تراي في وضعن غريب الحلايا
لاتحسبنـي بالكـلام اتـشـره
به ثقب الابره من وساع النحايا
والحنظلة ماتعتبـر فيـه مـره
ولعت توليـع الغضـا بشوايـا
في صوح ذعذاعن هبوبه تكره
أدري وعرف ان اليالي مطايـا
وعمرالفتى لابد ياصـل مقـره
وعوب السنين امقلبات النوايـا
فيهن لسمحين النوايـا مغـره
وقلوب سودان الضمائرضمايـا
وهفواتنـا تصعدبهـم للمجـره
ومن اجل هذا بالضلوع الحنايا
بدلت مفهوم المعا نـا مسـره
لكن بدت تطلع شبوح الخفايـا
ولقيت للحية على الباب جـره
حسيت بالخيفه من أربع زوايا
والذبذبات أصواتهـا مستمـره
من نام حول امرنقطات الحيايـا
يرتاع لو تدبي على الرجل ذره
وختامها منـي سـلام وتحايـا
على شذا عنبر وموضوعـدره
""
""
رد الشاعر الكبير مساعد بن ضعيان البدراني
"
يامرحبابـك ياحميـد السجايـا
ترحيب وافي من ضميري مبره
سالم حكيم الراي سهم المنايـا
لاجا نهارن مستطيرن بشــره
امن الحصان اخذت عدت مزايا
واللي نجبك احصــان الله دره
مداك يبهت حيل جرد السبايـا
ولك مع هل الميدان كره وفـره
دائم احبالك فالمـوارد رهايـا
اليا انعقد حبل الـردي فالمجـره
وسيلك على العيـال مايتنايـا
من عارضه يرميه مع جال حره
ياكامل الشارات جزل العطايـا
اضن ما ناقصـك مثقــال ذره
مالك ومال امجمعيـن الوشايـا
أهل الوشاية معرفتهم مضـره
أهل اللوايـا ماتكـب اللوايـا
مالك ومال ادعيج واللي يصـره
واللي تقول أهل القلوب الدهايا
كلن على الثاني جهازه يفــره
احدن مع الصفره يشيل الحدايا
والسوس يرعا في شعيره وبره
وحدن يغطي بالهـدوم الكوايـا
وثوبه شمر ماعاد يقدر يـزره
والذيب ماهمه نبيـح السعايـا
الياعواله ذيب صوتـه يجـره
لاتوصي اللي مايبالـه وصايـا
كـل العلـوم الوافيـة ماتغـره
خصمه ليا طال العيا والمعايـا
الشب الاصلي في عـيونه يذره
وانته سندنا في جميع القضايـا
رايك صواب وكلمت الحـر حره
تكــفى ثلاث أمـــيه وســتين مــره ؟؟ 
العرض العادي
