ياااااذيب

ياذيب لاتجذب علي الذيابه
حول وانا ببدي مع الرجم ياذيب
ياذيب أنا لي وقفة وإنقلابه
رجلي مضريها لكثر المراقيب
والذيب خاوى من عصور الصحابه
له خوة تصدق مع أهل المواجيب
بديت انا في راس رجم عوابه
وأبكي بدمع غرق الكم والجيب
عليك يامن ساقني في عذابه
سوق الركاب مكسرات المصاليب
ركايب " ن " ركّابهن صار ما به
رحمه ولا ياوي لشيب المحاقيب
أثره جلاوي من ديار القرابه
مونس ومجفي عقب ماكان في طيب
ثم شب من بين القرابه حرابه
احرابة يجبر بها العظم ويعيب
اثر الهوى صعب على من مشابه
يركي على كبد المهاوي لواهيب
ياكم وكم وكم ليل سرابه
ياطا على الديبان ما يعلم الغيب
ياقف على المجمول ويطق بابه
ويقول هذي من كبار العواقيب
الحب بلوى من بغاه ابتلابه
حب العذارى يالنشاما مهو عيب
العيب من سود كتابه وجابه
يوم الرجال يبيضون المكاتيب
هذاك خايب خيب الله شبابه
مهوب كفو"ن" للبني الرعابيب
اليوم قلبي مايفيد الدواء به
ادواه عندي ما تسر الأطابيب
طبه طبيب الشوق جالي عذابه
كامل حسين أوصاف مابه عذاريب
هافي حشا باب الردى ماسعى به
ارمي بضني في هوى البال ويصيب
اديب مافي سنته مثل أدابه
يدق فاكبود العذارى مناسيب
حس الجنيه يغالطه في جوابه
هين علي وهو على غيري صعيب


الشاعر خلف بن هذال العتيبي

اخوى


النمر الارقط


صح لسان الشاعر العلم خلف العتيبي


وسلم القلم ومانقل


تحيتي

تسلم اخوي ابوفيصل على مرورك العطر
مشكور يالغالي