ياعلاوي نجد علك مراديم السحاب عيد ابن مربح

ياطبـيـب النـفـس وشـــو عـــلاج الأكـتـئـابأعطنـي وصفـة علاجـه تـرى وضعـي خطيـر

عشت في غربة حقايق وفـي وضـع اغتـرابوالتـجـارب عرفتـنـي عـلـى الـشـي الكثـيـر

شفت ناسٍ ترسم الورده على صدر الغـرابوالغـراب أليـا بغيـت ألـمـس الــورده يطـيـر

أستفـدت مــن الذيـابـه ومــن نـبـح الـكـلابوأستفدت مـن الرغـا وأستفـدت مـن الهديـر

ولاكسـبـت إلا مـعـرفـة عـزيـزيـن الـجـنـابولاخـسـرت إلا معـرفـة عديـمـيـن الضـمـيـر

أقـتـرب لامقـتـرب شـيـن بـعـض الأقـتـرابأبتـعـد لامبتـعـد شـــي فـــي حـقــي كـبـيـر

ياسؤالـي كـل ماطـرحـك ماألقـالـك جــوابمالـي إلا الصبـر وأهـل الصـبـر تـوعـد بخـيـر

وصف خـلان الرخـا مثـل ضحضـاح السـرابيفـرح العطشـان شوفـه يحسـب انــه غـديـر

للردي لو هو ولـد عـم لاتحسـب لـه حسـابكــم عـزيـزٍ ذلــه الـوقـت بضـيـافـة حـقـيـر

الـــدروس أنـــواع تـطـبـيـق والا أنـتـســاببـس أنـا اللـي طبـق الـدرس قــدام المـديـر

يا (غريب )أن مت شلنـي اليـا هـاك الهضـابحـط قبـري بيـن عنـتـر وأبــن عـمـه زهـيـر

حطني في مقبرة (( عبس)) مروين الحـرابحطني بأعلى علم (( عبس)) مروين الشطير

وان عسـرك الوقـت نطلـع ونـرجـع للـتـرابويـــــارث الأرواح الالـــــه الأول والأخــيـــر

اول الدنـيـا طــرب وأوســط الدنـيـا عــذابوأخرتهـا الـمـوت والقـبـر وحـسـابٍ عسـيـر

يـاجـزيـل الـمـلـك يـاكـافــل رزق الــذبــابياإلاهي من عذابـك برحمتـك أستجيرالشاعـر

عيد بن مربح القلادي الرشيدي
ابو غريب
--------------------------------------------------
وهذه مجاراة

الشاعر الكبير هواش السليمي الحربي

لقصيدة عيد بن مربح

ياعسـى جـابـات عيدالرشـيـدي تستـجـابياالعظيـم المعتـلـي ياالسمـيـع وياالبصـيـر

ياعسـاهـا للحـيـا مـدهـل الـنـوق الـعـرابمـع منـازل مالهـا دون ضيـف الله خفـيـر

بعدهـا مابـاس حـر ٍ زعــل وابــلا وصــابيـوم عـبـر صــار الأول عـلـى كــل تعبـيـر

وان سمعت المغتري حل بالحال اضطرابوالفقيـر اللـي مـن الــدم والغـيـره فقـيـر

ضـاق بالـي ليـن بالجسـم ضاقـن الثـيـابيـوم قالـوا وافــي الـبـاع للقـاصـر أسـيـر

ولاتـكـذب لــو صيـاحـه يـخـاف الإنـقــلابويمكـن الأيـام عـنـت لــه الخـيـل العـذيـر

والترفـع عـن بعـض مايـكـون مــن الأدابومن تخير عن وطنكم وطن عنـه استخيـر

يارشيـدي راجـع العـقـل وارجــع للكـتـابماصفـت بقـعـاء لغـيـرك رحـاهـا يستـديـر

والتظجـر ياجـمـل للجـمـال مــن العـيـابمايجـوز أخبـرك وأنتـه خبـيـر أكـبـر خبـيـر

يعطـي الله كـل صابـر علـى صبـره ثـوابواحـد معطـاه يجبـر بـه العـظـم الكسـيـر

يالأديـب أنتـه مجـرب خـسـاره واكتـسـابداري إنـك مطلـع مـا أنـت بالمعنـى غريـر

والـسـلام خـتـام ياعـيـد مـربـح والـحـزابوالصقـاره خذلهـا دمـت طيـر وخـل طيـر

واحـذر والعنـقـاء تـراهـا تشـبـه بالعـقـابزومـهـا واجــد وخـرقـا يروعـهـا الصـفـيـر

واكثـر الخـلان داري ســراب بــلا شــرابمـار أنــا جــارك تبيـنـي كـمـي والا مغـيـر

ماتعـذر عنـك لـو هـو ذهــاب بغـيـر ايــابمـانـذل الــذل مـاطـول العـمـر القـصـيـر