بسم الله الرحمن الرحيم
الى اعضاء هذا المنتدى الشامخ مجلس العز والشموخ هذه مصافتحي الثانية لكم امل ان تنال اعجابكم
الهم ياخالد على القلب كايد
اشد وأقسى من ثقال الحديدي
والصبرتحييه الظروف الشدايد
يوم إن مثلي بالمواقف شديدي
ماعاد ينفعني بهالوقت عايد
ابدن ولاينفع عبيد وسعيدي
راحت تقاليد العرب والعوايد
والشارقة غابت عسى ماتفيدي
درب الهوى ياخوي كله نكايد
خاصن اليا حبيت قلبن بليدي
وأنا حيـاتي كلـــبوها لهــــايد
وصم الصفا من ضيم وقتي تبيدي
الله خلق للجرح طب وضمايد
وجروح قلبي بالحشا تستزيدي
يقطعك ياوقتن به النقص زايد
ويقطعك يانقصن بوقتي يزيدي
ماعاد أدور في حياتي طرايد
الصيد شح ولابقى فيه صيدي
وإحساس روحي مات ضمن الفقايد
ويالله أنا طالبك عمرن جديدي
أحيان أشوف الخير والأمن سايد
وأحيان أشوف الخير عني بعيدي
قلبي من أحزان المواليف جـــايد
وبعد الحزن ياقلب وش تستفيدي؟؟
ماعاد فيها جني ربح وفوايد
وماعاد لك بحساب حبك رصيدي
وتبي الوكاد إن كان تبغى الوكايد
ماهمني والله عليّه شهيدي
يروح وقتي في مزوح ورغايد
راهي وعيشي بحمد ربي رغيدي
ماهمني هجر العقول البلايد
لني على ماقيل رايي سديدي
وان كان مات برمي الإرهاب رايد
الدار تنجب بعد فقده عقيدي
واللي مولع في خفوق وقايد
طفيت أنا ناره وصارت جليدي
الخير مقبل والشرايد شرايد
ويانفس عن شوق المحبين هيدي
العيد عاد وعاد عيد القصايد
والقصة اكبر من كلام وقصيدي
وســلامتكم..
الهم ياخـالد 
العرض العادي
