22-09-10, 02:52 PM
|
المشاركة رقم: 1 |
| المعلومات | | الكاتب: | | | اللقب: | ::عضو فعال::
| | الرتبة: | | | الصورة الرمزية | | | | البيانات | | التسجيل: | May 2010 | | العضوية: | 2919 | | الاقامة: | بريده | | الجنس: | ذكر | | المواضيع: | 24 | | الردود: | 102 | | جميع المشاركات: | 126 [+] | | بمعدل : | 0.02 يوميا | | اخر زياره : | [+] | | معدل التقييم: | | | نقاط التقييم: | 50 |
| الإتصالات | | الحالة: | | | وسائل الإتصال: | |
| المنتدى :
مجلس الشعر الخاص  قصيــدة قــــصتي
في ليلة(ن) لو لي جناحين قد طرت=أثر الفرح يطير بالمودماني
من عقب صوت(ن)بآخر الليل هرجت=صوت(ن)تمنيت أسمعه من زماني
يوم أتصل فزيت طولي ورحبت=عجزت أعبر عن شعور(ن)غشاني
من فرحتي سهران ليلي ولانمت=بس يتردد صوت خلي بأذاني
قالت محمد قلت ياعيون من قلت=أحكي وقولي يابعد من حكاني
قالت عرفتن قلت نعم وتشرفت=أسمك ورسمك ساكن(ن)في كياني
مير حلم والا علم والا تخيلت=من كثر ما بالقلب شوق وحناني
قالت أخير يامحمد تكلمت=وأنا أحسبنك تتصل من أواني
ويش السبب ماتتصل بي تأخرت=قصدك حياء او خوف والا تواني
اللي يحب مايلتزم جانب الصمت=ويرجي حبيبه بألامل والاماني
أظن لو ماجاك مرسول(ن)أرسلت=ماتتصل تقول بلكي أحتراني
والله عليك الوم مهما تعذرت=لاشك قلبي في هوك أبتلاني
قلت أسمعي ياشبه ريم(ن)تربت=بارض(ن)قفر وضاريه لجفلاني
لاباس أنا ياناعم العود قصرت=حقك عليه معترف به مداني
مير العفو يازين كأنك تكرمت=أشرح لك اللي صار ويش كنت أعاني
كل الذي هوممكن فيه فكرت=وخوفي من الاحراج عنك حداني
عنك نشدت وقيل بالبيت كم بنت=وصعب(ن)أعرف الصوت دون أنشداني
ومن عادتي يابنت ماقد تطفلت=بأي طريقه دون داعي دعاني
هذا السبب اللي جعلني ترددت=وطبعي عن اللي فيه شك يعصاني
ولاتحسبني داله(ن)عنك من غبت=بعقلي وقلبي دأيم(ن)ماتعداني
ولو أنت تدري ويش عقبك تحملت=كان الذي تشكيه يازين هاني
أصفق عليك الكف خمس(ن)على ست=وقول كانه ياعرب مانساني
وأصبحت مافرق خميس من السبت=ولادري من اللي راح عني وجاني
ومن شافني قرر عليه تهرفلت=غديت مثل اللي دخلهم جناني
ودام اتصلت اليوم خلاص فرجت=هذا الذي نبيه يازين حاني
يامرحبا عداد بالعين ماشفت=نجل العيون مخضبات البناني
ياكامل(ن)بالزين من جيت نورت=حياتي اللي نورها منك جاني
تدرين أنا وشلون في حبكم طحت=وشلون حظي في هواكم رماني
ولعتني يانافل الجيل من شفت=زول(ن)أظنه نادر(ن)بالغواني
شفتك وأنا اللي غافل(ن)ماتوقعت=ومع فرحتي به روعة(ن)ماتعداني
أثر صحيح الزين يروع اليا صرت=غافل وخزك بالعيون الافتاني
أول أشوفك من بعيد(ن)اليا أقبلت=وهمي أحسب طلعتك بالثواني
آقف وكني في مكاني تسمرت=أكحل عيوني بشوف زول(ن)خذاني
وأنا ادري أني ياهواءالبال كثرت=لاشك ابا الفت ناظرك ثم تراني
وفرحت فرحه يوم شفتك تبسمت=دريت أن اللي بغيته بغاني
عطني خبر يامشغل البال كيف أنت=عسى الامورتمشي على ماهناني
عطني علومك كلها من أول الوقت=من نظرت باعجاب لقلب(ن)نواني
قالت من أول نظرة(ن)شفتكم ملت=والعين هي مفتاح قلب الحساني
وكررت أنا النظرات لين أستقرت=باقصى الضماير لين حبك سباني
وأشغلتني والله حتى توصلت=على الطريق اللي عليكم هداني
ودامت علاقة حبنا لين كبرت=ودري بها من الناس قاصي وداني
وعقب ثلاث سنين بالود مرت= ولابيننا ياكود سحر البياني
وشرع المحبه للمحبين سنت=لقاء الحبيب ومقابله وين كاني
قلت أطلبك يازين كان أنت وافقت=تسمح أشوفك في حياتي ثواني
ياسعد حظي كان يازين تمت= وتحققت للنفس بعض الاماني
قالت أنا والله مثلك تشفقت=وعسى الظروف القاسيه للياني
المشكله من بعد حبي لها أفلست=حظي قصر من دونها ماعطاني
حسبي على اللي للمواليف شتت=اللي عن المحبوب غصب(ن)نحاني
فرق قلوب لغاية الحب تعبت=وهد الذي مع صاحبي كنت باني
حلوه سنين العشق كلما تذكرت=لو النهايه تصير عكس الاماني
ومن عقب ماني بالفرح طرت وقعت=مايطير حظ(ن)أنكسح وستهاني
ملاحظه هذه القصيده مضى عليها فتره من الزمن ولم ترى النور وكانت الفكره انها تكون على شكل قصه الا انه تم حذف مايقارب ستة عشر بيت من آخرها لخصوصيتها آمل ان تنال أعجابكم000الشاعرقرناس خامس
التعديل الأخير تم بواسطة غازى بن عجاب أبوزوايد ; 24-09-10 الساعة 09:07 PM |
| |
العرض العادي
