ياعلاوي نجد علك مراديم السحاب عيد ابن مربح

ياطبيـب النفـس وشـو عـلاج الأكتئـاب=أعطني وصفة علاجه ترى وضعـي خطيـر
عشت في غربة حقايق وفي وضع اغتـراب=والتجارب عرفتنـي علـى الشـي الكثيـر
شفت ناسٍ ترسم الورده على صدر الغراب=والغراب أليا بغيت ألمـس الـورده يطيـر
أستفدت من الذيابـه ومـن نبـح الكـلاب=وأستفدت من الرغا وأستفدت مـن الهديـر
ولاكسبـت إلا معرفـة عزيزيـن الجنـاب=ولاخسـرت إلا معرفـة عديميـن الضميـر
أقترب لامقتـرب شيـن بعـض الأقتـراب=أبتعـد لامبتعـد شي فـي حقـي كبيـر
ياسؤالي كـل ماطرحـك ماألقالـك جـواب=مالي إلا الصبر وأهل الصبر توعـد بخيـر
وصف خلان الرخا مثل ضحضاح السـراب=يفرح العطشان شوفه يحسـب انـه غديـر
للردي لو هو ولد عم لاتحسب لـه حسـاب=كم عزيـزٍ ذلـه الوقـت بضيافـة حقيـر
الـدروس أنـواع تطبيـق والا أنتـسـاب=بس أنا اللي طبـق الـدرس قـدام المديـر
يا (غريب )أن مت شلني اليا هاك الهضاب=حط قبري بين عنتـر وأبـن عمـه زهيـر
حطني في مقبرة (( عبس)) مروين الحراب=حطني بأعلى علم (( عبس)) مروين الشطير
وان عسرك الوقت نطلع ونرجـع للتـراب=ويــارث الأرواح الاله الأول والأخـيـر
اول الدنيا طـرب وأوسـط الدنيـا عـذاب=وأخرتها الموت والقبـر وحسـابٍ عسيـر
ياجزيـل الملـك ياكـافـل رزق الذباب=ياإلاهي مـن عذابـك برحمتـك أستجيـرالشاعر

عيد بن مربح القلادي الرشيدي
ابو غريب
--------------------------------------------------
وهذه مجاراة

الشاعر الكبير هواش السليمي الحربي

لقصيدة عيد بن مربح

ياعسى جابـات عيدالرشيـدي تستجـاب =ياالعظيـم المعتلـي ياالسميـع وياالبصيـر
ياعساها للحيـا مدهـل النـوق العـراب =مع منازل مالهـا دون ضيـف الله خفيـر
بعدها ماباس حر ٍ زعل وابـلا وصـاب = يوم عبر صـار الأول علـى كـل تعبيـر
وان سمعت المغتري حل بالحال اضطراب =والفقير اللـي مـن الـدم والغيـره فقيـر
ضاق بالي لين بالجسـم ضاقـن الثيـاب= يوم قالـوا وافـي البـاع للقاصـر أسيـر
ولاتكذب لو صياحـه يخـاف الإنقـلاب =ويمكن الأيـام عنـت لـه الخيـل العذيـر
والترفع عن بعض مايكـون مـن الأداب= ومن تخير عن وطنكم وطن عنه استخيـر
يارشيدي راجع العقـل وارجـع للكتـاب= ماصفت بقعـاء لغيـرك رحاهـا يستديـر
والتظجر ياجمـل للجمـال مـن العيـاب =مايجوز أخبرك وأنته خبيـر أكبـر خبيـر
يعطي الله كل صابر على صبـره ثـواب =واحد معطاه يجبـر بـه العظـم الكسيـر
يالأديب أنته مجرب خسـاره واكتسـاب= داري إنك مطلع ما أنت بالمعنـى غريـر
والسلام ختام ياعيـد مربـح والحـزاب= والصقاره خذلها دمت طيـر وخـل طيـر
واحذر والعنقاء تراهـا تشبـه بالعقـاب= زومها واجـد وخرقـا يروعهـا الصفيـر
واكثر الخلان داري سراب بـلا شـراب= مار أنا جـارك تبينـي كمـي والا مغيـر
ماتعذر عنك لو هو ذهـاب بغيـر ايـاب= مانـذل الـذل ماطـول العمـر القصيـر

اخوى


ذعذاع الشمال



صحت الالسن شعار كبار ومعاني مدفونه وقصيدن جزل


تحيتي

اسمح لي ابدي اعجابي بقلمك وتميزك واسلوبك الراقي وتالقك بنقل الجميل
مشكور اخي ذعذاع الشمال
تقبل مروري

مشكورين اساتذتي الفضلاء تعلمنا منكم فجادت أيدينا بشئ لم يرقى الى قدركم ومقامكم المتواضع ،،،،

الاخ / ذعذاع الشمال


قصيدة ومجارة الشاعرين كبيرين

فيهما الجزالة وجوهر المعنا

اشكرك على حسن الاختيار

لك تقديري على هذا الطرح

اخوك مبارك بن حديد

جزاك الله خير الجزاء ورحم والديك ووالديهم وغفر الله لكم

مساجلة تحمل من الجزاله الشي الكثير

تسلم ياذعذاع الشمال على إتحافنا

ملاحظه تنقل لقسم المساجلات

مشكور اخي على مرورك العطر