ومن الحب ماقتل ..

(( قد تكون من الخيال ))

شاعر يحضر زواج حبيبته ويلقي قصيدة للعريس -

هذه قصيده وجهها عاشق لعريس عشيقته ليله الزفاف ما رأي المقبلين على الزواج لو كان احدهم مكان هذا العريس ؟ ووجد هذا العاشق يلقي القصيدة امامه في قاعه العرس؟
اقدم عدة احتمالات :

1-الطلاق , ممكن .

2- سحب مسدس وقتله ؟؟؟! .

3-ينزل ويجلسه مكانه لا لا , لايمكن .


خلونا من الإحتمالات وهيا بنا إلى القصيدة لنرى ما بداخلها :



أبد .. ما جيت أبارك ولكن جيـت اباوصّيـك
على الله ناوي ٍ تدخل بهـا الليلـه .. معذبْتـي

ترى لولا الظروف اللي عطتْك وحدّت محاكيك
قسم بالله ما تدخـل عليهـا لـو علـى رْقبْتـي

ولكنّ النصيب اقوى ولا ادري ويش اسوّي فيك
نعم .. صارت معزّبتك .. ولا صارت معزّبْتي

كذا شاءت بنا الأقدار تحرمني لأجـل تعطيـك
كذا لازم عشان تفوز إنت .. أخسـر بتجربْتـي

تراها غاليه جـداً .. وتكفـى .. والله يخليـك
تـدللها .. تدلعهـا .. تنسّيـهـا مصاحبْـتـي

أنا من كثر ما اغليها أحس اني بديـت اغليـك
ولا تسـأل بأيّـة حـق ولا ّ وش مناسبْـتـي

لإنك لو بتسألني بتسمع شـيء مـا يرضيـك
لـذا ياخـوي لا تسـأل ولا تسمـع لأجوبْتـي

أبيك تحطها في داخل عيونـك وبيـن ايديـك
وهي دلوعه اعتـادت علـى كثـرة مداعبْتـي

فداعبها شوي شوي حتـى تشتهـي طاريـك
وشاغبها إليـن تقـول لـك: بطّـل مشاغبْتـي

واذا هي مالها خلقك..ولا تضحك ولا تسلّيـك
تحمّلها وإسألهـا: يـا عمـري ليـه عصّبْتـي

وبالك اسمع انّك يوم تضربها وهـي تشكيـك
ما يحتاج اورّي لـك بفـن الضـرب موهبْتـي

صحيح انك بتملكها ومعك عقدها تمليـك
وانا عارف حـدود الله ومـن حقـك معاقبْتـي

ولكن قلّها المجنـون وصّانـي وهـو يعنيـك
يقـول انّـه بينتظـرك ولـو شيّـب وشيّبْتـي

وانا مجنونها اللي ما نساها وانت مـا يمديـك
تغطّي ذكرياتي في هواهـا.. وربْـع تجربْتـي

أحس اني تماديت بكلامي.. والغضب حاديـك
ولو انّك في مكاني مـا تفكّـر في محاسبْتي

كفاك اني تركت الليله اشغالي عشـان اجيـك
دخلت القاعه برجلي ولا ادري ويش عاقبْتـي

انا ما جيت اخرّب عرسك الليلـه ولا آذّيـك
أنا جيتك عشان اخاطبـك واسمـع مخاطبْتـي

توصّى..وانتبه..واحرص عليهـا والله يهنّيـك
ترى كل الكلام اللي طلَع مـن ضيقـيَ وكبْتـي

ولكن ما قدرت انّي أقوله وانـت مـا يخفيـك
أخـاف انّـي إذا قلتـه تقـوم وتقطـع رقبتي

مـــــــنــــقـــــول

يعطيك العافيه اخوى نواف



قصيده معبره جداً ولكن ماذا عن العريس



تحيتي

فعلآ ومن الحب ماقتل

مشكور اخوي نواف قصيدة رائعة تسلم يمينك

على الله ناوي ٍ تدخل بهـا الليلـه .. معذبْتـي
،،،،،،،،،،
هناك خطا بسيط في البيت والصح هو

///////////
على اللي ناوي تدخل بها الليله معذبتي

............
وشكرااااااااااا

هلا أبو عجاب :

يعافيك ....

والعريس الظاهر إنه على قولت : ( ما من سنع وانت خابرني ) هههههههههههه

السهم الذهبي /

يخليك ربي ,, ودمت بود وكرامـــــه .

عزيزي / أبووليد , أو أقول خــــالــد ؟


وجهة نظر مقبوله , ولا نستغني عن إرشاداتك الهادفه ، دمت بود

مبدع دائما

وذواق بالنقل الجميل

تسلم ابو عبدالسلام

اخخوي نواف دائما جميل بنقلك يعطيك الف عافيه
تقبل مروري
دمت

والدي / أبوراكان :

أظن ان المبدعين أمثالكم يرون الناس جميعهم مبدعين .

شكرا لك على الإطراء الجميل , ودمت بود , وكرامة