ماينحني راسي وانا عزوتي حررررررررررررررب

ماينحني راسي وانا عزوتي حـرب


العزوة اللي مجدهـا يرفـع الـراس



حنـا مرجحـة الموازيـن بالكـرب
لاجا نهـارٍ فيـه الأريـاق يبـاس




لاثار عج الخيل والسيف له ضـرب
هاماتنـا ياعنـك ماهيـب تنـداس




نشرب فناجيل العـدا دايـمٍ شـرب
ونحوسهم حوسٍ على قب الافـراس



وزحنا البدود اللي متاريس بالـدرب
اللي لهم في كـل مرقـاب متـراس



واليوم نسمع جت علومٍ من العـرب
اهل المهايط فـي قنـوات الإفـلاس



الجرب شرهتها على راعي الجـرب
ترى المرض ماراح والعرق دسـاس



ياللي على مركـاه بيدمـر الغـرب
فوق السماء بيحرر أوطـان عبـاس



يم السماء رجليه والراس فـي زرب
هذي حقيقة فارغ العقـل والطـاس



ياهيه ياللي نافخ الصـدر والـذرب
مالك فعـل نعرفـك ياغيـر هـلاس



لكن عوده علـى الطيـب ثـم أرب
وعوذ من الشيطان لاتحقـر النـاس



ترى حدود الناس ماتنقـرب قـرب
يالخبل لاتطمـر حـدودك وتنحـاس



ترى الصقور عيونها من ورا الخرب
لاتجيه صفقه من مخاليـب قرنـاس



من يظلم المسلم مصيره كما الصرب
ينهان في داره بلا مالـه احسـاس



سرب يدكه ثـم ياتـي بعـد سـرب
ونهايته مـرٍ تجـرع مـن الكـاس

الشاعر حميدحميد الحافي الرويتعي الحربي

اخوى

النمر الارقط

صح لسان الشاعر حميدحميد الحافي الرويتعي الحربي


ولاهنت يالذيب على النقل الموفق


تحيتي

لاهنت ابوفيصل على المرور العطر
دمت بود

صح لسان الشاعر
حميد الرويتعي
يعطيك العافيه يا ألنمر الارقط
عوتنا دائما على النقل الرائع
تقبل مروري

ابو حمد يعطيك العافيه
مشكور على ا لمرور
منور اخوي

مشكوور
ويعطيك العافيه

يعطيك العافيه على المرور