|
|
الـحــال ياعـاذلـيـن الـحــال مـعــذورهمـــازال مستقـبـلـي لغز(ن)مـحـيـرهـا |
تمشـي علـى غـيـر مـاتـوده ومجـبـورهالله عـلـى الصـبـر بالـشـدات يـاجـرهـا |
لاساقني هاجسـي واسرجـت مظهـورهامشـي مـع النـاس ماكـنـي مسايـرهـا |
امشي مع الناس بسم الجسم والصورهو اسـم الوناسـه ثمـان اسنيـن هاجرهـا |
عمـال ضايـق وحالـي تـقـل مسـحـورهمـدري عنـى وقـت والا ولـف ساحرهـا |
تـتـوق مــع عـالـم التفـكـيـر وبـحــورههـجــسٍ يسنـدبـهـا وهـجــسٍ يـحـدرهـا |
والقلـب بـه عـلـة النسـيـان مشـهـورهلوحـاجـتـة قـــدم عـيـنـة زم نـاظـرهـا |
مـاعـاد يـقـدى قــدم رجلـيـة نـاظـورهلــو طــال سـيـر المسـافـه مايقـدرهـا |
وكبدي عـن الـزاد بالحرمـان مسمـورهلـوطـاب مأكولـهـا مـاطـاب خـاطـرهـا |
وعيـنـي مناديلـهـا بـالـدمـع مـمـطـورهدايـــم عـلــى خـدهــاذراف حـاجـرهــا |
تمسـي وتصبـح بلـيـلٍ ماكـشـف نــورهيامدبـر الـكـون باحـسـن حــال دبـرهـا |
صبـرت والصبـر منـه الحـال مـدمـورهياحالـي الـلـي طـويـل الصـبـر دامـرهـا |
متكـلـفـه بالكـلـيـف وزادهـــا جــــورهدنـيــاً تكالـيـفـهـا يـبـحــل مـعـاصـرهـا |
سقنابهـا الرجـل ميـسـوره ومعـسـورهفـي طـرد الاسبـاب والخـيـره نـدورهـا |
والـرجـل بالمـشـي منهـيـه ومـأمــورهالله عـلــى الـخـيـر ينـهـاهـا ويـامـرهـا |
مضيـت عقـد الـزمـان أيــام وشـهـورهبوهـام الأحـلام وأرجـي حمـل عاقـرهـا |
حتـى تـردى النصـيـب وصــار نـاقـورهمـن بيـن الأصبـاع كنـه مـن خناصـرهـا |
وأصبحـت لأمـر الحقيقـه تقـل سـبـورهعـن سايـر النـاس ماتخـفـى سرايـرهـا |
في ماضي الوقت حـال الإيـد مستـورهبالغفـلـه الـلـي شربـنـا مــر حاضـرهـا |
واليـوم بالقلـب هجـسٍ حطـم شـعـورهمخفيـتـه النـفـس مبديـتـه مشـاعـرهـا |
يـاحـن قلـبـي حنـيـن الخـلـج مقـهـورهردوا مصاغيـرهـا وسـاقــوا عشـايـرهـا |
أوحـن مـن حـن ماطـوره مـع سـيـورهالريـح قافيـه وشمـس القيـض ناحـرهـا |
أو وجد مـن سلعتـه بالسـوق مكسـورهخسران بالعشر تسـع أعشـار عاشرهـا |
عليـك ياللـي ذكـرك القلـب مــن دورهمـاضـي ليالـيـه تــوا القـلـب يـذكـرهـا |
عنهـا حدانـي قليـل الوفـق فـي شـورهوالحقـت نفسـي هـوا شايـر مشـاورهـا |
وزلـيـت مــع ديــرةٍ جــوره ومهـجـورهزلـت قـدم سقـت غلطتـهـا بحذافـرهـا |
واليـوم كـل الحسايـف فـيـه منـشـورهلـــو التحـاسـيـف مـاتـنـفـع مـكـثـرهـا |
جــداي أعــدي طـويـل الـرجـم وأزورهأدلــــه الـنـفــس لــيــن الله يـدبـرهــا |
وعسـا لعـل النصيـب يطـيـب مثـبـورهوتعـوّض النفـس ثـلـث مــن خسايـرهـا |
|
من روائع الشاعر سعيد أبن دخنان 
العرض العادي
