قصيده بحرب.....نايف بن مياس

هذي قصيدها قلتها قبل مده وهي تعبر عن نفسها

ياهاجسي عطني من الشعر ماطاب=عليك بدع القاف ماهي صعيبه
وان كان له موقف وللموقف اسباب=سوق القصيد ابيع به واشتري به
لاصار بالميدان طالب وطلاب=درب الصواب ادوره واهتدي به
وانا الدفاع ان كانها وصلت اللاب=اسل سيفي باللقا واعتزي به
لي لابتٍَ بالحرب تفعل وحراب=لها اسمها المشهود حرب الحريبه
يومنها بالسيف قصاف الأرقاب=منزالنا بالعاليات الرقيبه
تاريخنا كله تهاويل واعجاب=ياجاهل التاريخ لا تدعي به
تاريخنا محفوض عن كل نصاب=ومن شان توضيح الحقايق نجيبه
لو كان بصدور الرياجيل ماغاب=شباب واللي بيض الراس شيبه
جتنا جيوش الترك من كل الأصواب=وحنا منازلنا على حدود طيبه
قمنا وقلنا ماعن الحرب مجناب=نموت عز ولا حياة الغليبه
وصفت جيوش العز بالخيل واركاب=نبغى الملاقا مارضينا ضريبه
قمنا وولا جيش الاتراك هراب=هذا قتيل وذاك نسمع نحيبه
ولاهو جميع جيوشنا ناب من ناب=باق الجيوش بنجد صارت مهيبه
وذيداننا ترعى بها كل الاعشاب=تمشي بحفظ الله لو هي ذهيبه
وان صك باب نفك فيها مية باب=ان كان نار الحرب شبت لهيبه
حامينها ذيدان وديار وشعاب=ننعم تحت ضل السهوم الصويبه
وان كان عج الخيل شهرين ماغاب=لابد ماترجع عدانا مخيبه
وكانه حدانا للمواريد طلاب=لابد مانارد عليها غصيبه
عدونا لاشافنا ضاع وارتاب=حلت عليه الكارثه والمصيبه
لوهو عقيد القوم تنهار الأعصاب=رجليه تبرد بالليال العصيبه
وان كان لرجال المواقيف حساب=احسب نويشي والله انه حسيبه
ويعلمك وشلون تقدير الأصحاب=يومٍ بعض الناس باق بصحيبه
وموكده باكثر دواوين الاعراب=اللي ذبح ربعه وخاله قريبه
وان كان جاء للطيب كاسب وكساب=الله خلق له واحدٍ يكتسيبه
ويكرم الضيفان ويدسم اشناب=هذاك ابن ناحل عسى الله يثيبه
وفعل البلالي لو غلط فيه نساب=افعولنا ماهي علينا غريبه
فدا الولد من ضربة السيف ماهاب=خلاه لامه جعلها تهتني به
واللي نصانا ضايمه حزم كلاب=وطاه مع ربعه مهونه وسيبه
وتجمعو كل الجماعه والأقراب=ومدوا له اللي كاتبٍ له نصيبه
واليوم متغير غناوي ولعاب=دارت دواليب الزمان العجيبه
جحاد للمعروف خاين ولساب=ماخاف من ربه وتقدير شيبه
دام الهدد بين الحديات وغراب=مضلوم ياحرٍ كفوفه عطيبه
قدمت موجز ما تقدمت باسهاب=وضحت بعض فعول حرب العريبه
افعولنا تبقى على كل مرقاب=وباق القبايل فعلها ما نعيبه
والعلم ما يخفى على اصحاب الألباب=مضمونها عند الرجال الأديبه
هذا كتاب وباقي كتاب وكتاب=الحبر واجد والصحايف قريبه
نايف بن شليويح الفريدي

صح لسانك يانايف قصيدة جزلة من شاعر جزل
تستاهل المدح قبيلة حرب
تقبل وافر التقدير

صح السانك أخي نايف قصيده جزله بمعانيها فخراً وتفاخر بقبيلة حرب تستاهل حرب
قصيدة وافيه يا ابو شليويـح بيض الله وجهــــــــــــــــــــــ ــك

صح لسانك يانايف
سلمت ودمت
بيض الله وجهك

تحيتي

اخوى


نايف شليويح الفريدي


بيض الله وجهك ماقصرت قصيده جزله



من شاعركفو لاهنت يابن العم



تحياتي

كـــــــــــــفوكــــــــ ـــــــــفوينايف شليويح قلت وفيت
صـــــــــــح الله لسانك وعلا شانك
تفعل الجميل وربعك حرب
يستاهلون وانت قد الموقف
ولك الفخر تفخر
بفعول القبيله
تسلم لاهنت

صح الله ابدانكم وبيض الله وجيهكم

صح لسانكــ وعلا شانكــ وسلم بنانكـــ يابن مياس
قصيده جزله بيض وجهك ،،، وسلمت ودمت.

صح لسانك وعلا شانك و بيض الله وجهك

صح الله ألسانك..

جمال القصيده يفوق الوصف..
أستمتعت بقراءة النص المميز..

لاهنت..


أختك/ طـــموح