يالله طلبتك والمدامع حزينه,,,,, يالله طلبتك وازرق الدمع همااااااال

منقووووووووول

المناسبه :
هذه القصيده هي تجسيد لحالة مظلوم لم يستطيع ديوان المظالم رفع الظلم عنه. حيث اعتذر الديوان عن نظر القضيه لعدم الاختصاص ولائيا.
ولم يستطيع هذا المظلوم ايصال مظلمته برقيا ولاشخصيا إلى ولي الامر
مما تسبب له باضرار نفسيه وماديه جسيمه.
وبعد اطلاعي على وثائق القضيه اقتنعت بعدالة قضيته وجسدتها بهذه القصيده التي آمل ان تنال استحسانكم:

يالله طلبتـك والمدامـع حزيـنـه=يالله طلبتك وازرق الدمـع همـال
بي ضيقةٍ لو تنتشـر فـي مدينـه=والله فلا يضحك بها حتى الاطفـال
مسكيـن قلـبٍ فارقتـه السكينـه=قلبٍ يقطعه الآسى من غثى البـال
امن القهـر قـام يتزايـد ونينـه=ينوح نوح اللي تعلت على الجـال
يرجف من اللوعات رجف المكينه=تلوعه الدنيا على شـط الاهـوال
امن اولٍ كانـت جروحـه دفينـه=واليوم اصبـح للغرابيـل مدهـال
باح العزاء والقلـب بيـح كنينـه=ولاعاد باقي للصبـر فيـه مثقـال
يصيح باعلى الصوت يامن يعينـه=يامن يوصل شيخنا الظلم بالحـال
قولوا له ان الظلـم اكبـر غبينـه=لجا من اللي بالعدل مضرب امثـال
دسوا عليه اهل الوجيـه اللعينـه=اهل الوجيه الكاذبه قـول وافعـال
حطوا المظالم تحت اسمه رهينـه=وحطوا السيادي دونهم ستر وظلال
وقاضي المظالم كف عنها يدينـه=وقال السيادي مالنا فيـه مدخـال
اعرض على اللي بالعدل خابرينـه=اللي مضاريبه على الظلـم تنهـال
شيخٍ على الفزعات يضوي جبينـه=بس الوصل دونه رجاجيل واقفـال
والشيخ ماهو شمس يشرق بعينـه=بالعدل وصى وبعضهم خان الامال
ياما على العادل تطوف الرطينـه=وياما مع الطيب يخونون الانـذال
ماتصفـق اليمنـى بليـا عوينـه=ومايروي الظميان طرد اشهب اللال
اضرب بعدلـك تستقيـم السفينـه=اضرب بعدلك اسودٍ كنـه الشـال
بالعدل تصبح كل عجفـا سمينـه=وبالظلم تجنح كل خصبا للامحـال
ياقلب لاتحمـل عليهـم ضغينـه=يكفيكهم عالـم خفيـات الاحـوال
ياقلب تُفـرج والفـرج محترينـه=بامر الذي انزل تبـارك والانفـال

الله يرد كل حق لصاحبه

مايضيع حق وراه مطالب

تقبل ودي واحترامي

(اااااااااااامين)

شاكر ومقدر مرورك ياعالي مستواه

اخوى


ابو حمد


الله يرفع عنه الظلم وقصيده جزله لاشك تسلم على النقل الموفق



تحيتي

الاخ غازي بن عجاب ابوزوايد كل عام وانت بخير
مشكور على المرور لاعدمتك

ياقلب تُفـرج والفـرج محترينـه=بامر الذي انزل تبـارك والانفـال

أبيات صارخة تسلم ابو حمد على ذا النقل

يعطيك العااافية ابو حمد وعيدك سعيد

انا شاكر لك المرور اخت ميس

شكرا فزاااااااااااااااع على المرور

مشكور على الاضافه يابوحمد.