في أمان الله

كتبت هذه القصيده عندما سافروا أصحابي في رحلة صيد إلى منطقة السويداء
في دولة سوريا الشقيقة في شهر صفر 1428ه


[num="0,black"]
er]

قالوا مشينا قلت مافيه حيله=الوضع واضح مايفدن الأعذار
قالوا تشوف العفش قدمك نشيله=الله يجنب دربنا كل الاخطار
السالفه يالربع ماهي طويله=ماهو على كيفي وأنا موقع اقرار
عسى قرارن جاء يلحق بديله=ويسمح لنا يالربع في كل الأقطار
ويسوى تعبنا الصيد لونعنيله=نبي انتهنا قبل قصاف الأعمار
مشياً مع الريضان يومٍ وليله=يسوى رصيد الراجحي زايد إعمار
برضٍ نباته مثل طلع الخميله=وريح الخزامى كمله شوف الأزهار
غب المطر وتشوف يدرج مسيله=متحدرٍمن عالي الجال مدرار
جالٍ وماكر للطيور الأصيله=مابين عقبان وشياهين واحرار
اليا قال المغدا قلت رأس الطويله=أبي على مد النظر شوف الأقفار
نفسي على الطلعات مبطن عليله=وصبرت صبر أيوب مابين الأسوار
ومن البكر صبوا وزودوا بهيله=وتكفون حطولي مع الهيل مسمار
هذا هوى نفسي ولاأبغى بديله=وللنفس في غاياتها سر وجهار
وأنا جمل كل الحمول الثقيله=وعلى خفايا الناس ماني بسبار
ولاأمزح ولا أحب العلوم الهزيله=ترى كثير المزح يجعلك ثرثار
وراع الغلط لابد يسمع مثيله=وإن كنت تبغى الشر تبلى بالأشرار
والله إن يونس وسط كبده مليله=أومثل حاف الرجل ياطا على النار
وأنا شرحت الوضع عن كل ميله= من خوف يقلب هرجتي كل غدار
وأنتم في أمان الله مالي وسيله=ويني ووين الشام يالربع مشوار
وركبوا على جيبٍ جديد مديله=أبيض جميل الوصف من نوع فكس آر
راحوا يوم إن الأرض صارت محيله=يبون صيدن في حمى الشيخ بشار
والقارمن يادهام هو الدليله=في ديرتن بارد هواها بلا غبار
ولاأحد ينادي بالجهاز لزميله=شف الطريق يمين ولا على يسار
ناسٍ على البران مثل الهميله=وتعاف شوف البر من كثر الآثار
دروبهم ماهي عليكم سهيله=أنتم معشاكم قريبٍ للأنوار
وربعي معشاهم ديارن مهيله=ماهابوا الأخطار وافين الأشبار
على الأثر يتلون درب الجميله=تشرب من الخبراءعقب سيل الأمطار
وجوهن على غفله بهاك السهيله=وفزن بن الوعر والفشق ثار
يعجبك صوت الجيب من قو حيله=يوم أونس البنزين عن السهل طار
هاذي طرات العمر قبل رحيله=والله يعلم بالخفايا والأسرار
ياعيال راشد عزوتي بالقبيله=أرجو السموحه عن قصوري وماصار

الشاعر /علي بن محمد بن جضعان الفريدي

ياعيـال راشـد عزوتـي بالقبيـلـه
أرجو السموحه عن قصوري وماصار


شاااااااااعر يابوعمر قصيدة اكثر من رائعة لكن الصيد وشو بهاك الديار من اي انواع الغزلان قصد الطيور

ابو عمر صح لسانك مليون

وانا من المعجبين بما سمعت لك من اشعار

واتمنى منك المزيد والمزيد

لا تبخل علينا

اخي ابوعمر

صح لسانك وان شاءالله لاحق على الصيد وعسى الله يعطيك طولة العمر ان شاءالله


وعيال راشد ربعك وربعي وتاج رأسك ورأسي مالهم درب عليك انت ماقصرت بشيء

وانت من الرجال اللي نفتخر فيهم

ابدعت وامتعنا معك دائمآ لاهنت

تقبل مروري البسيط

وأنـا جمـل كـل الحمـول الثقيلـه
وعلى خفايـا النـاس مانـي بسبـار



صح إلسانكـ ..

قصيده جزله من رجال كفو ..

ولاتحرمنا من قصايدك الأخرى


نبي غزل لاهنت هههههههههههههه !!

ابو عبدالله ا شكرك جزيل الشكرا وشهاده أعتز بها ياصاحب المنطق العذب ,,الصيد واجد بهاك اليار ارانب ؟وغزلان .وطيور شد حيلك السفره الثانيه انا ونت خوتك تشرى... اسعدني مرور لك تحياتي

أخي عبدالله غنام . الله يصح بدنك أكثر ,, شهادتك وسام على صدري وبيض الله وجهك

وأسعدني مرورك تقبل تحياتي

بن منيديل .صح الله بدنك ,,والصيد أشفق عليه أكثر أذا خواني مثلك وشرواك

أطراك سعدني كثيرا .... لك أجمل تحياتي

أمير العاشقين .أشكرك جزيل الشكر على الكلام الجميل كاعاتك وقلبك خضر
واضح من أسمك

غااالي والطلب رخيص أنشاالله أحقق طلبك ... لك تحياتي

صح لسانك ابو عمر قصيدة رائعه

واسجل اعجابي بما جادت به قريحتك المبدعة


ونريد المزيد


نازف الحرف