الموظفه : (تقاطعها) طيب ، طيب ماشاءالله بس كأن لهجتك من خارج المنطقه ؟
المتقدمه : لا لا انا من هنا ومن مواليد المنطقه ومن خريجات المنطقه حتى بيتنا في حي كذا شارع كذا
الموظقه : آسفه غاليتي لابد من خبرات ومن شهادات لان غيرك ملفها فية خبرات اكثر منك والا اقولك ندخل ملفك وانتي وحظك لانك تشوفين الملفات كثيرة والوظائف قليلة ولاانتي مقتنعه المتقدمه : طيب دخلي ملفك وانا وحظي
الموظفه : (ابتسامة عطف) قلنالك مستحيل تتوظفي فيه من هو اكفاء منك (يرن جوال الموظفه ترد)) الموظفه : الو المتصل : هلا الموظفه : نعم المتصل : فيه وحده بتعطيك الملف وبتمشي لانها مستعجله مانامت البارح دخليه في المفاضله الله يحييك الموظفه : تامرين امر يأم عبدالله المتصل : الف شكر في امان الله الموظفه : ياهلا وغلا
تستأذن الموظفه من المتقدمه بليز لحظة وراجعه
(( تأخذ الكثير من وقت المتقدمه بإنشغالها مع المتقدمه الاخرى اللتي جاءت بالواسطه ))
ترجع الموظفه
الموظفه : مارحتي لسى انتي هنا؟ المتقدمه : ايوه انا هنا الموظفه : خلاص مثل ماقلتلك والا ادخل ملفك ونهايته سلة المهملات المتقدمه : طيب انتي رديتي على وحده تتوسط وانا بصراحه مااعرف احد وتكفين خليك واسطتي
الموظفه : ههههههه لاوالله ياخيتي ماهي بواسطه الا هذي امر من شخص ذو مكانه اجتماعيه عاليه
المتقدمه : طيب وانا وشلون ؟ وش اسوي
الموظفه : ابد جيبي واسطه وابشري نحطك محاضرة اذا رغبتي بعد مااكتشفنا المحاضرات اللي ماشاءالله مزورات شهاداتهم ماجستير واجنبيات بعد
المتقدمه : طيب انا مااعرف احد
الموظفه : من هو والدك ؟ المتقدمه : ابي فلان بن فلان الفلاني الموظفه : (تسترجع الذاكرة قليلا) ماقد سمعت فيه ابد
الموظفه : يالله انا بروح افطر وانتي عطلتيني الله يجزاك خير تفضلي السنه القادمه اراك على خير المتقدمه : (وبكل احباط ) يعني ارجع لمديرتي بمدارس الاهليه؟ الموظفه : مالك الا كذا وحتى لو قالت بعطيك 30 حصه ارضي فيها وهذي معروف ((لاهل المنطقه))
المتقدمه : آآه ليتني مثل البنت اللي دخل ملفها وهي بسيارتها مانزلت عشانها مواصله مانامت وانا نائمه من الساعه 9 عشان اكون الساعة 6 الصباح عندهم يالله الرزق على الله
اسردت لكم المشاهد التي فعلا تقع بمقر القبول للمفاضلة للوظائف التعليمية النسوية وبكل شفافية
وانا اتحمل المسئولية التامه بهذه المشاهد
المطلوب: ارائكم على هذه الشروط ؟ اليس من حق كل بنت سعودية ان تتوظف بأي منطقه؟؟؟؟
من وجهة نظري الأحقيه لبنات المنطقة من اجمل القرارات التي سمعت بها ،،
لعدة اسباب اهمها /
اولاً : ماهو ذنب بنات المنطقه من تقديم بنات غيرها عليهن بالتوظيف ،، مع انهن متقدمات _اي بنات المنطقه_بالمؤهلات والنسبه ومن التخصصات المطلوبه والفارق الوحيد هو وجود الواسطه والتي تدعم البعض دون الاخرين وهي الظلم والاجحاف بعينه !!
ثانياً : هذا القرار هو الحل الوحيد والنهائي لمشكلة المواصلات والنقل والسكن في غير منطقة السكن والذي تجد البعض منهن هداها الله هي وولي امرها تسكن بلا محرم !!!!
ممتع هذا الطرح وبهذا الشكل الرائع
والجميل
قطعة ادبية رائعة
تكاد تكون قصة قبل ان تكون مقالة
اثرت كل الاعجاب بالاسلوب
ناهيك عن الموضوع الحساس الذي طرحته.
اعذر مداخلتي اذ اقتصرت على هذا
وذلك عائد الى اني اريد الاستمتاع بما يدون باقلام الاعضاء حول هذا الامر .
ابن منيديل 
رد: بناتنا والمفاضلة للوظائف التعليميه المحتكره للمناطق 
العرض المتطور
