الطيب فرصه والجمايل توافيق

الطيب فرصه والجمايل توافيق= ومن لا توفق ما كتب له جماله
ومن لا رقى للطيب روس الشواهيق= ما زان له وقته على ما بداله
وما دام لفعول الجمايل عشاشيق= كسب الجمايل ما يجي بالسهاله
ولو إنها تشرب مع فكه الريق= كل (ن) خذاله كل ما أصبح بياله
والطيب منوه للقلوب المشافيق= كل (ن) يتوق ومنوته راس ماله
والمدح ما يزهى على الرجل ويليق= إلا لا صارت وافيات خصاله
يستاهله رجل (ن) يفك المزانيق= اللي يقال ونعم لا جاء مجاله
ومن ساقته نفسه وهو ما بعد سيق= لأجل الجميل يزيّن الله فاله
والمرجله ما هي بتحتاج تنسيق= من بين اللي عشقها وباله
ومن عادة الدنيا تخون المواثيق= تفتر مكرتها سوات المحاله
ولولا اللوازم ما عرفنا المخاليق= ما نعرف الرجال لين انعناله
والكفو تظهر فزعته حزت الضيق= وينشاف في الشده بعين العداله
نسل الرجال متعبين الملاحيق= متوسط (ن) من بين عمه وخاله
واللي يطيق ولا بغى قال ما طيق= تحرم عليه المرجله والشكاله
والهينه تكبر على اللاش والهيق= له في الرخا قاله وفي الضيق قاله
والطيب شاره والضماير صناديق= واللاش طيبه ما تعدى ظلاله
وانا اسبر قلوب الرجال المغاليق=والصامت اقطع غايته من مقاله
ودام بالدنيا رجال ومطاليق= نصيتهم واللاش ماني بحاله

الشاعرسعد بن مناحي بن شفلوت

اخوى


النمر الرقط

صح لسان / الشاعرسعد بن مناحي بن شفلوت




وسلم القلم وصاحبه على النقل والنشر



تحيتي

صح بدنك اخي ابوفيصل
تسلم على المرور العطر
دمت بود

وما دام لفعول الجمايل عشاشيق= كسب الجمايل ما يجي بالسهاله
ولو إنها تشرب مع فكه الريق= كل (ن) خذاله كل ما أصبح بياله

صح لسان الشاعر
ولاهنت على النقل الجزل

تحيتي وتقديري لك

صح لسان ابن شفلوت

وشكراً اخوي النمر ع الاضافه

شكرا أخي على النقل المميز وفعلا قصيدة مميزة ورائعة

الــطـــيـــب فــــرصــــه والــجــمــايــل تـــوافـــيـــق
ومــــن لا تــوفــق مــــا كــتــب لــــه جـمــالــه



ومن لا رقى للطيب روس الشواهيق
مــــــا زان لــــــه وقـــتـــه عـــلــــى مـــــــا بـــدالــــه



ومــــا دام لـفــعــول الـجـمـايــل عـشـاشـيــق
كــســب الـجـمـايـل مــــا يــجـــي بـالـسـهـالـه

ولـــــو إنـــهـــا تـــشـــرب مــــــع فـــكـــه الـــريـــق
كــل (ن) خـذالـه كــل مــا أصـبـح بيـالـه


والــطـــيـــب مــــنــــوه لــلــقــلـــوب الـمــشــافــيــق
كــــــل (ن) يـــتـــوق ومــنــوتــه راس مـــالـــه


والمـدح مـا يزهـى علـى الـرجـل ويلـيـق
إلا لا صــــــــــــارت وافــــــيــــــات خــــصــــالـــــه


يـسـتـاهـلــه رجــــــل (ن) يـــفــــك الـمــزانــيــق
الـــلــــي يـــقــــال ونـــعــــم لا جـــــــاء مــجـــالـــه

المصدر : الطيب فرصه والجمايل توافيق


قصيدة جزلة
تسلم يمناك على الاضافة