الـــفـــزعـــة ( مصافحة أولى لقلوبكم )

اللي مايبذل للنشاما مساعيه = قطعت معه المعرفه والصداقه
ماشاش راسه موقف الذل كافيه = ولا حط مع درب المكارم علاقه ‍
خله يولي يقطع الله ناميه = بعده شرف والقرب منه الحماقه ‍
محروم لو يارث من المجد اقاصيه = يطلع من الذود المدوّح بناقه ‍
والمرجله صعبه على من يخاويه = كلٍ على دين الخليل إعتناقه ‍
ماتلحقه من عند قومه مشاريه = عيدين والثالث عليهم فراقه ‍
ولا ينومس الرجال لا حل طاريه = غير الفعول الوافيه مع نطاقه ‍
واللي يثمن واجبه مع مباديه = هذاك عاشق للمراجل عشاقه ‍
ولولا الفعايل كان كلٍ تلاقيه = شيخٍ لحاله دون ربع ورفاقه ‍
ومن يتعب ركابه على شان عانيه = معذور لو الوقت عيّا وعاقه ‍
والشعر فن وذوق واجمل معانيه = لا جسّد الواقع بعرف ولباقه

مقبل بن نمران

والشعر فن وذوق وأجمل معانيه = لا جسد الواقـع بعـرف ولباقـه

صــــح لسانك
ابدعت ،، ابدعت ،، جزالة الشعر تكمن بقصائدك ايها المبدع

سجل إعجابي بهذه القصيدة وانا بإنتظار قصيدة ((القاضي )) وغيرها من قصائدك الدرر



الف شكر لهذه المصافحه الجميله

ولولا الفعائل كـان كـلٍ تلاقيـه
شيخٍ لحاله دون ربـع ورفاقـه *
ومن يتعب ركابه على شأن عانيه
معذور لو الوقت عيـا وعاقـه


قصيدة جزله من شاعر غني عن التعريف ننتظر المزيد ماشاء الله تبارك الله

صح لسانك مليون والله أحترت وأنا ودي اقتبس منها بيت

كلها والله نقوة كلام

ابن منيديل

صح الله بدنك يابو تركي

أتحفتني بمرورك وبصمة التميز منك دائماً

ودمت بخير ومحبه

الفريدي

هلابك والجزاله مرورك المعطر بكرمك

تسلم وتدوم على الخير والمحبه

عبدالله بن غنام

وفي يابن عمي

أدام الله نبضك وتواجدك وفكرك الراقي

وسعادتي تكمن في إعجابكم

على الخير والمحبه

المتميز : مقبل

صح لسانك وابيات رائعة جزلة كحال قصائدك دائماً

لازلنا ننتظر منك المزيد

صح لسانكـ على هذا القصيده الرااااااااااااااااائعه ..

وأنا أبنتظر قصيدة (القاضي) ..

من إسمها تحمس ..


وتقبل تحياتي ومروري ..

أبو متعب

هلابك ومشكور على التواجد . . النقاء . . وفاؤك . . وتسجيل عذوبتك

وصح الله بدنك

ودمت على الخير والمحبه