القصة تحكي نفسها

هاذي طوّل الله أعمار المتصفحين , قصة صارت معي عند كتابتي لقصيدة موجودة في قسم الشعر الخاص بعنوان ((إبتهال)) وفيها بعض الخطاب لحسام ...
وهي مطبوعة وموجودة في البيت المكوّن من- العائلة الكريمة- وهي ولدين عبدالسلام وحسام واختهم جوري وفي مقدمتهم
دلة الرسلان أسال الله أن يحفظهم بحفظه .

المهم البنت دائماً ماتاخذ القصيدة واتهجاها واطّلع إسم حسام اللي هو الصغير فلحقت الشرهة علي من عبدالسلام الولد الكبير ودبلت كبدهـ هاذي كل شوي ترددها عليه حسام حسام , فحكى لسان حاله بالملامه وبانت لي شرهت الرجال !
وجاءت هذه الأبيات وعساها تطيــّب خاطر الجميع لأني أخاف يشرهـ بعد غير عبد السلام لو خصيته لحاله :

يـفـزّ قلبي لا طرى عبد السلام=واعيش في لحظة فرح ماملـّها
سـلام ياطيرٍ نأمــّـل به سـلام=طير الســّعد صعب الامور يحلها
يامرحبا واهلاً هلا يا اخو حسام=في كل ماتطري علي اهلها
يا ابوك أنا عشت الحقيقه بالمنام=بعض البشر لاجتك .. رح وخلها
عبدالسلام ابوك حـطــّـك لــه حزام=يبي ليــا مــنــّّك كبرت يفلها
ماهي غريبه منك يا بناخ الكرام=عوض* وابوعوض بعد عـمٍّ لها
رجواي باللي له رفيعات المقام=ربي ورب الناس هاذي كلها
وختامها ... جوري وياحلو الخـتـــام=مع دلــّــةٍ بــهــّرتها وازلها

*عوض بن عبدالعزيز بن سرور بن نامي

اخوى


نواف فارع


صح لسانك والله يطرح فيهم البركه ويرزقهم برك


ويجعلهم من حفظت كتابه


تحيتي

جميل أن نرى قصص واقعية وحقيقة في مجالسنا من أعضاء تميزوا بيننا ..

قصة جميلة متبوعة بهذه الرائعة الجزلة ..

وليت يكثر عليك العتاب ( من أجل أن يستمر لنا هذا الابداع )

دمت بهذه الأحاسيس الجميلة ..

والله يصلح لك عبدالسلام واخوانه .. ويرزقك برهم ..

طابت أيامك ولياليك بالفرح والمسرات ..

أبو عجاب صح بدك وتقبل الله منك

أبوفيّــاض


طابت أيامك ولياليك بالفرح والمسرات ..

وسوف نستمتع إنشاء الله بكل ااااللحظات