قصيدة حكمة لكل متفاخر

من الجميل أن يفخر الانسان بفعول ربعه وهذا ما كان يفعله القدماء.
ولكن اذا كان الفخر مدعاة للركون الى الكسل وترك (العلوم اللي تنومس)
والأعتماد على مافعله الآباء ولأجداد
ولا تكون له شيء محمس ودافع(ن)
الى ابقاء هذه الصورة التي تركها الأجداد.
الشاعره:حصه هلال والمعروفه بـ(ريميه) كان لها صوله وجوله في هذا الموضوع فقالت:

عمر الردي ماينفعه طيب جده=ينقال نار و ورثت له رماده
فخر الولد بالفايته مايجده= لاصار ماله قدحة(ن) من زناده
قوم(ن) على ذيل الليالي مصده= يبطي دليلتها يلاوي سواده
الفخر ريح والفعايل تسده= وألا ترى بالصمت عنه سداده
الصيت أبو حدين حده مضده= من شال ابو حدين يلزم شداده
المجد ماهو سفرة(ن)لو تمده= يوم السفر تمدها كل غاده
والمجد ماهو قافيه يامكده= القاف ماكاد الحراير اكداده
المجد عاصي يبي شده= وعده حل العقد ياللي تريد العقاده
يالابس البالي بالأيام جده= وين الهروس الهارسه من جداده

اخي العزيز / فارس الفريدي

لااااهنت على النقل المتميز

لااااعدمتك

أختياااااار موفق ورائع مشكور فاارس الفريدي

صح لسان الشاعره
اختيار رائع يافارس دمت مبدعا

صح لسان الشاعره ريميه


وسلم يراعكـ أخوى فارس على النقل الموفق



تحياتي

قصيده جميله ،،،، مشكور على الاضافه ياخوي فارس.