ابدأ بذكر اللي عطى الملك الاخيار=وأختار من خلقه ولاة الاموري
ونثني عليه ونشكره وقت الاذكار=رب(ن)يزيد بخير عبد(ن)شكوري
وسبحان من عنده تصاريف الاقدار=اللي نصر بالدين من له نصوري
آل سعود خير على الدار وديار=بيت الحكم في كل خير مغموري
وقصة كفاح أمام فارس ومغوار=قصه تكاد تكون من الندوري
قصة جديره تكون للناس تعبار=أن جاء مجال المملكه للظهوري
من بعد مادارت على الدار الادوار=حكمين مر(ن)ووشكت بالدثوري
عبدالعزيزأقسم على النفس بقرار=مع رادة الله كود يرجع ضروري
حكم(ن)لنا مايحكمه عقبنا أشرار=والا حرام(ن)حرم بيض النحوري
وقبل جبين أبوه مستسمحه بار=قال الخبر يابوي اليوم دوري
مير أطلب الله لي في وقت الاسحار=أن كان لي عز أنه يثوري
ونهض بها في عزم الابطال بصرار=وأعانه الله بالرجال النموري
في صحبته ستين رجل(ن)بالاخبار=أبناء عمومه ومثلهم بالنظوري
ساقوا معه مايملكونه والاعمار=حب ولاء وخلاص لجل الظفوري
أستقبلن مافوقهن كود الاكوار=نجايب(ن)من فعل أهلهن ظموري
ساروا ليالي طوال من بعد الاسفار=مهالك(ن)من ساكينها قفوري
يوم(ن)دخل في نجد شاف السعد ثار=صارالخطروالخوف شي محسوري
شرح لهم كيف الطريقه والافكار=وتسللوا لين دخلوا بالقصوري
بالمصمك اللي فيه عجلان جبار=أمسى وصباحه منه بين القبوري
عجل عليه بالسيف قصاف الاعمار=بيمنى عوايد ضربها بالنحوري
ورفع عليها بيرقه فوق الاسوار=وأذن مؤذن فيه بصوت(ن)جهوري
عبدالعزيزاليوم هو حاكم الدار=وهلل وكبر أهلها والحضوري
حكمة آله وعالم(ن)بكل الاسرار=عزّ السعود من العدو الدحوري
خير أسرة(ن)للناس من خلقه أختار=تأمر على المعروف وتنهى النكوري
لطهر بقاع مباركة بين الامصار=أرض(ن)بها البيت العتيق معموري
مهوى أفئدة حجاج من كل الاقطار=يدون فريضة حج ركن(ن)ضروري
ومسجدرسول(ن)جاته الناس زوار=نورالهدى وأظهرمن الحق نوري
ولاجل حجيجه يأمنون من الاخطار=يمشون آمان وسالمين الشوري
قيض أمام(ن)عادل(ن)بالملا بار=يتبع طريق الحق والامرشوري
أمام عادل خير من وبل الامطار=وينزّل به الله مانزل بالسطوري
وعبدالعزيزمنذ حكم خيرللدار=رعى ورعاه الله بكل الاموري
أعطى الامانه حقها دون يحتار=حيثه على حمل الامانه صبوري
وحد قطاع المملكه دار مادار=ورفع عليها رأية العز نوري
الرايه اللي رمزها يحمل أشعار=مع كلمة التوحيد سيف بتوري
وجمع شتات مبعثر(ن)وين ماصار=وعاشوا بظله بالصحارالقفوري
خلا القبايل كنها أخوان وأنصار=تجاوروا ببيوتهم والقصوري
ماعاد تسمع بينهم طاري الثأر=ومن له حقوق(ن)يأخذالحق فوري
وزال الجهل بالدين مع بعض الافكار=وأعطى الحقوق وزال ظلم(ن)وجوري
وانشأ مع العالم علاقات بسفار=وقامت معه كل المصالح تدوري
ونقب عن البترول في حقل الاغوار=وتدفقت خيرات مثل البحوري
رزق(ن)من الله صاربالخيرمدرار=حيثه على حكم الشريعه غيوري
وتبدلت من حالة العوز وعسار=عقب العسرصارت أموره يسوري
وعلى طريق سياسته من حكم سار=منهج حكيم وعبقري بالعصوري
ندعوا عسى مثواه جنات الابرار=وتشفع لع الاعمال يوم النشوري
واليوم هذا مجدنا وعز وافخار=ذكرى نتحرى يومها من شهوري
ذكرى مرورالقرن لمؤسس الدار=مية سنه توحيدها للظهوري
ذكرى عزيزه ماتثمن بمقدار=وأكبر من التفكير مع الشعوري
وأكبر من سردالحقائق بالاشعار=ذكرى تحول بين دور(ن) ودوري
مية سنه وتقدير مياتها كثار=شهادة(ن)بجماع كل الحضوري
ميه بميه نسلها احرار وأخيار=الكل منهم عايز(ن)مايبوري
أهل الكرم والطيب وافين الاشبار=وجيه(ن) تشع النورمثل البدوري
ميه بميه مضرب أمثال وأشعار=بحسن التعامل وأحترام وقوري
ميه بميه قادها فهدالاحرار=نهضه تفوق اللي سبقها أدهوري
ميه بميه صار خيراتها كثار=عيشة هناء مافيه شح وكدوري
ميه بميه ذكرها بكل الاخبار=تصدرت بالصحف باب الصدوري
ميه بميه تلفت الدار الانظار=من شافها لازم يجيها يزوري
ميه بميه نفرح أصغاروكبار=عيد(ن) لنا فيه الفرح والسروري
نرقص مع العرضات نضرب لها الطار=وننثربها أحلى ريح طيب العطوري
فيها السماءوالارض ضاءت بالانوار=والناس تبادل فرحها بالزهوري
دار(ن)لنا نفديه بالمال وأعمار=لها علينا حقوق ماهي نكوري
ومادامني بالقول وأقف ومحتار=ومهما أقول أشوف مني قصوري
أختم جوابي ياعرب بخيرالاذكار=وأشكر وحمد الله رب(ن)غفوري
وأطلب من اللي يعلم السر وأجهار=ويسمع دبيب النمل فوق الصخوري
أنه يحفظ الدارمن كل الاشرار=وعنها يرد بكيدهم للنحوري
ويجعل ملكنا من طولين الاعمار= ذخرالوطن هو عزنا والفخوري
ويحفظ ولي العهد وأمينه البار=عون الذي ينصاه يشكي الظروري
وصلاة ربي عدهمال الامطار=واعدادماطل القمربالشهوري
على رسول(ن)صفوة الخلق مختار=محمدرسول الله هدي(ن)ونوري
هذه القصيده نضمتها بالذكرى المئويه00000/الشاعرمحمدمطرالفريدي
الذكرى المئويه 
العرض الشجري
