الحوبفي ياهل النياق حمود الشاطري

السلام عليكم ورحمة الله وبركاتة

هاذي المشاركة قصيدة الشاعر /// بدر بن عواد الحويفي الحربي
يقول الشاعر............

يـاهل النياق اللي عليهن تصكون
من فضلكم لا تسجنـون البهايـم
مافيه داعـي للبهايـم تحبسـون
خلو عطايـا الله تـذّب الخرايـم
اما عطوهـا حقهـا لا تشحـون
ولا اتركوهـا مالكـم بالظلايـم
بحقوقها اللي وافيـه لا تعيـون
الله عطاهـا للصحـاري قوايـم
والبل بها شجعان نجد يتعـزوون
اللي وراهـا يجدعـون العمايـم
مقدارها عند المناعير مضمـون
يوم أنهـا بيـن القبايـل غنايـم
ليت الذي تحت المقابر يشوفـون
اللي عن البل جاهـدوا بالعزايـم
اللي بميدان المعـارك يهوشـون
يوم الرمك تعطي هجوم وهزايـم
هذا وانا مالي على الناس قانـون
وجهة نظر ما افرض عليهم لزايم
واللي عطوها حقها ما يلامـون
بعنايـة البـل مالحقهـم لوايـم

تسلم اخوي ذعذاع الشمال على القصيدة وصح لسان الشاعر الكبير الحويفي بدر

جزاك الله خير الجزاء ورحم والديك ووالديهم وغفر الله لكم

صح لسان ابوسلمان ماهو غريب عليه الابداع والجزاله ولك جزيل الشكر اخي ذعذاع الشمال على الا ضافه