المباهيم

الشعر خله عنك ياهن خله
مع أحترامي للاْحاسيس والذوق

وأبك الحسد في عيال حوا جبله
وفتنت بنات أدم وبايق ومبيوق

واللي عليه من الليالي أعضله
في ذمتي ياكلمته مالها سوق

البارحة منامت العين لله
والله ماعرّض منامي على الموق

سهران يامشكايه الليل كله
لين الفجر جاله علامات وشروق

وناري سناها كل تايه تدله
في حالك الضلما سناها له بروق

وجحيت جمر جاثلنٍ شرهبله
صفرٍعن الحاضي لها الجمر مفهوق

وسويت لي من لايق البن دله
تقعد خوا روس المضاريم وتفوق

تلذلي وكل شيٍ في حله
له لذةٍ يدري بها صاحب الذوق

وياسايل السهران عن ماحصله
أجزلت دلو الصمت في بحر طاروق

هات القلم يامسندي مع سجله
قلب العنا بيح مباهيم صندوق

وأبدا جوابن بالاله أستهله
وأسالك التوفيق ياواحدٍ فوق

قلبي جزوع ونار بقعا تمله
مل الشواة اللي على نار حاروق

قامت هواجيس الظمايرتتله
تلن على غيرالسنع يابو مرزوق

لوأن ماحدب الظلوع أرتكله
هدفٍ مدانيقٍ على القلب من فوق

في ذمتي مايصبح اللا محله
خالي مافيه اللا معاليق وعروق

وشكوٍ لغير الله جبن ومذله
أشكي لخالق ماتشكوى لمخلوق

وليا نشدك معّرب الخال قله
بيض النوايا للرياجيل طاروق

والعلم والمظمون دقهّ وجله
أنا أختلاف الراي ماهوب لي عوق

وأنشفت من ماكنت حاسيه زله
أصبر عليها مع طواعين وفتوق

والله لاأ جيله وأصله في محله
وفي ملتقى الوجهين معدال وحقوق

فرز الوغا جوب الخطر عادتن له
والحر والصعبات عاشق ومعشوق



(نقلتها ولا أعرف شاعرها)

اخوى


سهم الفريدي



كنت شهماً كعادتك بنقلك لهالقصيده الرائعه



تحيتي

شكرا اخي سهم على النقل الرائع
تقبل مروري

أخواني

أبو فيصل

النمـــــــــــــــــر

مشكورين ع تواجدكم الرائع

تحيتي