هدية العيد قبل الزحمه

السلام عليكم جميع الأعضاء


بمناسبة عيد الأضحى المبارك


الله يجعلكم من عواده


حبيت أعايدكم بأبيات على الطاير


ونبي من كل واحد يقرأ الموضوع يضيف من عنده


لو بتين مماتجود به نفسه أو مما يحفظ


ولكم كل الشكر



كثيرة وعديده تلك القصائد التي قيلت في مناسبة العيد...وأحببت أن نجمع وإياكم بهذه المناسبه...ما تحفظونه من قصائد قيلت بالعيد......أو تطرقت له من قريب أو من بعيد...



ويقول الأمير الراحل سعود بن بندر...في العيد أيضاً......


أقول في نفسي وأنا أعايد الناس :::::متى بشوفك تكمل أفراح عيدي
أجامل وربي عليم ٍ بالإحساس ::::::: وشهو شعوري وأنت عني بعيدي
اللي خذاني لك على سهو هوجاس ::::: حسيت نفسي وسط ربعي وحيدي
لو حسوا بما بي يقولون لاباس ::::::: بدال قولة على عيدك سعيدي
لاصرت عندي وقتي أعياد وأعراس:::: حتى ولو إني وسط سجنٍ حديدي
عاشرت خلان وتخالطت بأجناس::::: محدٍ سواك أهديته القلب بيدي !!
من تحت ما طا الرجل لي هامت الراس:::: كلش هويته فيك والله شهيدي
لقيت بك ذوقي وأنا قاطع الياس:::::: ومعك بدا يحيا الأمل من جديدي..
وشاعره أخرى تقول:




كلن نهار العيد عايد حبيبه:::::: وألتم شمل القلوب المواليف
وأنا حبيبي غايب الله يجيبه:::::::ويا حسرتي كان انتهى العيد ما شيف!!





عساك من عوادة اللي تعودة ......اللي سقاني ذبلة في ضحى العيد


الجادل اللي كن زمة نهودة......نبت الزبيدي في محاجر جليعيد


من خلقة الدنيا وبنيت عمودة......والبيض في كيد الهوى كيدهن كيد.؟


نمر علي وضحى قصيدة شهودة....ومن قبلنا عينت ((((عليا وأبا زيد))))


ولد الخفاجي راح وأمة تذودة.........خذن قلبة بلمنى والتواعيد


يبي يوري مع هل الخير جودة........وأخر لنا (قصر الأخيضر , وعربيد)





العيد يجمع الله فيه القرابه وتصفى فيه كل النفوس المعاليل
سنه الله في منزل كتابه فرح وسعاده مع تكبير وتهليل






عيدك مبارك صاحبي وين ماكنت ****** يزف لك نبض الخفوق التهاني
عيدك مبارك كثر مابي تمكنت****** كثر الغلا اللي بالضلوع المحاني
او كثر مافي فرحة العيد حزنت****** وارخيت لجيوش العذاب العناني
يوم التفت وشفت ماغايب الا انت****** ضاق الوجود وكل هم" غزاني






تختلف المشاعر بين انسان واخر ، والشاعر المبدع صنيتان المطيري يقول :
ياعيد مالك نظرة في عيوني 000نسيتني مدري زماني نساني
ماقدرت افراحك تعانق شجوني 0احزاني اكبر من كلام التهاني
حاولت اجاري فرحتك واكشفوني 0لاجيت ابضحك ماستمرت ثواني








يقول الأمير خالد الفيصل:..((تشوقت للعيد))....


ياساعة الفرحه تشوقت للعيد****عيد العيون وعيد قلب الصبابه
رد الجمال لشوفتي يا أتلع الجيد**** واسحب على حرفي لحون الربابه
حرفي بصوتك يا أجمل الصوت تغريد**** يا رمز حبي هاك رمز الكتابه
يا صبح عمري فيك للعمر تجديد**** وحبك يجدد كل يومٍ شبابه
للعيد والقمرا وحسنك مواعيد**** وليل الهوى شرّع للأحباب بابه
يا ما زعجت الصوت باسمك تراديد**** ويا ما نسيم الوجد يمك سرابه
وياما تمنيتك على باقي الغيد**** وأقول مثلك يا غلى الروح مابه
يا قطرة الغيمه على يابس البيد**** رد الحياة لخافقي يا ذهابه.







وللشاعر سعود الفدغوش...قصيده جميله...منها:


عيدك مبارك يا هوى البال وسعيد/////وكلٍ يهني صاحبه وقت الأعياد


بس الرسايل يا منى الروح ما تفيد///// ولا تغني الصوره عن الشوق لازاد


لابد تزور الدار في فرحة العيد ///// يا منيتي شمس الموده والإسعاد.







ويقول أحد التعساء في العيد...


يا عيد مالك فرحةً في عيوني**** نسيتني مدري نساني زماني
يا ليتهم يدرون من عايدوني **** إن الفرح ما له بقلبي مكاني






ويرد ناصر الضويحي....ويقول:


يقولون هذا العيد ...يا زين يوم العيد**** صغارٍ تسابق في ملامحهم الفرحه
وأنا أقول هذا العيد عيداً ما هو بسعيد****نكد صار يوم العيد مثل أمس في جرحه






مانبي نطول عليكم عشان ماتملون


الشعر ساحه عظيمه وكل له ذوقه


اللي عنده أبيات يعايدنا واسمحولنا بعدم التنسيق


وكل عام وانتم بخير
__________________

يعطيك العافيه اخوي ذعار الحماد على الايراد الرائع

من العايدين قبل الزحمه

تقبل مروري
مع الشكر

حياك اخوي النمر الارقط شرفتني

اخوى


بن حماد ذعار



الله يعطيك العافيه ومن العايدين الفائزين بإذن الله



تحيتي

حييت ونورت يابوزوايد بها الطله وكل عام وانت بخير