الذنوب

الذنوب لرحمة الله ياخلف خالي وجدي
والخطايا للعفو من قبل تنفيذ العقوبه
وانت لو تخطي علي وتقول ماهو بودي
لوقبلت العذر نوبه ماقبلته كل نوبــه
والعذر ياللي عليك اخطيت في مزحي وجدي
مايساق الاعلى شرواك والناس محسوبه
والغلا اللي ساقني صوبك ويدي فوق يدي
عيبي اللي تجهله والرجل مايجهل عيوبه
والظلام اللي سريته لين ضعت وباح سدي
ذاك ليل من سراه وضاع ما حسب ذنوبه
ليــت لــي مثل مـــــا للكفيف من المقــدي
كان ماشيدت بيت الحلم طوبه فوق طوبه
وليت لك منه مثل ماللضعيف من التحدي
كان ما طاح الشجاع اللي ستر جرحه بثوبه
واه من كثر الخطايا والظليمه والتعدي
وانت عذرك ماء البحر والملح واسباب الرطوبه
لوشربت من البحر في طاعتك وانهيت صدي
كان يغني عن شمال الساحل الشرقي جنوبه
ولو اقول ان البحر مثل الهوى ماهو بقدي
ما قدرت اقول قلبي تاب واعرض عن دروبه
ولو اتوب من الذنوب اللي جنت الايام ضدي
ماقدرت اتوب عن ذنب يعن القلب صوبه
كيف اتوب يااجمل ذنوبي واقف عند حدي
وانت ذنب لا غفره الله ولالي عنه توبــه


قصيدة الشاعر/ ضيدان بن قضعان

صح لسان الشاعر العلم


ضيدان بن منصور بن قضعان وسلم القلم وصاحبه



على النقل الموفق لاهنت يالذيب




تحيتي

قصيدة شاعر علم وشاعر من كبار الشعراء المميزين صح السنه

وصح اختيار الناقل

لك تقديري يا النمر الارقط


مبارك بن ناصر بن حديد

الله لايهينك اخوي ابوفيصل لك كل الشكر على المرور الجميل

صح بدنك اخوي ابو ناصر يعطيك الف عافيه على المرور
لك وووووووووووووودي