الولد لاطاب طيبه من خواله

مساء وصباح


الخير




الولد لاطاب طيبه من خواله..
__________
الصبي وان طاب طيبه من خواله... وان تردى فـعلم انهم خايبينـي
أشرب الفنجـال واكـب البيالـة... طيـبٍ واحـب سلـم الطيبينـي


[[[السلام عليكم ورحمة الله وبركاته ]]]


من لا يعرف .. هذين البيتين .. بيتين اشهر من نار على علم ..


قد يجهل البعض قائلهما .. ولكن اكيد سمع بالبيتين من قبل ..


حتى اصبح مضرب مثل يتداوله كثير من الناس ..



قائل هذين البيتين ..


الشاعر / راشد بن حسن بن مانع بن رحيان الضاعني الملقب بــ ( ابن الذيب ) ..



وقيل انه توفي عام 1986م وهو في نجران وكان شايل معه شخص موصله الى قرية في نجران وحصل عليهم حادث وتوفي رحمه الله ..





راشد بن حسن .. كان يشتغل في شركة ارامكو السعوديه .. وكان يملك سيارة الشركه ( جمس ارامكو ) ..


وكان كل ما شاف له رجلي والا طرقي على الخط يبي احد يوصله يقوم ابن الذيب ويوصله بدون مقابل .. على سيارة الشركه ..


حتى اشتهر عند البدوان .. لا جا احد يبي يروح مكان ولا عنده مطيه والا موتر .. يمشي في طريقه ويقول عسا يلقاني ( ابن الذيب ) على الطريق والا انا القاه ..


ويشيلني ويوديني للمكان اللي انا ابيه .. حتى قاموا الناس يطرونه ويحكون فيه وهم لا يعرفونه ولا قد شافوه ..


جاء يوم من الايام الا عجوز وعندها غنم شوي تعد على الاصابع .. و ( راشد بن حسن ) .. كان مشغول ومتأخر على الدوام شوي ..


وشاف العجوز وشاف معها غنم تعداها وهملها .. عقب حزت في خاطره واستحى وراعي الطيب ما يجوز عن طيبه وقف الموتر ورجع للعجوز ..


يوم جاها قالها يا مره انا ابشيلك وبوديك المحل اللي تبينه لكن بدون غنمك .. انا متأخر على الدوام واخاف غنمك تأخرني زياده ..


قالت له العجوز .. خلاص رح الله يستر عليك يا ولدي ..


انا جالسه هنا انتظر ( ابن الذيب ) ..


هو اللي بيجيب العلم وبيوصلني المكان اللي انا ابيه انا وغنمي .. وهي ما تعرفه .. ولا تدري انه ( ابن الذيب ) .. هو نفسه اللي هي تكلمه ..


يوم انصدم ( راشد بن حسن ) بقولها .. وتعجب !!


قال اركبي يا خاله انا ( ابن الذيب ) وابشري بعزك ..


ابوصلك انتي وغنمك ..


وكانت انظمة ارامكو تمنع السائقين ان يشيلو الرجليه اللي يوقفون السواقين ويطلبونهم توصيلهم على طريقهم .. وشلون توصيل الغنم ؟؟؟؟؟


حتى وصل علم .. لشركه بفعل ( راشد بن حسن ) .. وهدد بالفصل من الشركه اكثر من مره .. وبعض رؤساءه يأسوا من المحاوله معه .. واعجبتهم شهامته ..


وصل العجوز إلى منصاها والمكان اللي تبيه ..






وقال هذى القصيده .



قالهـا ابـن الذيـب مـن هاجـوس بالـه
كلـمـةٍ يـلـعـب بـهــا والـبــال زيـنـي


قـالـهــا يــومــه طــرالــه مـاطــرالــه
مـن هواجـيـسٍ تشـيـب المرضعيـنـي


حـالـفٍ مـاخـذ عـلـى الطـرقـي ريـالـه
وبـالـثـلاث مـحــرم أنــــه مايـجـيـنـي


لالقيـت اللـي علـى ( السكـه ) لحالـه
يلـتـفـت ويـقــول ويـــن المستحـيـنـي


أوقـف المـوتـر حـيـا وأبــي الجمـالـه
يــوم ولــد الــلاش وجـهــه مايلـيـنـي


الطـمـع فــي كــروة الرجـلـي رذالـــة
.خـص وان جـابـه مـجـال الغانميـنـي


والــردي فــي حـالـةٍ مـاهــي بـحـالـه
واعـويـنــه مــــن كــــلام الطيـبـيـنـي


الـــردي لـــو بـــان مـايـذكـر عـمـالـه
مـايـعـد الـــلاش مـقـصـور اليمـيـنـي


أركـبــه لـعـيـون مـــن زيـــنٍ دلالــــه
ماتـحـاكـوا فـــي قـفــاه الرامـسـيـنـي


مابـغـى غـيـري وانــا مابـغـى بـدالـه
.قـاعــدٍ لـــي بـالـرجـا مـــدة سنـيـنـي


الصبـي وان طـاب طيبـه مـن خوالـه
بـالـخـوال يــســال قــبــل الـوالـديـنـي


أشـــرب الفـنـجـال واكــــب الـبـيـالـة
تــابــعٍ سـلـمــي ســلــوم الأولـيــنــي


ولاقـعـدنــا بـالـعـمـل بــنــا الــرزالـــة
.نـاخــذ العـلـيـا طــريــق الفـايـزيـنـي


غـرنـي بـعـض الـرجـال بكـثـر مـالــه
مادرى ان المـوت فـي حبـل الوتينـي


كيـف ينفعنـي وابـا(..........) خـالـه
مايـقـوم البـيـت دام الـسـاس طـيـنـي


مـاش ويــن الـلـي عـوايـده الجمـالـة
.مثـل ابـن ظافـر حـمـد ليـتـه يجيـنـي


الـثـنـا والـجــود دايـــم فـــي خـيـالــه
عـلـمــه ظــافــر ســلــوم الطـيـبـيـنـي


جـــــوّد الـعـلـيــا ولـزمّــهــا عـيــالــه
وادركــوا مــن علمـتـه دنـيـا وديـنـي


واهنـي مـن بـاع حظـه واشتـرى لــه
وسار في درب النبي وأخزى اللعيني


مـوقــفــه مــاكـــل رجــــــال يــنــالــه
مــن بـغـى مـمـشـاه يـقـعـد مرتـيـنـي


كـم ذبـح مـن حـايـلٍ مــن حــر مـالـه
وعـادتـه لـطـمـة خـشــوم العايلـيـنـي


وصح لسان من قالها ورحمه الله

ان شاء الله تعجبكم

الله يعطيك الف الف عااافية
اختي ميس الريم
وهذا البيت مشهووور بشكل كبير جدا
ولكن لللأسف ما كنت اعرف القصة

لكن من خلال طرحك عرفت


شاااكر لك

حياك الله فريدي
وهذا مانريد وما نصبو له الإفادة لمن يقرأ
يسرني تواجدك في متصفحي
لك شكر ي واحترامي

القديره


ميس الريم


يعطيك العافيه على النقل الجميل من الموروث الشعبي


وراشد بن خر الذيب سابقاً (إبن الذيب ) الآن معروف إنه عجمي


وكان فيه رد من واحد أعتقد إنه يامي أودوسري ( يابن خر الذيب لك عندى رساله عندنا مثلك ربوع طيبيني)

وفيه مجاراه من الشاعر
عبدالله بن حمود بن مخيزيم الحنيني الحربي لابن خر الذيب

يابن خر الذيب عندي لك رسالـهاندور المبعوث من مـدة سنينـي

ماتهيـا كـز خطـي بالحـوالـهوالا انا بجيك والا انتـه تجينـي

ونعتني بالقيـل عـن لفـة ميالـهونعدل الميـزان بيـن الوالدينـي

يامحب الطيـب بحيـف وعذالـهفيـه ميلـه ياعشيـر الغانمينـي

من يعز الخـال ويهمـل رجالـهطاب كيف الخال والوالد حزينـي

مانـدم خالـه ولايقسـم لحـالـهله شراكـه والجـدود المقدمينـي

الولد لو شيف ميلـه مـن عدالـهورجح الميـزان يـم المعتدينـي

يشهرون ابوه ومن عصب دنالـهومن خواله كن جـدوده مسهلينـي

أما شان الجود وأسبـاب الجمالـهمثل وصف الصيد قدم القانصينـي

احد يحوش الجود من صافي حلالهوفيه قسـم مشتهيـن وعاجزينـي

وفيه قسمن يشتغل بـه واستوالـهيأخذه بالديـن والمولـى يعينـي

وان ركب خطو الرشا فوق المحالهريف جاره والضعوف المحتريني

وفيـه قسمـن مايبيـه ولاينالـهيسهج المعروف من وجه المتينـي

لكــ جل الشكر والإمتنان لبحثك المستمر ونقل القصص الجميله





تحيتي

شكرا لك اختي ميس الريم على نقل كل ماهو مفيد

أخي غازي بن عجاب
الف شكرلك وألفين تقدير على المرور الذي أضاف على القصة كمال الجمال ، وجمال الكمال
با لاضافات والتعريفات والمجاراه والإلمام بكل ماطرح
أكرر الشكر وضافي الامتنان مع التقدير

لك الشكر والتقدير اخي ابو عادل على المرور
والتواجد في متصفحي

الله يعطيك الف الف عااافية
اختي ميس الريم
وهذا البيت مشهووور بشكل كبير جدا

مشكور اخي ابو وليد على المرور المعطر
دُمت بعافية تدوم