هذي طبوعي

هذي طبوعي كل ماعسعس الليل

أصلح الدلة وأجر اللحوني

بريةٍ موزونة البن والهيل

والماء بوزن وحي هاك الوزوني

منها تكفيني ثلاثة فناجيل

وأرتاح ويطير السهر من عيوني

وأراجع الذكرى وأجر المواويل

والذكريات بكل شكل ٍ ولوني

البعض منها يشرح الصدر بالحيل

والبعض لا والله يجدد طعوني

وأراجع وأفكر في الليال المقابيل

لعل وقتي مايخيب ظنوني

وأدخل على الله من حياة الغرابيل

حيث إن همي ماتشيله متوني

كنك مفصل فوقي الهم تفصيل

لين إلتبسني مثل لبس الجنوني

حالي كما حال القلوب المشاغيل

اللي من أطرف شيئ يتأثروني

لو يشتكون الغبن والجور والميل

للغيظ وسط صدورهم يكتموني

فكرت إلا الموضوع يحتاج تحليل

وفن الدراسة واحد من فنوني

عرفت وش عكر مزاج المشاكيل

يوم إنهم من وقتهم يشتكوني

أول سبب : نقالة القال والقيل

الطغمة اللي جعلهم يذهبوني

قلوبهم بالحقد سودٍ مغاليل

ومن طبعهم بالمشكلة يفرحوني

وثاني سبب : ناس على مثل ماقيل

لا يقطعون الشر ولا ينفعوني

والله مايرفع ضغطك إلا المهابيل

العالم اللي في النحر ينشبوني

وثالث سبب : ناسٍ سوات المخابيل

على سلوم الطيب مايحرصوني

خلو سلوم أجدادهم رغو مع سيل

وفي عالم التقليد جو يركضوني

طشوا عمايمهم ولبسوا بناطيل

والموس فال أشنابهم والدقوني

وأرقابهم ما سلمت من السلاسيل

تطبعوا بطبوع هيم البطوني

في ذمتي ماعاد باقي رياجيل

إلا القليل وجعلهم يثبتوني

صفة بعد صفة وجيل بعد جيل

كلٍ من اللي قبله أنقص وأدوني

هذي هي أسباب من دون نفصيل

شرحت روس أقلام بس أعذروني

واللي يبي تفصيل بالحيل بالحيل

يقدر يكلمني على تيلفوني

/ للشاعر ........وصل العطياني /

اخوى


النمر الارقط



صح لسان الشاعر وسلمت ودمت على مانقلت



تحيتي

شكرا اخوي غازي على المرور العطر لك ودي