امشوا من العارض شمالٍ بتسنيـد=وحطـو يمانيكـم مبانـي بـريـده

29-11-10, 10:36 PM

بالله عليكـم يالعـيـال البوالـيـد=ياطيبـيـن التربـيـه والعقـيـده
امشوا على جيباً يـذب الجراهيـد=مـن الجيـوب التاليـات الجديـده
توه يجي من مصنع الغرب توريـد=ماسمكـروا بديـه زيـود الحديـده
اخيـر مايركـب ومايطـوي البيـد=طوي البراك اللـي طوتهـا زبيـده
امشوا من العارض شمالٍ بتسنيـد=وحطـو يمانيكـم مبانـي بـريـده
وشري انسفوه يسار ويمينكم فيـد=ومرو على حايـل وخلـوه سيـده
اوموا عليه مع الخطوط السراميـد=وكووه لين النـار تكـوي حديـده
ولاترحمونه لين ياقف علـى عيـد=زين النبـا راع المزايـا الحميـده
محرق عراقيـب الـدلال البغاديـد=وعوق الخروف اللي مع امه طريده
وخصوه عني في سلامـي تراديـد=ردوه مـن شانـي مـرارٍ عديـده
احلا من الي تو نـزل مـن الغيـد=متعلقه مـن فـوق حنـوة جريـده
لو كان مالي في سلامـي مقاصيـد=ربـع ورفاقـه والعلاقـه وطيـده
قد جيت حسب اسلومنـا والتقاليـد=وقفت جنبـي بالظـروف الشديـده
بالطيب والنوماس هوماتـك بعيـد=ومتجود لـك فـي حبـالٍ جويـده
أنتـه حفيـد مبشريـن المفاريـد=باللي عليها السبـر صـل القعيـده
واقفوا عليهـا مبعديـن المهاجيـد=في ليلـةٍ ماهـي عليهـم سعيـده
لحقوا رويثه فـوق فـج العماريـد=يوم ابرمت ذربات الاريا السديـده
وتحاولـوا قدامـهـم بالبـواريـد=يالين مـا ابقـوا للاعـدا شريـده
خلـو جنايزهـم بشقـر العباريـد=مثل الجنايـز بالحـروب المبيـده
وابوك مال اقصاه بالطيـب تحديـد=طيبـه يقلـط بالمجالـس حفيـده
لعلـه فـي جنـة الخلـد تخلـيـد=يوم الحساب مع النفوس الشهيـده
والموت حق ويفعل الـرب مايريـد=وانا اشهد انه راحلـه فـي فقيـده
مامات من خلف اليا مـات اواليـد=وانتم من اصحاب العقول الرشيـده
ياعيد كـلٍ معجـبٍ فيـك ويشيـد=قدم المـلا عسـى حياتـك مديـده
عجبتني باهـل الحيـل والهرابيـد=اللـي لهـم فيهـا نوايـا بعـيـده
لو طعتهـم ياعيـد جابـوك العيـد=لكـن منتـه للزواريـب صـيـده
وردتهـم ياعيـد حـزم الجلاميـد=انا آشهد انـك ياالرويثـي وليـده
مع درب مـن رد الثنـا للآجاويـد=سوق العصي للعوص سقت القصيده