ياااا ضلع

يـا ضلـع جـعـل الغـيـث يسقـيـك نــوه

مــــن مــزنــةٍ غــــرا مـطــرهــا رهـــــاواه

ضــــلــــعٍ اذا زاد الــــدهــــر زاد قــــــــوه

مـا جــاه مــن طــول الليـالـي رخــاواه

ضـلـعٍ اذا سـقـت الـقــدم فـــي عـلــوه

جلسـت لـي فـي مجـلـسٍ لــه طــراواه

عقـب البطـى شـوفـة فيـاضـه وجــوه

يبعـد عـن القـلـب الشـقـي الشـقـاواه

بــيــنــي وبــيــنــه خـــــــوةٍ وأي خـــــــوه

خـــوة قـســا مــاهــي بــخــوة فــضــاواه

أليـا انزعـجـت مــن الـزمـان المـشـوه

لـقـيـت فـــي عــالــي نــبــاه الــهــداواه

وان بــار فــي الرفـقـه قـلـيـل الـمــروه

فــي قـمـتـه شـفــت الـوفــا والـحـفـاواه

صـديـت بـــه يـــوم الـدهــر زاد ســـوه

وعــن عالـمـه قـطـع العـلاقـه نـجـاواه

نــاس عـلـى الهـفـوات فـيـهـم جـــروه

تركض لجمع المـال ركـض الفـلاواه

نـظــراتــهــم لــلــمـــال كـــثــــره وشـــــــوه

الــمـــال مـقــيــاس الــغـــلا والــعـــداواه

رجــــــلٍ بــلــيـــا مـــــــال كـــــــل عـــــــدوه

وراعي الكنـوز الطايلـه فـي النبـاواه

والـمـال كــم شـيّـخ مــن الـنـاس بـــوه

لو كان ما يسـوى مـن القـدر مـاواه

والــقـــل كـــــم لــــــوى مــــــذارع فـــتـــوه

هو من هلا الردات وأهل الصخاواه

يضـحـك عـلـى الطـيـب ردي الـربــوه

طــيـــور شــلـــوا بـيـدتـهــا الـصــعــاواه

مـــن الـحـسـد قـــام يــحــذف ويـتـفــوه

وبـيـتـه لصـلـفـات الهـبـايـب مــفــاواه

نـاس مشـو عـلـى الطـريـق المـشـوه

صلـى بـهـم مــن لا يـعـرف الـتـلاواه

ممشـى الفتـى فـي خـايـعٍ ســال تــوه

قـفــر عـلـيـه مـــن الـحـبـاري حــــراواه

يبـعـد عـــن الأنـــذال ويـشــب ضـــوه

ويــحـــط مـنــزالــه بــــــراس الـــعـــلاواه

يـبــرد بــهــا صــــدره ويــرفــع ســمــوه

ويــشــوف لـلـدنـيــا طـــــراه وحـــــلاواه

الشاعر خالد بن مدعث الدوسري

الشاعر خالد مدعث الدوسري


شاعر يعجبني شعره وأعتقد إن هناك خطاء



إملائي بالشطر الاخير(وحـــــلاواه) وأعتقد إن الصح وحلاوه



وهاكذا باقى القصيده يعطيك العافيه على النقل




تحيتي

اخوي غازي بن عجاب
اشكر على المرور العطر
دمت بود

لاهنت على الاختيار
وصح لسان بن مدعث