زرعت ابتسامة

زرعت ابتسامة

للشاعر::::::::: كديميس السيحاني



ليا ضاق لي خاطر وحاولت أبـديّ شـي
زرعت إبتسامة يمكـن احصـد نتايجهـا


يبدل لي الضيقة , وحر الشمـوس بفـي
و الإنسـان بالنسيـان دنيـاه سايجـهـا


و أنا ما بعد قيّمت لأهـل الهـوى والغـي
لكن البـروق تهيضنـي فـي تلاعجهـا


و أمتّع نظر عيني بجو(ن) خضـار ومـي
ويزيد الدجر شـوف الهنـوف وتغنجهـا


ليا مايل النسنـاس عـود(ن) ليـان وري
تخثـع بخطوتهـا وتقـصـر تدرّجـهـا


تلافح شعرها كـل ماغـط نـورالضـي
من خدودها اللـي مـوردات ومباهجهـا


لها مبسمٌ يفـرز شهـد والشهـد يشفـي
رضابـه دواء لمـن ذاق والا يهرجـهـا


تواصيفها لأهـل الهـوى كاويتهـم كـي
لـو أكمـل وصايفهـا بكامـل تبرجهـا


وخيالي وسيع وبنت الأفكـار بأحـلا زي
تصوّر لـي الصـوره وترسـم مناهجهـا


و الا ما اخبل اللي جاني يقول لي من هي؟
و أنا بنت فكـري عـارفٌ وش تحججهـا


اوصف وانا ما شفت زوله وله مااشكي
ولكن مهـارالقـاف بحروفـي اسرجهـا


قصيدة رآآقت لـــــي

مشكورة اختي
ميس الريم
قصيدة جميلة ونقل رائع

تحياتي

صح لسان الشاعر وتسلمين على النقل الرائع

ألف شكر لك اخي سهم على المرورالجميل
سلمت

تسلم ابو حمد على المرور الأروع
الف شكر لك

القصيده اكثر من رائعه تفننتي بنقل الجميل الله يجيرك من النار-امين-تقبلي مروري

شكرا اخي النمر الأرقط على المرور الجميل
والمعطر بدعوة مقبولة ان شاء الله

قصيدة جميله وتسلمين أخت ميس الريم

شكراً ميس على الأختيار الجميل
اقبلي قرائتي ومروري هنا

تسلمين اختي ريانة العود على المرور الجميل
الف شكر