الطيب فرصه والجمايل توافيق

الطيـب فـرصـه والجمـايـل توافـيـقومـن لا توفـق مـا كتـب لـه جمـالـه

ومن لا رقى للطيب روس الشواهيقمـا زان لـه وقتـه عـلـى مــا بـدالـه

ومـا دام لفعـول الجمايـل عشاشيـقكسـب الجمايـل مـا يجـي بالسهـالـه

ولـو إنهـا تشـرب مــع فـكـه الـريـقكل (ن) خذالـه كـل مـا أصبـح بيالـه

والطيـب منـوه للقلـوب المشافـيـقكـل (ن) يتـوق ومنـوتـه راس مـالـه

والمدح ما يزهى على الرجـل ويليـقإلا لا صــــارت وافــيــات خـصـالــه

يستاهلـه رجـل (ن) يـفـك المزانـيـقالـلـي يـقـال ونـعـم لا جــاء مجـالـه

ومن ساقته نفسه وهو ما بعـد سيـقلأجــل الجـمـيـل يـزيّــن الله فـالــه

والمرجلـه مـا هـي بتحـتـاج تنسـيـقمــن بـيـن الـلــي عشـقـهـا وبـالــه

ومـن عـادة الدنيـا تـخـون المواثـيـقتـفـتـر مكـرتـهـا ســـوات المـحـالـه

ولـولا اللـوازم مـا عرفنـا المخالـيـقمــا نـعـرف الـرجـال لـيـن انعنـالـه

والكفو تظهـر فزعتـه حـزت الضيـقوينشـاف فـي الشـده بعيـن العدالـه

نـسـل الـرجـال متعبـيـن الملاحـيـقمتوسـط (ن) مـن بيـن عمـه وخالـه

واللي يطيق ولا بغـى قـال مـا طيـقتـحـرم علـيـه المرجـلـه والشـكـالـه

والهينـه تكبـر علـى الـلاش والهـيـقله في الرخا قاله وفي الضيـق قالـه

والطيـب شـاره والضمايـر صنـاديـقوالــلاش طيـبـه مــا تـعـدى ظـلالـه

وانـا اسبـر قلـوب الرجـال المغاليـقوالصامـت اقطـع غايتـه مـن مقـالـه

ودام بـالـدنـيـا رجــــال ومـطـالـيـقنصيـتـهـم والـــلاش مـانــي بـحـالـه

الشاعرسعد بن مناحي بن شفلوت