الحاجر اللي دارجه من تراديد

الحاجر اللي دارجه من تراديد

جديد نبته ماوطوه الشواوي

ناقع ثراه وللجوازي مسانيد

مدهال حر وماكرٍ للنداوي

تضحك زهوره ضحكت الناس للعيد

براد ليله والنهار إمتساوي

للمسك والريحان نبته شواهيد

ريحة شذا عطر النبات العذاوي

فيه القطا على الخباري ملابيد

تال النهار ومقبل الليل ضاوي

لجّةّ عصافيره طرب للأواليد

يطرب لها قلب العشيق الهواوي

قفرٍ خلا ماطبّه الا اشرد الصيد

اما من العربان دايم خلاوي

هذا منى قلبي وانا كل ما آريد

اجيه في مقناص ماني جلاوي

وخوياي نقوه كلبوهم صناديد

سور الزمان مجربين الدعاوي

معهم ومعي معوهات البواريد

عجلٍ ندبهن من يدين الشفاوي

إليا جفل محدٍ يبا اضنه يعيد

وان دوروهن عارفين الحراوي

وان سولفوا جابوا سواليف ابو زيد

والا عن تراحيب والا العطاوي

لعلها تبرى خفاياي اللواهيد

من واحدٍ كثرت عليه اللهاوي

من كل جانب يرفي الهم ويزيد

والصبر غلّق مابقى الا شلاوي

الشاعر معوض بنسودان الشاطري

صح لسان الشاعر معوض الشاطرى



وسلم يراعك على النقل

صح لسان الشاعر الشاطري ..
وسلمت يالنمر الارقط على النقل الجميل.

اخوي غازي بن عجاب شكرا على المرور العطر لك ودي

اخوي عايض الجميل مرورك لاعدمناك