البارحة يا حمود والناس هدوا=وانا مع الهادين ماطاب هدوي
بان القمر في ليلة النصف وادوا=وانا مع كثر الهواجيس مدوي
يحدني من ضيقة البال حدوا=على وليفٍ صار دونه تحدوي
لو هو جديد كان يلداه لدوا=لكن قلبي في غلاه امتمدوي
حبه بقلبي تقل مدراه سدوا=ينشر معاليق الحشى نشر سدوي
قطن بقلبي تقل مقطان بدوا=ويتلني تل الرشا فوق عدوي
عدو ردوم كل عام تعدوا=شلع سدسها ما دخلها التردوي
يا حمود رايك بالمطاليق قدوا=وحنا من الطيب نحب التقدوي
فلا لي على بعض المخاليق جدوا=الا الذي مثلك يعرف التجدوي
ورد الشاعر حمود محمد العويني الفريدي
البارحة يوم الخلايق هجدوا=جفني من النوم اللذيذ امتلدوي
هيض غرام القلب من هو تندوا=ولا تنفع الأعذار عند التندوي
يا الأكلبي بيتٍ بنيته على أدوا= هي رغبة منك انت والا تعدوي
دايم على غمق المثايل تحدوا=وش مقصدك يا الأكلبي بالتحدوي
ان كان قصدك بالمثايل تصدوا=ترى أكثر العالم تعرف التصدوي
فلو أن عندي لهل العشق جدوا=والله ما أذخر عنك شي يجدوي
العشق خلى اللي نخيته تفدوا=مضى زمانه في حياة التفدوي
حب على وضح النقا ما تلدوا=والا غرام اليوم حب عصدوي
عصر الهوى وأهل الهوى يا سعدوا=روح مثل ما راح عصر التبدوي
يقوله اللي بالمثايل تشدوا=واختار منها طيبات التشدوي
والمعذرة يا الأكلبي بالرددوا=ما من مجال يتسع للرددوي
المساجلة الثانيه بين الشاعرين.........
قال الشاعر / سعد بن جدلان الأكلبي
ياتل قلبي تلتينٍ بنتله=كنه من الاضلاع ينتل بتلتال
من وقتي اللي شايفٍ فيه شتله=دنياً تخلي صاحي الفكر يهتال
أحدٍ توريه السعد وضحكت له=وتخلي زنوده قويات وعتال
وحدٍ ليامنه مشى خترشت له=مرٍ يطيح ومرٍ للحمل يشتال
وحدٍ يصارعها وهي ماصفت له= لكن وده يفعل الطيب محتال
عزمه يسوقه والليالي تختله=ويصير بين أثنين ناقض وفتال
يا حمود حل الوضع والا ألتفت له=شرواك بالطيب له منهج ومبتال
رد الشاعر / حمود بن محمد العويني الفريدي,,,
يقول من جزل البيوت أرسلت له=من فاهمن يلعب على كل منوال
حي الجواب وحي من كان فتله=من شاعرٍ يفتل غريبات الأمثال
اللي جزيلات البيوت أشهدت له=اليا فتل جزل المثل كل فتال
يهوا المعان الطيبه وهوت له=يصوغهن صوغ الجواهر ليا قال
اليا بغى صوغ التماثيل جت له=ياخذ خزايزهن جميلات وجزال
سعد ولد جدلان مهوب هتله=من روس بني أكلب شريفين الاسلال
يقنب ليا من السباع اقنبت له=ليا ترك رد النقا ساقط الخال
يقول لي دنياه ما ساعفت له=ويشوف من وقته غرابيل واهوال
واقول لا تزعل على الوقت بتله=الوقت دايم له اقفايات وقبال
ركايب السلطان قد نوخت له=تجارب الدنيا على مر الأجيال
ولا عرف هدفك اللي بيوتك عنت له=مدري وش المقصودي طيب الفال
مساجلة بين الشاعرين حمود العويني . وسعد ابن جدلان 
العرض الشجري
