل الخـيـل الاصيـلـه كانـهـا مـسّــت معـارقـهـا
عليهـن مـن يهيـن المعـتـدي ويـرجـع الاخـصـام = طـلايـع حــرب يــوم الـحـرب منـشـوره بيارقـهـا
تـراء مــدحٍ بلـيـاء اثـبـات مـثـل زادٍ بلـيـا ايــدام = يـضـيــع كـلـمــة الـشـاعــر ولا كــــلٍ يـصـدقـهـا
ليـامـنـي تـذكــرت القـبـايـل لـــي سـنــد وحـــزام = تـمـيــز بـالـسـلـوم الـطـيـبــه لــلـــي يـصـادقـهــا
اهـل جيـره واهـل خـوه لنـا بالمعجـزات اوســام = قـصـيـدي بـالـحـرام انـكــان مانـمـلـك وثـايـقـهـا
يكفـيـنـا دخـيــل وقـصـتـه فـــي واقـــع الاحـكــام = تــزهـــل بـالامــانــه مــاتـــردد لــيـــن وثــقــهــا
تقـدم للسـيـف الرهـيـف ودش لسـاحـة الاعــدام = تــقــدم لـلـشـهـاده دون روح الــجــار وعـتـقـهـا
تكـفـي قـصـة نويـشـي يـــوم أن مـــر كـبــده زام = تقاضاء فـي يميـن الخـال وسـت ارواحٍ ازهقهـا
ذكـرنــا وافتـخـرنـا بـالـفـعـول بـسـابــق الايــــام = قلـيـلٍ مــن كثـيـر وكــد شرحـنـا عــن سوابـقـهـا
تمثـل فـي قضـاه الشمـري فـي ماضـي الاعــوام = تـــراء ماقلـتـهـا بـهـتـان و إلا كـنــت سـارقـهــا
سمعت الشايب اللي يشتكي كان أن فيـه اوهـام = يـعــدي بالطـويـلـه كـــان لـــه شــــفٍ يـوايـقـهـا
يعدي بالطويلـه كـان فـي راسـه سطـر و إعـرام = وتنـاب لخصمـك المقصـود وخيـلـك هــد سبقـهـا
غــداء فـيـه الـغـرور يحسـبـن السامعـيـن نـيـام = تغـطـرس والتغـطـرس يـوهـم العـالـم ويغـرقـهـا
تصـور مـن رداء عقلـه جبـل وإلا العبـاد اقــزام = شـهـادات الـغــرور بـصــدره الـمـغـرور لـزقـهـا
تــحــداء والـتـحــدي مـانـفــع قـدامـهــم صــــدام = تـحــدى لـيــن حـبــل المشـنـقـه بـيـديـه عـلـقـهـا
نصيـحـه والنصيـحـه مالـهـا فــي وقتـنـا ســـوام = تجنـب عـن طريـق العالـم اللـي زادهـا اشرقـهـا
تـراء الرجـل المحنـك يفتهـم مـن منطـق العـزام = يــبــرق بـالـطـعــام ولـقـمـتــه قــبـــل يـتـذوقـهــا
تـراء المسلـم ليمنـه تمسـك بالـفـروض وصــام = تخـلـص مــن نـفــاقٍ حـاصــر الـذمــه وطـوقـهـا
نصـيـحـه لاتـفـوتـك طيـعـنـي يامـفـسـر الاحـــلام = كثـيـر مــن الضـنـون يـضـيـع الـعـالـم ويقلـقـهـا
تـراء مـالـك طـريـقٍ يمـنـا و انـعـم مــع الانـعـام = قــدم شـــيٍ يـصـيـر ولـحـيـت الـطـاغـي نحلـقـهـا
عطينـاك النصيحـه وانـت بـرق بالطـريـق الـعـام = ولـيـا تـوريـت النـوافـذ تـفـهـم الـعـالـم منافـقـهـا
تـراء ماهـوب شهرانـي ولاهـو مـن قبـايـل يــام = عـلــى شـــان اعـمـلانـا بالمـعـانـي مانضايـقـهـا
ختـمـنـا مـبـتـدانـا بـالـســلام وســنــة الاســــلام = وطلبـنـا مـــن إلـحـاكـم ماتـبـقـى مـــن لحايـقـهـا
الا يالله يـامـحــي الـهـشـيـم مــصـــرف الايـــــام = تـعــز الـدولــه الـلــي كـلـنـا فـــي ظـــل بيـرقـهـا

((( الشاعر /عضيب هليل بن شلاح العلوي الحربي )))

صح لسان الشاعر عضيب العلوي
تسلم اخي هابس العلوي علىالنقل ارائع
لك ودي

صح لسااان الشاااعر

وتسلم اخي هابس على نقل الجزل

دمت ودام عزك

تسلمون حبايبي الغالين وصحت ابدانكم بالنيابه عن ابو بدر

لكم تحياتي وتقديري ,,,,,,

تسلم ياهابس

على نقل الجزله

من شاعر عوايده الجزاله

صح لسانه

وتسلم يمينك

	اخي عبدالعزيز تسلم يالغالي مرورك وشعورك لمتصفحي شرف كبير الله لايهينك ,,, تحياتي وتقديري ,,,,

صح السان الشاعر الكبير
وصح بدنك هابس على الاضافة الجزلة
تقبل مروري مع التحية