قصيده بالمقناص موجهها الى صديق......نايف بن مياس

هذي قصيده موجها للأخ الصقار/ سلمان العطيشان ويستاهل ابو عطيشان اكثر من قصيده

يالله يالـلـي ماخـفـتـك الـخـوافـيياللي فديت بكبش عبدك اسماعيل

عطني علـى ضنـي وعـزة عفافـيواجعل طريق الخير قدمي تساهيل

ومن بعد ذكرك زان بـدع القوافـيوركـزت تفكيـري لـبـدع التماثـيـل

واسنت للي ريـف مـن جـاه لافـيهيف السمين اللي يقلط من الحيل

بالموقـف الغصـاب فعلـه يشافـيلاقلـت الشيـمـات بـيـن الرياجـيـل

سلمـان لامنـه هـبـى كــل هـافـيحـلال مـا يصعـب حفيـد الحلاحيـل

يا مسندي والصيف قفـى وطافـيعقب السموم اللافحـه بـرد الليـل

غيـر المـولـع مايـشـوف اختـلافـيواهل القنص تفرح ليـا بيـن سهيـل

لشملـت خلـيـت المديـنـه خـلافـيلـرضٍ عليـهـا لاح بــرق المخايـيـل

ارتـــاح فـــي جيـانـهـا والفـيـافـييالله عساها بـاول الوسـم للسيـل

ارضٍ بهـا بــرق الـدواغـر تشـافـيولاهي لغير اهل الصقـاره مداهيـل

وبين المراتب شلت لي حـر وافـيافجح قصير الساق ضافي سراويل

منـه الحبـارى ماتشـوف العـوافـييلحق ليـا صـارت كبـر حبـة الهيـل

ولـيـا وصلـهـا صـكـهـا بانـحـرافـيبالصايدين اللـي سـوات المصاقيـل

ثـم اعتلـى وانكـس لهـا باحترافـيواجهز عليها وافترس طيب الحيـل

واليـوم طـاب ولا بقـى مايضـافـيإلا المعشـى واجتـمـاع المشاكـيـل

جمعة وفاء لاهل النفوس الخفافيوالكـيـف دار وزان جــو التعالـيـل

هـذا مـنـى قلـبـي وهــذا شفـافـيلو قيل مالـك بالصقـاره محاصيـل

يالـلـي تـذمـون الصقاقـيـر كـافـيمانتـم علـى ذريـتـي آدم مكافـيـل

قــد قلتـهـا واعلنـتـهـا باعـتـرافـياهـل الولـع مايسمعـون العـواذيـل

واسلـم وسلـم يالرفيـق السنافـيلـو مانعـزك مانصـتـك المراسـيـل

نايف بن شليويح بن مياس الفريدي

أخوووي نايف صح السانك على القصيدة التي في المقناص قصيده الرائعه
ونسمع لك عدة قصائد عن القنص والطير
وهذا. اكبر دليل على ولعك بصيد أخوووي نايف
تقبل مرروري لك

صح لسان وسلم بنانك يابن مياس...
قصيده رائعه وجزله.

اخوى


نايف بن شليويح الفريدي



كل مايقال بالطير والمقناص له ذوق خاص عندى


صح لسانك واعتلاء شأنك قصيده وافيه لاهنت يابن العم



تحيتي

ابن مطيع
عايض المقطع
غازي عجاب ابو زايد
صح الله ابدانكم وبيض الله وجيهكم