يــــــــا أزرق

27-09-10, 01:02 AM

يا ازرق هداك الله لا ترخص مقام غلته
بيض المواقف دون وجه يحتمي طويلته

ماني عزيز القوم لا صارت دموعه ذلته
انا عزيز ذل من ربه ومن جهيلته

ولا جيت أببكي والله ان أهل مالا هلته
عين مثل عيني ولا جفن نشت مخيلته

لا شفت ما شفته ولا حالي تهمك علته
إن سلم من حذفة زمانه ما سلم نبيلته

شفني مثل من ولعت به نار حتى كلته
أزرى يعدل في الزمن وازرى الزمن تعديلته

والعمر لغز تبطي اعقول البشر ما حلته
يا الله بعز بأوله واعوذ من رذيلته

لا صار هيك هيك ذا طبع وذي جبلته
الموت من سلالته والتفرقه سليلته

ينعاك يا من غاب صوته بعد غيبة طلته
وهو الذي مغتالني صده وانا اشكي غيلته

اقربه واعطيه سري ما حسبت اجهلته
وأشب ناره كل ما صاحت على ذبيلته

أفرش جفوني لا قعد واذا تناصب ظلته
واخذ فتاوي الصبر واعرضها على فضيلته

طول غيابه واصبح وجوده يساوي قلته
ما يكفي اني شارب زوله وراعي زيلته

يبغاني أفند براهين الزعل وأدلته
من هو الذي يبغى المفارق والجفاء وسيلته

قوموا وعدو لي الفضا كواكبه وأهلته
واذا عجزتوا ذاك عجزي يوم أعدل ميلته

مع كل هذا يا كبر جرحه وما أطيب صلته
كن الحشا ما يستريح إلا على مليلته

عزي لصدري يوم ألقيه الهبوب وفلته
لا ضيع الساري دروبه واغطشوا دليلته

وعزي لرجال تحسب في دفاتر زلته
وهو في نفس الوقت ما يثنى على جميلته

وعزي لعود له اثمان اشجار ولا ظلته
ولا زرع غصن سوى لثمرته وظليلته

تلاحق العود المرض واعيال راسه ملته
احد ورى مصالحه واحد ورى حليلته

وعزي لمن خلوه ربعه والرجال إتولته
واعداه تدري عن كبر مجده وعن صميلته

وعزي لمن وجهه وسيع وبطن كفه خلته
في قل حال والعرب ما ضريوا بقليلته

وعزي لرجل ضرب وسط السوق واخذوا سلته
واللي معه شوفات والقادح شعل فتيلته

يزهم على حرمته في الموتر سلاح وتلته
ثم عودت والموت سيل والعرب ثميلته

ردت على رجالها والريف نشف وبلته
ثم شلته باللي تساوي خطه وتحويلته

وش عاد باقي ما تغير والهموم احتلته
الحزن لو يحسب رجل فا أنا انحسب قبيلته

اخوان وابناء عم واحلوف وعدا متفلته
اربع نماذج عالها قلبي واذا جت عيلته

تلقى ان جملنا شلهم والاربعة ما شلته
الله يفشل الابع اللي ناويه فشيلته

الشاعر علي بن حمري

تحياتي