من قصايد الخلاوي

نعـد الليـالـي والليـالـي تعدنـا
العمـر يفنـا والليـالـي بـزايـد

قولـوا لبيت الفقـر لا يامـن الغنـا
وبيت الغنـا لا يامـن الفقـر عايـد

ولا يامـن المضهـود جمـعٍ يعـزه
ولا يامن الجمـع العزيـز الضهايـد

ووادٍ جرى لا بد يجـري من الحيـا
إن ما جرى عامة جرى عـام عايـد

من عـود العيـن المنـام تعـودت
ومن عود العيـن المسـاري تعـاود

ويا طول ما وسدت راسـي كـداده
من خوفتـي تعتـاد ليـن الوسايـد

ومن عود القـوم المناعيـر مطمـع
تلـوه بالأنضا والجيـاد العدايـد

ومن عود الصبيـان ضـربٍ بالقنـا
نـادوه بـاللقـوات يابـا العـوايـد

و من كثر الطلعـات للصيـد ربمـا
يوافيـه مـراتٍ يجـي منه صايـد


وله ايضا

اوصيك ياولدي وصاة تضمها
الى عاد مالي من مدى العمر زايد

وصية عود ثالث رجيله العصا
وقصرت خطاه الي من اول بعايد

لاتاخذ الهزلا علشان مالها
ولاتقتبس من نارها بالوكايد

لاتاخذ الا بنت قوم حميده
عسى ولدها يجيب الحمايد

يجزى عمل راعي الحساني بمثلها
ويجزى عمل راعي النكد بالنكايد

ولاتتقي في خصلة مالها ذرا
ولاتنزل الا عند راعي الوكايد

ولاتسفه المنيوب لاجاك عاني
اياك ياولدي ومطل الوعايد

وياطول ماوسدت راسي كداده
من خوفتي يعتاد لين الوسايد

فمن عود العين الرقاد تعودت
ومن عود العين المساري تعاود

ومن عود الصبيان من زاد بيته
عادوه في عسر الليال الشدايد

ومن عود الصبيان ضرب بالقنا
نخوه نهار الكون يابا العوايد

ومن تابع المشراق والكن والذرا
يموت ماحاشت يديه الفوايد

الايام مابقى بها كثر مامضى
والأعمار ما اللي بقى منهابعايد

نعد الليالي والليالي تعدنا
والأعمار تفنى والليالي بزايد

الى دقت الوسطى بالأبهام تذكرت
زمان مضى ماهو لمثلي بعايد

فلابد ماسحم الضواري تحوفني
بليل ولالي عن لقاهن بزايد

ومن سرته الأيام ينقاد حبله
وينقض في حبل اللذي ماتساعد

قولوا لبيت الفقر لايامن الغنا
وبيت الغنى لايامن الفقر عايد

ولايامن المضهود قوم تعزه
ولايامن الجمع العزيز الضهايد

وواد جرى لابد يجري من الحيا
ان ماجرى عامه جرى عام عايد

وصلوا على خير البرايا محمد
ماناح ورق فوق حدب الجرايد

وقوله

حريب جدك لو صفا مايودك
وعينيه لو تبكي لك الدم كاذبه
واحذر عدوك في الملا فرد مره
واحذر صديق السو وألف تحاط به
وترى ابرك ساعات الفتى مابها الفتى
ومافات مات وساعة الغيب غايبه
واغنم متى لاحت من العمر فرصه
وان هب نسناس فاذر في سوايبه
فلا بالتمني تبلغ النفس حظها
ولابالتأني فاز بالصيد طالبه
إذا الحر قلت حيلته ثم غادرت
تصفق به الدنيا وضاقت مذاهبه
يبدل بداره دار عز يرومه
عنها ولاغبن به الروح ذايبه
فالدار مايحصر عليها وليدها
دار الفتى ماطاب فيها مكاسبه
إلى أن قال
الجذ والتزويج والحرب للعدى
والفرض والقرض الذي في مواجبه
وترى شور من لايستشيرونه الملا
شمعة نهار في ضيا الشمس ذايبه
وترى النصايح في البرايا فضايح
كم ناصح أضحى له الناس عايبه
ولاعاب قوم قط إلا حسودهم
ومن عاب شخص عاجز عن مراتبه
ومن عاب شخص قبل يبصر بنفسه
يرى فيه مالا ينحصر من معايبه
إلى أن قال
الاطباع تطبع جود من جاد جده
ولو كان من بيت رفاع مناهبه
والاطباع تارد بالفتى مارد الردى
وما الدين والدنيا والاطباع خاربه
والاطباع عضو في بن ادم مركب
والاطباع للتطبيع لاشك غالبه

ابوتركي شكرا على الاضافه الجميله
لك ووووووووووووووودي

ياجعلك تسلم وافي ,,, يعافيك.

يعطيك العافيه ابو تركى


تحيتي

اقتباس:المشاركة الأصلية كتبت بواسطة غازى بن عجاب أبوزوايد يعطيك العافيه ابو تركى


تحيتي



تسلم يابن عجاب قلت الصوابي * ماهو عشاني مير قول الخلاوي