من تجارب الشاعر الكبير محمد الحداري

بسم الله
قال الشاعر الكبير محمد الحداري

يا عيال ياللي تفهمون الوصاتي=وصية اللي جرب الوقت تجريب
جربت من سمر الليال افتخاتي =مع مثلهن من بيض الايام تقريب
ياكثر ما مارست انا في حياتي=وكم ليلة يمرض بها الحظ ويطيب
وكم ليلة راحت عليه فواتي=وانا بغفلة تطلع الشمس وتغيب
تغيب ثم تطلع وانا بلهواتي=ماذخر لباكر كود مايذخر الذيب
ولا هو جزع مما جرى واشتماتي=الا اني اجعل عن هكا الوقت تعريب
ماحيٍ الا مقتفيه المماتي= ولا شب الا بعده العجز والشيب
ولا بد ما تقضي ليال الحياتي= امرض واطيب وعقبه امرض ولا اطيب
وخلان للساقه كثير التفاتي=قل الزهاب ولا بوجهي معازيب
يالله ياكاتب فروض الصلاتي=ياقابل التوبه عن العبد ومجيب
تجعل لنا من باب جودك نجاتي =يالله ياللي تعلم السر والغيب

والى علم آخر

صح السان الشاعر ولاهنت


تقبل مرووووري السرريع

مــــاحـــــيٍ الا مـقــتــفــيــه الــمــمــاتـــي *** ولا شـــب الا بـعــده الـعـجــز والـشـيــب
ولا بـــد مـــا تـقـضــي لــيــال الـحـيـــــاتـي *** مرض واطيب وعقبه امرض ولا اطيـــــب




ابوعبدالعزيز الله يعطيك العافيه

ابو عبدالعزيز

لاهنت يالغالي على هذه الرائعه وسلمت دومآ لنا

وصح لسان الشاعر محمد الحداري وسلمت يد الناقل

لاهنت يابوعبدالعزيز وصح لسان الشاعر وصح اختيارك ..

اريد ان اسألك ياأستاذي الكبير هل محمد الحداري هو من قال القصيده التي فيها البيت الــشـــهـــــيـــر :
من قال بالناس قالوا به ......... ومن عال تاتيه عيالي


انا احفظ عدة ابيات منها وذاكرتي المتواضعه ترجح انها لهذا الشاعر ..

فأفدني إذا كنت تعلم ..


ولاهنت على هذه القصيده الرائعه ..

صح لسان الحداري وشكرآ أخوي خلف على أختيارك

بسم الله
نعم اخي امير العاشقين
البيت الذي ذكرته لمحمد الحداري من قصيدة ليس هذا مكانها
وآسف على تاخر الرد