|
الـرجـال طـيـور تـوصـف بـالـحـراروكــل طـيـر فــي جناحيـنـه يطـيـر |
ويـن طيـر يحـتـري لــه كــل جــاروويـن طيـر يذعـره صـوت الصفيـر |
ويـن طيـر لا نـهـض شــق السـتـارويــن طـيـر مايـصـيـد إلا الـشـريـر |
لــو تـقـول إن الشجـاعـة بالطـيـاركـان فضلنـا القطـا عـن كـل طـيـر |
النـداوي لـه عـلـى الفـعـل اقـتـداروالحـمـامـة بـالـمـحـارم تـسـتـديـر |
وإن جهلـت الزيـن والجنـس الدمـارانشـد اللـي فــي معرفتـهـن خبـيـر |
افـتـهـم مـنــي كــــلام بـاخـتـصـارفرق بين الصوف من سلـك الحريـر |
وفـرق بيـن الحـب ونخـال الـشـوارأصلهـن واحـد لاشــك الــذوق غـيـر |
ربـعـة الـطـيـب تـزيــدك بانـتـصـارترفـعـك رفــع العـمـد بـيـت نظـيـر |
والردي عرفه مثل بيت هيارتنقبر فيها ويدفنك الحفير |
حقـة الطـيـب تجـيـك مــن الفـقـاروالـردي يعطـيـك كـرسـوع البعـيـر |
لاتــرابــع واحــــد بـالـعـهـد بـــــاروإن وفــا مــرة فـهـو خـيـر كـثـيـر |
الـتـجـارب خـلـهـا لـــك مسـتـشـارلاتـبـي غـيـر التـجـارب لــك شـويـر |
لاتـجــي مـدخــل يـديـنـه بـالـخـبـارمالـقـى صـيـدة لـقـى داب ضـريـر |
وانـت فـي نفسـك عليـك الـدور دارلاتـحـسـب إنـــك مـخـلـى يافـقـيـر |
وقــر العـالـم وتلـقـى لــك وقـــاروإن حقـرت حقـرت لـو إنـك أمـيـر |
والـشـرف لايسـتـوي فـيـه انـهـيـارالشرف هو مقضب السيف الشطير |
والقناعـة مرجـلـة والضـعـف عــارواطلب النجـدة مـن الوالـي القديـر |
لاتـجــي لـلـنـاس طلـبـاتـك كــثــاركــل ديـــوان تـجــي يـمــه مـغـيـر |
ماخبرنـا فـي هــل الشـحـذة تـجـارغيـر فـقـره كــل نـفـسٍ لــه تعـيـر |
خــل عــز النـفـس للـعـورة سـتـارلو فراشك في طـرف بيتـك حصيـر |
وانــت للـعـودة إلــى الله بانـتـظـارواحـــد مـالــه وكـيــل ولا مــديــر |
مـــدة الله تمـتـلـي مـنـهـا الـنـقـارتجـعـل الـغـدران بالـمـلـزم تـحـيـر |
تجـعـل الــوادي مـريـف بالـخـضـارعقـب ماهـو يابـس قشـعـة هشـيـر |
الكـريـم مـعـان والـفـارس مـجــارمــدي الـواجـب ونـطــاح الـذخـيـر |
والغـنـى بـالــذل مـافـيـه اشـتـهـاروالـفـقـر بـالـعـز لأمـجــادك يـثـيـر |
منزلـك بـالـذل فــوق أعـلـى مـنـارينتفـضـل عـنـه مسـكـان الحـجـيـر |
مرقـدك بالعـز فــي حــزم الـقـرارينتفـضـل بالـمـعـزة عـــن سـريــر |
الغـنـى بالنـفـس مـاهــو بـالـصـراركــم غـنـي كـــن مـاعـنـده دخـيــر |
كـم فقيـر فـي ثقـيـل الحـمـل ثــاروكـم غنـي سمعـتـه سمـعـة فقـيـر |
لا تـقـول فــلان يمـلـك لــه عـقــارليـش أنـا مـا أدركـت مثلـه وأصيـر |
واحــد معـطـي مـاهـو فـيـك غـــارلاتـجـي لأحــوال خـلـق الله نـظـيـر |
ولاتـقـول الـوقـت لايحـنـي صـطـارضـربـة خـلــت دمـاغــي يسـتـديـر |
غـيــرك الـدنـيـا تـلـوحـه بالـحـجـارليـن صـار الـدم مــن خــده خـريـر |
ضـامــت الـدنـيـا مـدلـلـة الـبـكــارنازلـيـن القـفـر لــو جـاهــم نـذيــر |
وانكشـف بـرق مثـل لـون الشـعـاريذكـر الـغـزاي بــه عـشـب وغـديـر |
جلـعـوا لــه مالـهـم غـيــره مـــزارفــي جـهـام كـنـه الصـيـد الـمـذيـر |
وإن مشورك بالسلف والنشـر سـارزمــة الـحـيـران زاهـيـهـا النـشـيـر |
حـاسـبـيــن لـلـجـهــاد ولـلـمــغــاروالـبـنــادق مـاتـخـبــى بـالـجـفـيـر |
كان شاط الهوش شيطـات العشـارجـتــك أوالـيــد تـعــزوا بالـفـطـيـر |
مـوتـة عــن قـولـة الخـفـرات نــارالـعـذارى ماتـعـشـق الـلــي يـنـيـر |
وينـهـم هالحـيـن مامـنـهـم سـمــارمـاتـشـوف إلـهــم ورود ولاصـديــر |
مـالـت الـدنـيـا علـيـهـم بانـكـسـارعقـب مايضـهـد دبشـهـم كــل بـيـر |
عقب شرب الدر مـن سـور الحـوارهاجـروا بالمـدن يـشـرون العصـيـر |
والـدبـور إلـيـا طـبـخ قــدره وفــارذوب اللي فيـه مـن حامـي السعيـر |
لــذة الدنـيـا مـثـل لـعــب الـقـمـارلو جمعت المال شف تالي المصيـر |
لوجمعت من الذهـب حمـل القطـارعند نـزع الـروح مـا أنتـب لـه دبيـر |
صــار بـيـن الوارثـيـن بــلا مـشــارانعـزل حـق الكبـيـر مــن الصغـيـر |
وانــت حـقـك خـامـةٍ عشـريـن وارحـقـتـك هـــذي ولا فـيـهـا خـشـيـر |
فصـلـوا مـنـهـا حـزامــك والـــوزاروأقرشـوا بــك يــم مـثـواك الأخـيـر |
وانسدحت من الفضا في وسط غاريـطـردك مـنـكـر وقـدامــك نـكـيـر |
واهنـي اللـي مشـى طلـق الشـكـارسالم من ظلـم عمـرو ومـن عميـر |
لـــوه بـالـدنـيـا بــحــالات خــطــاريـرتـجـي بـالآخــرة فـرحــة نـظـيـر |
مــن رحـمـه الله وقـبـلـن الـعــذاررحمـة الله تغـفـر الـذنـب الخطـيـر |
والأثيم مـن الصـراط أقـرش وعـارإن سلـم مـن ويـل طـاح بزمهـريـر |
يـــا إلـهــي كـــان مـالــي إقـتــدارألتجـي فـي رحمتـك وأنـت المجـيـر |
الشـبـاب أقـفـى وأنــا بـآخـر نـهـاروأرتـجـي فزعـتـك يانـعـم النـصـيـر |
|
الــرجـــال طــيـــور 
العرض العادي
